ब्‍यवस्‍था 19:5 - Sunuwar Bible

⁵ दोदेंशो दुम्‍ने चाप्‍ब देंशा हना, आन वारच नु शी ख्रोइक्‍थ ब्‍वाकी लमानु, रवा तिम्‍मेनु, मेको खा ङा फलम बुइश्‍शा, लशा, ख्रशा आ वारच बेक्‍त हना, मोदेंशो पा मुर साइक्‍ब मुर मेको सहरम प्रोक्‍शा लने चाप्‍नीम।

ब्‍यवस्‍था 19:5 ပူးပေါင်းရင်းမြစ်များ

२ राजा 6:4

मिनु एलीशा मेकोपुकी नु लमाक्‍त। मिनु मेकोपुकी यर्दन खोला जाक्‍दीश्‍शा रवा तिम्‍चा गोव़मे बाक्‍त।

हितोपदेस 27:12

निप्‍स पाइश्‍शो मुर श्‍येत जाक्‍चा चिक्‍शो तशा, ख्रुंइसी‍नीम। तन्‍न मारेइ मजोक्‍ब मुरुमी मारेइ मतुइक्‍थु श्‍येत जाइनीम। हितोपदेस २२:३

यसैया 32:2

मिनु मेको मुर नेल्‍ल फश रे ख्रुंइसीतीके, रेउ यिमेनु फाम्‍सीतीके, सोव़शो रागीमी ब्‍वाक्‍कु यितीके नु थम होश रागीमी ठेयब सेरथे फुल्‍लु आ वांकु खोदेंशो बाक्‍नीम।

गन्‍ती 35:25

मिनु मेको सहर ङा मुरपुकीम मेको मुर साइक्‍ब कली क्‍येक्‍क लेप्‍ब आ गुइ रे प्रोंइचा माल्‍नीम। मिनु नोले सहर ङा मुरपुकीमी मेको मुर साइक्‍ब ब्रोंइशा बाक्‍तीक सहर सोइक्‍चा माल्‍नीम। मिनु मेको मुर साइक्‍ब तेल लुक्‍शो ठेयब चढ़ेब मबेक्‍म सम्‍म मेकेर बाक्‍चा माल्‍ब। लेवी २१:१०

ब्‍यवस्‍था 19:4

मिनु सुइमी गेहे मपथु, साइक्‍चा ममिम्‍थु मुर का कली साइक्‍तु हना, मेकेर प्रोक्‍शा लशा ब्रोंइल।

ब्‍यवस्‍था 19:6

मेको सहर ङोन बाक्‍त हना बेक्‍ब मुर आ मुरपुकीम मेको कली क्‍येक्‍क लेत्‍चा कली लांमी खेदा पा साइक्‍ब। तन्‍न मेको मुर साइक्‍चा मपुंइसीब बाक्‍ब। मारदे हना मेको आ वारच बाक्‍त।