ब्‍यवस्‍था 19:13 - Sunuwar Bible

¹³ मेको कली शिशी मपन। मिनु इस्राएलम सुम मारेइ दोस मतशो मुर कली हुश ख्राक्‍श पोक्‍शो पाप मोदेंशो पा क्‍याम्‍चा माल्‍ब। ब्‍यवस्‍था २१:८-९

ब्‍यवस्‍था 19:13 ပူးပေါင်းရင်းမြစ်များ

उत्पत्ती 9:6

सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०

२ सामुएल 14:7

मुल आ थर ङा मुर नेल्‍लेमी, इन वाइलीम कली ‘आ लोक्‍ब साइक्‍ब कली आंइ गुइम गेने। मिनु गो मेको कली साइक्‍नीकी। मारदे हना आ लोक्‍ब कली साइक्‍तु। गो इ अङस ताइब सुइ मबाक्‍त हना यो, गो मेको कली साइक्‍नीक’ देंतेक्‍म। मेकोपुकीम मो पाम्‍तेक्‍म हना, आं लीशो मी यो काप्‍नीम। मिनु आं वोंइश आ नें नु चच युइ यो रागी रे क्‍याम्‍सीनीम” दें‍माक्‍त। ब्‍यवस्‍था १९:११-१३

२ सामुएल 21:1

पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।

२ सामुएल 21:14

मेकोपुकीम सावल नु आ तौ योनाथन आस रुश बेन्‍यामीन आ थर आन रागी ङा जेला सहर सावल आ आफ कीश आ तुरसुम थिम्‍मे बाक्‍त। पिपमी मेको आन कली मार मार देंमे, मेको पामे बाक्‍त। मेको नोले परमप्रभुम रागी आ पर्बम पुंइशो लोव़ नेना बाक्‍त। २सामुएल २४:२५

१ राजा 2:31

मिनु पिपमी बेनायाह कली “मेको आ देंशो खोदेंशो पावो। मेको कली साइश्‍शा थिमीन। मोपा योआब आ मोशा हुश ख्राक्‍श पोक्‍शो दोस गो नु आं आफ आ खिं रे क्‍याम्‍दीन।

इजीकीएल 16:5

सुइम मेको नेल्‍ल पचा कली इ कली शिशी मकोंइदेम। तन्‍न गे जरमेसेनु, इ कली रूम ताइक्‍ताक्‍म। मारदे हना इ कली ग्रांग्रा दित्‍ताक्‍म।

लेवी 24:17

सुमी मुर का कली साइक्‍बा, मेको साइक्‍चा पुंइसीब। प्रस्‍थान २१:१२

लेवी 24:21

सुइमी बी ब्‍यफ, क्‍यारश भेडा आन कली तुप्‍शा साइक्‍तु हना, मेको आ पा ङा अर्को गेचा माल्‍ब। तन्‍न मुर साइक्‍ब कली चहिं, साइक्‍चान माल्‍ब।

गन्‍ती 35:31

गेपुकी साइक्‍चा पुंइसीब मुर प्रोंइचा कली मेको आ पा ङा क्‍येट मताक्‍कीन। मेको मुर साइक्‍ब कली साइक्‍चा माल्‍ब। भजन संग्रह ४९:८-९

ब्‍यवस्‍था 13:8

मेको लेम्‍ब आ लोव़ मनेंचा, आ देंशो मटिचा। गे मेको कली शिशी मपथु, मेको कली मख्रुइक्‍थु,

ब्‍यवस्‍था 19:12

मेको मुर आ सहर ङा खाल्‍पापुकीमी मेको कली चाक्‍पाइश्‍शा, क्‍येक्‍क लेप्‍ब आन गुइमी साइक्‍पाइक्‍चा कली जिम्‍मा गेमेक्‍ल।

ब्‍यवस्‍था 19:21

मिनु गेपुकीमी शिशी मपने। साइक्‍ब कली साइक्‍चा माल्‍ब। मिक्‍च पुक्‍ब कली आ मिक्‍च पुक्‍चा माल्‍ब। ख्रुइ जिक्‍ब कली आ ख्रुइ जिक्‍चा माल्‍ब। गुइ खोइल जिक्‍ब कली आ गुइ खोइल जिक्‍चा प्रस्‍थान २१:२३-२५

ब्‍यवस्‍था 21:9

मोपा गेपुकीमी दोस मतशो मुर कली साइक्‍चा पुंइसीतीके इन दाते रे ग्रुंइचा माल्‍नीनी। मारदे हना गेपुकीमी परमप्रभु यावे आ ङोंइती ठीक पचा माल्‍नीनी। गन्‍ती ३५:३३

ब्‍यवस्‍था 25:12

गेपुकीमी मेको कली शिशी मपाइक्थु, आ गुइ ख्रोइक्‍चा माल्‍ब।

ब्‍यवस्‍था 7:16

मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।