ब्‍यवस्‍था 19:10 - Sunuwar Bible

¹⁰ मोपा परमप्रभु यावे, इन परमप्रभुमी इन कली गेशो रागीम दोस मताइब कली मसदमेक्‍ल। दोस मताइब कली साइक्‍नीम हना, इन दातेमी साइक्‍चा ङा पाप राइब।

ब्‍यवस्‍था 19:10 ပူးပေါင်းရင်းမြစ်များ

१ राजा 2:31

मिनु पिपमी बेनायाह कली “मेको आ देंशो खोदेंशो पावो। मेको कली साइश्‍शा थिमीन। मोपा योआब आ मोशा हुश ख्राक्‍श पोक्‍शो दोस गो नु आं आफ आ खिं रे क्‍याम्‍दीन।

२ राजा 21:16

मेको क्‍येङा लाक्‍शा यो मनस्‍सेम दोस मताइब शुश मुर आन हुश शाइक्‍पाइश्‍शा, यरूसलेम आ सुर का रे अर्को सुर सम्‍म प्रिंदा बाक्‍त। मिनु मेकोम यहूदा कली पाप पपदा बाक्‍त। मिनु मेकोपुकीम परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। २राजा २४:४; भजन संग्रह १०६:३८

२ राजा 24:4

मारदे हना मनस्‍सेम दोस मताइब मुर आन कली साइश्‍शा, यरूसलेम कली हुशेम प्रिंशो बाक्‍माक्‍त। मिनु परमप्रभु यावेमी मेको कली माफ गेने मबिश्‍शो बाक्‍माक्‍त।

भजन संग्रह 94:21

मेकोपुकीमी ठीक पाइब आन पर्बम दोपा मरिम्‍शो पचा, दे लोव़ गारपाइक्‍नीम। मिनु दोस मताइब आन कली साइक्‍नीम।

हितोपदेस 6:17

मेको मार बाक्‍नीम देंशा हना, ठेयब लेत्‍तीके, जोल पतीके, दोस मताइब मुर आन कली हुश ख्राक्‍श पोक्‍तीके,

यसैया 59:7

मेकोपुकी मरिम्‍शो पचा कली ला दोरनीम। दोस मताइब आन कली साइक्‍चा कली चुइक्‍नीम। मेको आन मिम्‍शो मरिम्‍शो बाक्‍ब। आन लांमी बिग्रेतीक नु खतम पोक्‍तीक बाक्‍ब। रोमी ३:१५-१७; हितोपदेस १:१६; येरमीया २:३४

योएल 3:19

मिनु यहूदा ङा दोस मताइब मुर आन कली मरिम्‍शो पतीके नु हुश ख्राक्‍श पोक्‍तीके इजीप्‍त रागी मुर मबाक्‍तीके दुम्‍ब। मिनु एदोम चहिं कोक्‍त रागी दुम्‍ब।

योना 1:14

मिनु मेकोपुकीमी परमप्रभु यावे कली “परमप्रभु यावे, एको मुर आ पर्बम गोपुकी बेक्‍चा ममाल्‍कल। एको मुर आ दोस मतकल। मारदे हना परमप्रभु यावे, इन दाक्‍शो यो मोदेंशोन बाक्‍त” देंमा बाक्‍त।

गन्‍ती 35:33

मिनु गेपुकीमी इन बाक्‍तीक रागी ग्रांग्रा दिशो मसेलीन। मारदे हना रागी हुशेम ग्रांग्रा दिशो सेल्‍ब। मिनु मेको ग्रांग्रा मदिशो सेल्‍ने मचाप्‍नीम। हुश ख्राक्‍श पोक्‍ब कली साइश्‍शा ला मेको रागी ग्रांग्रा मदिशो सेल्‍ने चाम्‍सीब।

ब्‍यवस्‍था 19:13

मेको कली शिशी मपन। मिनु इस्राएलम सुम मारेइ दोस मतशो मुर कली हुश ख्राक्‍श पोक्‍शो पाप मोदेंशो पा क्‍याम्‍चा माल्‍ब। ब्‍यवस्‍था २१:८-९

ब्‍यवस्‍था 26:1

मिनु मोसामी “परमप्रभु यावे, इन परमप्रभुमी इन कली गेशो रागी जाक्‍दीश्‍शा, इन के सेल्‍शा, मेक बाक्‍नीनु,

ब्‍यवस्‍था 4:21

मिनु परमप्रभु यावे इन पतीके, आं पर्बम गाइक्‍ताक्‍व। मेकोमी आं कली “गे यर्दन खोला मशोक्‍थु, इस्राएली आन कली गेशो रिम्‍शो रागी लचा मताइ‍नेवे” दे कसम जाप्‍तु। ब्‍यवस्‍था ३:२६

१ सामुएल 19:5

मेकोमी पलिस्‍ती कली सदानु, आंमा चहिं बेक्‍नुङ देय ब्रोंइनुङ, दे मतुइश्‍शो बाक्‍त। मिनु परमप्रभु यावेम इस्राएल कली ठेयब सेल्‍शा ग्रापाइक्‍तु। गे मेको नेल्‍ल तशा शुश ग्‍येरशो बाक्‍तीनी। गे मारदे मेको दोस मताइब दाऊद कली मरिम्‍शो पचा माल्‍नीनी? बित्‍चीम मेको कली मारदे साइक्‍चा दाक्‍नीनी?” देंमाक्‍त। १सामुएल १७:५०