ब्‍यवस्‍था 18:9 - Sunuwar Bible

⁹ परमप्रभु यावे, इन परमप्रभुमी इन कली गेशो रागी जाक्‍दीन्‍नी नोले मेकेर ङा रागी रागी ङा मुर आन पशो ग्रांग्रा दिशो गेय शेंसीशा काइ मपने।

ब्‍यवस्‍था 18:9 ပူးပေါင်းရင်းမြစ်များ

२ राजा 17:11

मेकोपुकीम परमप्रभु यावेमी मेको आन ङोंइती रे ग्रुंइशो रागी रागी ङा मुर खोदेंशो पा डांडा ङा थानम धूप चोव़मे बाक्‍त। मेकोपुकीम परमप्रभु यावे आ अरेशो काइ मटिथु, गाइक्‍पदमे बाक्‍त।

२ राजा 17:8

मेकोपुकीम परमप्रभु यावेमी आन ङोंइती ग्रुंइशो रागी रागी ङा मुर आन पतीके पशो बाक्‍मा बाक्‍त। इस्राएल ङा पिप आन पशो मरिम्‍शो गेय नेल्‍ल पशो बाक्‍मा बाक्‍त। मेकोपुकीमी परमप्रभु यावे कली मटिशो बाक्‍मा बाक्‍त। २राजा १६:३

२ इतिहास 28:3

मिनु पिप आहाजम बेन-हिन्‍नोम आ बेंसीम धूप चढ़ेवा बाक्‍त। आहाजमी रागी रागी ङा मुर आन ग्रांग्रा दिशो गेय खोदेंशो पा, आ तौ आन कली मीम चोशा चढ़ेवा बाक्‍त। मोपतीके परमप्रभु यावेमी रागी रागी ङा मुर आन कली इस्राएली आन ङोंइती रे खेरशो बाक्‍माक्‍त। ब्‍यवस्‍था १८:९-१२

२ इतिहास 36:14

मेको प्रोंइशा, चढ़ेब नु मुरपुकीम थाम्‍पा मरिम्‍शो पा, रागी रागी ङा मुर आन ग्रांग्रा दिशो गेयपुकी नेल्‍ल पामे बाक्‍त। मोपा यरूसलेम ङा परमप्रभु यावे आ खिं ग्रांग्रा दिशो सेल्‍मे बाक्‍त। ब्‍यवस्‍था १८:९

येरमीया 10:2

परमप्रभु यावेम “रागी रागी ङा मुर आन पतीक मशेंसीने। सरीङ ङा चिन्‍ड तशा, महिनीन। रागी रागी ङा मुरपुकी मेको तशा हिंनीम। प्रस्थान २३:२४; २राजा २१:६

लेवी 18:30

मोपतीके गे ङोंइती ङा मुरपुकीमी पशो खोदेंशो पा मेको दूली ग्रांग्रा दिशो पाप मपने। मिनु आंम कली ग्रांग्रा दिशो मसेलीन। मारदे हना गो परमप्रभु यावे, इन परमप्रभु नङ’ देनो” देंत।

ब्‍यवस्‍था 20:18

मो मपाइतीनी हना, मेको आन देवी देवता आन कली ग्रांग्रा दिचा ङा पतीके शेंसीनीनी। मोपा परमप्रभु यावे, इन परमप्रभु कली मरिम्‍शो पा पाप पाइनीनी।

ब्‍यवस्‍था 9:4

मिनु परमप्रभु यावे, इन परमप्रभुमी मेको आन कली इन ङोंइती रे खेरानु, गे इन थुंमी ‘परमप्रभु यावेमी आंइ ठीक पतीके एको रागीम चाक्‍तु’ दे ममिम्‍तीन। मेको रागी रागी ङा मुर आन मरिम्‍शो पतीके परमप्रभु यावेमी मेको आन कली इन ङोंइती रे खेरब। ब्‍यवस्‍था ८:१७; उत्‍पत्ती १५:१६

ब्‍यवस्‍था 9:5

गेपुकी इन ठीक पतीक नु इन ठीक थुं दुम्‍तीके मेको आन रागी इन के सेल्‍चा तशो मननी। तन्‍न मेको रागी रागी ङा मुर आन मरिम्‍शो पतीके परमप्रभु यावे, इन परमप्रभुमी मेको आन कली खेरब। मिनु इन किकी पिप अब्राहाम, इसहाक नु याकूब नु जशो कसम खाप्‍चा कली मो पाइब। ब्‍यवस्‍था ६:२५