ब्‍यवस्‍था 18:15 - Sunuwar Bible

¹⁵ परमप्रभु यावे, इन परमप्रभुमी इन दाते रे आं खोदेंशो पा आ लोव़ पाइब का योव़ब। गेपुकीमी मेको आ लोव़ नेंचा माल्‍नीनी। गन्‍ती १२:६-८; यूहन्‍ना १:४५; यूहन्‍ना ६:१४; यूहन्‍ना ७:४०; प्रेरित ३:२२; प्रेरित ७:३७

ब्‍यवस्‍था 18:15 ပူးပေါင်းရင်းမြစ်များ

प्रेरित 7:37

मेको मोसामी इस्राएली आन कली ‘आं खोदेंशो, परमप्रभु यावेमी आ लोव़ पाइब इन दाते रे का योव़शा, आ लोव़ नेंपाइक्‍ब का सेल्‍ब’ दे तुइक्‍पाइक्‍मी बाक्‍त। ब्‍यवस्‍था १८:१५

यूहन्‍ना 1:45

मिनु फिलीपमी नथानेल माइश्‍शो मुर कली ग्रुम्‍शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्‍शो का आ पर्बम ब्रेक्‍शो बाक्‍तेक्‍म। मिनु गोपुकीमी मेको कली ग्रुम्‍तक। मेको नासरथ सहर ङा योसेफ आ तौ येसु बाक्‍माक्‍त” दे नथानेल कली देंत। यसैया ५३:२; ब्‍यवस्‍था १८:१८; येरमीया २३:५; इजीकीएल ३४:२३

लूका 9:35

मिनु गोस्‍स आगा रे सेंदा का “एको आं योव़शो तौ बाक्‍ब। मेको आ लोव़ नेनीन” देंशो नेन्‍मे बाक्‍त। लूका ३:२२; भजन संग्रह २:७; ब्‍यवस्‍था १८:१५

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

१ तिमोथी 2:5

परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५

यूहन्‍ना 6:29

मिनु येसुमी “मेको परमप्रभु यावे आ गेय बाक्‍ब। गेपुकी परमप्रभु यावे आ सोइश्‍शो कली थमा सुइक्‍चा, परमप्रभु यावे आ गेय बाक्‍ब” दे माइक्‍तीमी।

लूका 24:19

येसुमी “मार दुम” देंमाक्‍त। मिनु मेको निक्‍शीमी “मार दुम्‍त देंशा हना, नासरथ ङा येसुमी परमप्रभु यावे आ लोव़ पवानु, शुश चिन्‍ड कोंइताक्‍व। परमप्रभु यावे नु मुर नेल्‍ल आन ङोंइती मोदेंशो पाप्‍तु। मत्ती २१:११

१ यूहन्‍ना 3:23

मिनु आ अरेशो लोव़ मार बाक्‍ब देंशा हना, परमप्रभु यावे आ सोइश्‍शो येसु ख्रीस्‍त कली थमा सुइक्‍चा नु इं दातेमी दाक्‍मुचा इं कली अरेशो लोव़ बाक्‍ब। यूहन्‍ना ६:२९; यूहन्‍ना १५:१७

यूहन्‍ना 1:25

मिनु यूहन्‍ना कली “गे ख्रीस्‍त मननी हना, एलीया मननी हना, परमप्रभु यावे आ लोव़ पाइब यो मननी हना, मारदे मुर आन कली ब्‍वाक्‍कुमी ख्रुम्‍शा ग्रुंइतीक गेय पाइनीनी?” दे हिल्‍लो पाम्‍तेक्‍म।

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

ब्‍यवस्‍था 34:10

मेना रे मुल सम्‍म इस्राएली आन दातेमी मोसा खोदेंशो परमप्रभु यावे आ लोव़ पाइब सुइ मग्रूम। परमप्रभु यावेमी मेको कली थमा पा तुइक्‍बाक्‍त। प्रस्‍थान ३३:११; गन्‍ती १२६-८; १कोरिन्‍थी १३:१२

यूहन्‍ना 1:21

मेकोपुकीमी “मिनु, गे एलीया ननी?” दे हिल्‍लो पाम्‍तेक्‍म। मिनु यूहन्‍नामी “गो मेको यो मनङ” देंत। मिनु मेकोपुकीमी लेंशा “गे परमप्रभु यावे आ लोव़ पाइब ननी?” दे हिल्‍लो पाम्‍तेक्‍म। मिनु मेकोमी “गो मेको यो मनङ” देंत। मलाकी ३:२३; मत्ती १७:१०-१३; ब्‍यवस्‍था १८:१५

ब्‍यवस्‍था 5:5

मारदे हना गे मी तशा हिंतीनी, डांडा मङोंइसीनी। गो परमप्रभु यावे आ लोव़ इन कली शेंचा, दे परमप्रभु यावे नु इन दातेम, राप्‍शो बाक्‍ती” देंत।

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

मत्ती 21:11

मिनु येसु नु काथा गाक्‍बपुकीमी “गालील रागी ङा नासरथ रे जाक्‍शो परमप्रभु यावे आ लोव़ पाइब येसु एको बाक्‍ब” देंतेक्‍म।

लूका 2:25

यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८

लूका 7:16

मिनु मुरपुकी मोदेंशो दुम्‍शो तशा, हिंमा बाक्‍त। मिनु मेकोपुकीमी परमप्रभु यावे कली ठेयब सेल्‍शा “इं दातेमी परमप्रभु यावे आ लोव़ पा छक लाक्‍चा ङा गेय पाइब का ग्रूमाक्‍त। परमप्रभु यावेम इं कली थमा पा शिशी पाइक्‍बाक्‍त” देंमा बाक्‍त। मत्ती १६:१४; लूका १:६८

यूहन्‍ना 4:19

मिनु “प्रभु, गे परमप्रभु यावे आ लोव़ पाइब का बाक्‍नी बाक्‍त। मोपतीके आं मारेइ मारेइ तुइक्‍ताक्‍नी।

यूहन्‍ना 9:17

मिनु फरिसीपुकीमी लेंशा आ मिक्‍च साशो कली “मिनु इ कली मिक्‍च ताइब सेल्‍ब आ पर्बम मार देंनेवे?” दे हिल्‍लो पाम्‍तेक्‍म। मिनु मेकोमी “परमप्रभु यावे आ लोव़ पाइब बाक्‍त” देंत।

गन्‍ती 12:6

मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।

गन्‍ती 12:8

गो मेको नु कोव़मुशा लोव़ पाइनुङ। मिनु मेको नु रुप्‍चा ङा लोव़ पा ख्रुइश्‍शो लोव़ मपाइनुङ। मिनु मेको आं नेक्‍था जाक्‍ने चाप्‍ब। मारदे गे आं गेय पाइब मोसा आ पर्बम मरिम्‍शो लोव़ पचा काइ महिंसी?” देंत। प्रस्‍थान ३३:११; ब्‍यवस्‍था ३४:१०

होसे 12:14

तन्‍न एफ्राइममी परमप्रभु कली चुरपाइश्‍शो बाक्‍ब। मोपतीके परमप्रभुमी आ पशो हुश ख्राक्‍श पोक्‍तीके आ पर्बम सजाइ गेब। मेकोमी दोदेंशो पवा, मोदेंशो पा क्‍येक्‍क लेत्‍चा पुंइसीब” दे परमप्रभुम देंत।