ब्‍यवस्‍था 18:11 - Sunuwar Bible

¹¹ ठेयब मिक्‍च पचा, बेक्‍शो मुर रे लोव़ पचा नु बेक्‍शो मुर आ अर्ती नेंथ माल्‍चा मेको नेल्‍ल ग्रांग्रा दिचा ङा गेय बाक्‍ब। मोदेंशो पाइब इन दातेमी काइ मदुम्‍ब। लेवी २०:२७; १सामुएल २८:३-२०

ब्‍यवस्‍था 18:11 ပူးပေါင်းရင်းမြစ်များ

प्रस्‍थान 22:18

टुना मुना पाइब कली ब्रोंइचा मगेचा। लेवी २०:६,२७; लेवी १९:३१; ब्‍यवस्‍था १८:१०; १सामुएल २९:९; मलाकी ३:५

यसैया 8:19

मिनु मुरपुकीमी इ कली “बेक्‍शो मुर आन कली हिल्‍लो पावो। लिंक्‍यु कोव़ब चाक्‍को। वोल आन कली लोव़ पपतो” दे लोव़ पाइनीम। मेको वोल आन रेयके नेंसीब। मिनु मार, सेस मुर आन पर्बम बेक्‍शो मुर आन कली हिल्‍लो पचा? मुरपुकीमी आन परमप्रभु कली हिल्‍लो पचा ममाल्‍नीमी ङा? २राजा १:३

लेवी 19:26

गेपुकीमी तेकोइ चिक्‍ब, जन्‍तु, बी बयफ, क्‍यारश भडा आन श्‍ये हुश सुन्‍दा मब्‍वने। मिनु गेपुकी लिंक्‍यु मकोव़ङीन। मिनु गे टुना मुना काइ मपने। लेवी ३:१७; ब्‍यवस्‍था १८:१०

लेवी 19:31

गेपुकी बेक्‍शो मुर रे लोव़ पाइब नु लिंक्‍यु कोव़ब कली ‘वारच पाइक्‍की’ दे आन बाक्‍तीके मलने। मेकोपुकी नु सल्‍ला पा, गे आंम कली ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। लेवी २०:६; ब्‍यवस्‍था १८:१०-११; १सामुएल २८:७

लेवी 20:27

सु इन दातेमी वोंइश मुर कि मीश मुर बेक्‍शो मुर रे लोव़ पाइबा कि लिंक्‍यु कोव़नीम, मेको आन कली साइक्‍चा माल्‍ब। मेको आन कली फुल्‍लु आप्‍शा साइक्‍चा माल्‍ब। मेको साइक्‍चा पुंइसीनीम’ दे इस्राएली आन कली शेंदो” दे परमप्रभु यावेमी मोसा कली देंत। प्रस्‍थान २२:१७

लेवी 20:6

सु मुर बेक्‍शो मुर रे लोव़ पाइब नु लिंक्‍यु कोव़ब आन कली “वारच पयी” दे आन बाक्‍तीके लाइबा, गो मेको कली ब्रोंइचा मगेथु, आ मुर आन दाते रे क्‍याम्‍नुङ। लेवी १९:३१

प्रेरित 16:16

मेकेर बाक्‍शा गो प्रार्थना पथ खोला आ नेक्‍था लना लन पकानु, काबु वाइलीम मीश आल का लांमी ग्रुम्‍तक। मेको मीश आल वोलम गेशो सक्ति तशा, मुर आन कली नोले दुम्‍ब लोव़ नेल्‍ल तुइक्‍पाइक्‍बाक्‍माक्‍त। मोपा आ होव़प आन कली शुश क्‍येट चेम्‍शा गेबाक्‍माक्‍त।

१ सामुएल 28:8

मिनु सावल अर्को वा फेक्‍शा, आ मुर निक्‍शी नु मेकेर लमाक्‍त। मिनु नाक्‍दो मेको मीश मुर आ बाक्‍तीक जाक्‍दीशा, मेको कली “आं कली मार दुम्‍बा बेक्‍शो मुर कली हिल्‍लो पा शेंदीनी। मिनु गो तेको बेक्‍शो मुर कली ब्रेत्‍चा देंनुङा, मेको कली ब्रेत्‍तीन” देंमाक्‍त।