ब्‍यवस्‍था 17:9 - Sunuwar Bible

⁹ मिनु गेपुकी चढ़ेब, लेवी आ थर ङा मुर नु मेना गेय पाइब निसाफ पाइब कली ‘मार पचा’ दे हिल्‍लो पचा कली ग्रुम्‍थ लचा माल्‍नीनी। मेकोमी इन कली दोपा निसाफ पचा शेंनीम। २इतिहास १९:८,११

ब्‍यवस्‍था 17:9 ပူးပေါင်းရင်းမြစ်များ

१ इतिहास 26:29

इच्‍हार आ थर ङा मुर आन दाते रे केनानीयाह नु आ तौ आन कली इस्राएली आन कली कोव़ब नु निसाफ पाइब बाक्‍मा बाक्‍त।

प्रस्‍थान 18:16

मेको आन दातेमी मार मार निसाफ पाचा माल्‍शो बाक्‍मे, मेको गो गारपाइक्‍नुङ। मोपा गो निसाफ पचा माल्‍नुङ। मिनु मेको आन कली परमप्रभु आ फुल्‍लुम मुशा ब्रेक्‍शो लोव़ नु आ अरेशो लोव़ तुइक्‍पाइक्‍नुङ” दें‍त।

प्रस्‍थान 22:8

खुइ मथित्‍तेक्‍म हना, मेको खिं ङा ठेयब मुरुमी आंम नेक्‍था ङा मुर आ मार मार खुइ पवा कों, दे परमप्रभु आ ङोंइती राप्‍पाइक्‍चा माल्‍ब।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

इजीकीएल 44:24

मारेइ जितीक खेतीक दुम्‍मेनु, चढ़ेबपुकीमीन निसाफ पाइब आन गेय पचा माल्‍नीम। मिनु आं निसाफ पतीक लोव़ खोदेंशो पा मेकोपुकीम निसाफ पचा माल्‍नीम। मेकोपुकीम चाड मानेचा आ पर्बम आं अरेशो नु आं फुल्‍लुम मुशा ब्रेक्‍शो लोव़ खोदेंशो पा पचा माल्‍नीम। मेकोपुकीम आं नाइक्‍तीक नाक्‍ती मानेचा माल्‍नीम। ब्‍यवस्‍था १७:८-९

हाग्‍गै 2:11

मिनु हाग्‍गैमी “मुर नेल्‍ल आन परमप्रभु यावेमी मार देंत देंशा हना ‘चढ़ेबपुकीम मार देंबाक्‍मा, दे हिल्‍लो पावो’ ” देंत।

जकरिया 3:7

“मुर नेल्‍ल आन परमप्रभु यावेमी मार देंत देंशा हना ‘गे आं लांमी गाक्‍ते नु इ कली देंशो लोव़ टिप्‍तीवी हना, गे आं खिं नु आं लाङगा नेल्‍ल कोव़ब दुम्‍नेवे। मिनु एकेर राप्‍शा बाक्‍ब आन दा‍तेमी आं ङोंइती जाक्‍ने चाप्‍नेवे।

जकरिया 7:3

मिनु मुर नेल्‍ल आन परमप्रभु यावे आ खिंमी चढ़ेब नु परमप्रभु यावे आ लोव़ पाइब आन कली ‘गोपुकी मुल सम्‍म शुश बर्स ङोंइती रे प‍शो खोदेंशो पा ५ महिनामी रोंका पा माइजा बाक्‍चा माल्‍नीकी ङा?’ दे हिल्‍लो प‍चा कली सोइश्‍शो बाक्‍तेक्‍म” देंत। जकरिया ८:१९; २राजा २५:८-९; येरमीया ५२:१२-१३

मलाकी 2:7

चढ़ेबपुकीमी तुइक्‍तीक लोव़ होस पा पचा माल्‍नीम। मिनु मुरपुकीमी मेको आन शेंशो नेंचा माल्‍नीम। मारदे हना चढ़ेबपुकी मुर नेल्‍ल आन परमप्रभु यावे आ सोइश्‍शो लोव़ पाइब बाक्‍नीम। ब्‍यवस्‍था ३३:१०; हाग्‍गै १:१३

ब्‍यवस्‍था 16:18

मिनु मुर आन कली ठीक निसाफ पचा कली गेपुकीमी इन थर थर ङा नु परमप्रभु यावे, इन परमप्रभुमी इन कली गेशो सहर सहरम निसाफ पाइब नु ठेयब मुर योव़शा वोइक्‍चा माल्‍नीनी। ब्‍यवस्‍था १:१६-१८; गन्‍ती ११:१६

ब्‍यवस्‍था 17:10

मिनु परमप्रभु यावे आ योव़शो बाक्‍तीकेमी मेकोपुकीमी इन कली मार देंनीम, मेको मोदेंशो पा ठीक पा निसाफ पचा माल्‍नीनी। मिनु इन कली दोपा शेंदमे, मोपा होस पा पचा माल्‍नीनी।

ब्‍यवस्‍था 21:5

मिनु चढ़ेब, लेवी आ तौपुकी मेको आ नेक्‍था जाक्‍चा माल्‍नीम। मारदे हना परमप्रभु यावे, इन परमप्रभु आ गेय पचा नु आ नेंमी आसीक गेचा कली योव़तु। मिनु जिशो खेशो बाक्‍त हना, मेको आन देंशो पचा माल्‍नीम। ब्‍यवस्‍था १७:८-९

ब्‍यवस्‍था 25:1

मिनु मोसामी “वोंइश मुर निक्‍शी जिम्‍ताक्‍स हना, मुददा कोम्‍मुइनीस। मिनु निसाफ पाइबमी का कली रिम्‍शो नु का कली मरिम्‍शो देंब। प्रस्‍थान २३:७

ब्‍यवस्‍था 33:10

मेकोपुकीमी याकूब कली इन पतीके लोव़ नु इस्राएली आन कली इन अरेशो लोव़ शेंनीम। मेकोपुकीमी इन ङोंइती धूप चोइनीम। इन कली इन चढ़ेतीके तार नेल्‍ल चोशा चढ़ेतीके चढ़ेनीम।