ब्‍यवस्‍था 17:19 - Sunuwar Bible

¹⁹ मेको लोव़ मेको नु बाक्‍चा माल्‍ब। मिनु मेकोमी परमप्रभु यावे, आ परमप्रभु कली मान पा हिंचा कली शेंसीचा कली मबेक्‍म सम्‍म नाक्‍त किंत किंत पढेचा माल्‍ब। मेको अरेशो लोव़ नेल्‍ल नु फुल्‍लुम मुशा ब्रेक्‍शो लोव़ होस पा पचा माल्‍ब।

ब्‍यवस्‍था 17:19 ပူးပေါင်းရင်းမြစ်များ

२ राजा 22:10

मिनु नोले मेको ब्रेक्‍ब शाफानमी पिप कली “चढ़ेब हिल्‍कीयाहम आं कली कागज का गेती” दे शेंदा बाक्‍त। मिनु नोले शाफानम मेको ठेयब सेंदा पा पढेशा पिप कली नेंपदा बाक्‍त।

भजन संग्रह 1:2

मेको मुरुमी परमप्रभु यावे आ अरेशो लोव़ दाक्‍शा, नाक्‍दो नाक्‍ती मेको कली मिम्‍ना मिम्‍न बाक्‍ब। भजन संग्रह ११९:१४८; यहोसु १:८

यूहन्‍ना 5:39

गे परमप्रभु यावे आ लोव़ शेंसीन सीन बाक्‍नीनी। मारदे हना मो पशोनु, ब्रोंइशा बाक्‍चा तांइसीब, दे मिम्‍नीनी। मिनु परमप्रभु यावे आ लोव़मी आं पर्बम ब्रेक्‍शो बाक्‍त। लूका २४:२७,४४; २तिमोथी ३:१५-१७

ब्‍यवस्‍था 11:18

मिनु गेपुकीमी आं देंशो लोव़ इन थुंम वोतीन। मेको मिम्‍चा कली इन गुइमी चिन्‍ड फ्रेंदीन। मिनु कुप्‍फीम फ्रेंतीके खोदेंशो पा फ्रेंचा माल्‍नीम। ब्‍यवस्‍था ६:६-९

ब्‍यवस्‍था 4:10

मिनु गेपुकी काबु परमप्रभु यावे, इन परमप्रभु आ ङोंइती होरेब डांडा तार राप्‍शो बाक्‍तीनी, मेको मिम्‍तीन। मिनु परमप्रभु यावेमी आं कली मुर आन कली आं ङोंइती पुक्‍मी। गो मेको आन कली आं लोव़ नेंपाइक्‍नुङमी। मिनु मेकोपुकी रागीम मबेक्‍मा सम्‍म आं कली मान पा हिंचा शेंसामल। मिनु मेकोपुकीमी एको लोव़ आन तमी तौ आन कली शेंचा माल्‍नीम” देंत। प्रस्‍थान १९:१७; ब्‍यवस्‍था ६:७

ब्‍यवस्‍था 4:9

इन आंम तशो इन थुंम वोइश्‍शा, मप्रेंथु, होस पा बाक्‍कीन। गे ब्रोंइनी सम्‍म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२

ब्‍यवस्‍था 5:1

मिनु मोसामी इस्राएली नेल्‍ल आन कली ब्रेश्‍शा, मेको आन कली “इस्राएली नेनीन। परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ नेनीन। मुलाक्‍ती गो मेको इन कली शें‍नुङ। गे मेको लोव़ शेंसीशा, होस पने।

यहोसु 1:8

एको आं अरेशो लोव़ ङा किताब इ थुं रे ङोन मवोतो। मेको कली नाक्‍दो नाक्‍ती मिम्‍तो। मेकेर ब्रेक्‍सीशो नेल्‍ल होस पा टिवो। मो पाप्‍तीवी हना, गे ग्राना ग्रान गाक्‍नेवे। मिनु इ पतीक नेल्‍ल थम रिम्‍शो दुम्‍ब। भजन संग्रह १:२-३