ब्‍यवस्‍था 17:18 - Sunuwar Bible

¹⁸ मिनु मेको पिपमी सासन पवानु, चढ़ेब, लेवी आ थर ङा मुर आन किताब रे परमप्रभु यावे आ अरेशा लोव़ किताब काम ब्रेक्‍चा माल्‍ब।

ब्‍यवस्‍था 17:18 ပူးပေါင်းရင်းမြစ်များ

१ राजा 2:3

मिनु गे परमप्रभु यावे, इ परमप्रभु आ देंशो टिवो। मेको आ लांम गाक्‍को। मिनु मोसा आ अरेशो लोव़म गेशो खोदेंशो पा परमप्रभु यावे आ फुल्‍लुम मुशा ब्रेक्‍शो लोव़, आ शेंशो, आ देंशो पतीक लोव़ नु आ गेशो अर्ती नेल्‍ल पावो। मिनु गे मार मार पाइनेवे, ते ते लाइनेवे, मेको नेल्‍ल रिम्‍शो दुम्‍ल। ब्‍यवस्‍था १७:१४-२०; यहोसु १:७

२ राजा 11:12

मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९

२ राजा 22:8

मिनु ठेयब चढ़ेब हिल्‍कीयाहम ब्रेक्‍ब शाफान कली “गो परमप्रभु यावे आ खिंम अरेशो लोव़ ब्रेक्‍शो कागज थित्‍ता” देंमाक्‍त। मिनु हिल्‍कीयाहमी मेको कागज शाफान कली गेवा बाक्‍त। मिनु शाफानमी मेको पढेवा बाक्‍त।

२ इतिहास 34:15

मिनु हिल्‍कीयाहम ब्रेक्‍ब शाफान कली “गो परमप्रभु यावे आ खिंम आ अरेशो लोव़ ब्रेक्‍शो किताब थिश्‍शो बाक्‍नुङ” दे मदा बाक्‍त। मिनु हिल्‍कीयाहम मेको किताब शाफान कली गेवा बाक्‍त।

ब्‍यवस्‍था 31:9

मिनु मोसामी परमप्रभु आ अरेशो लोव़ ब्रेक्‍शा, चढ़ेब, लेवी आ थर ङा मुर नु इस्राएली आन खाल्‍पा आन कली गेम्‍तीमी। मिनु लेवी आ थर ङा मुरपुकीमी चहिं परमप्रभु यावे आ सल्‍ला पतीक सन्‍दोस कुरशो बाक्‍तेक्‍म।

यहोसु 1:8

एको आं अरेशो लोव़ ङा किताब इ थुं रे ङोन मवोतो। मेको कली नाक्‍दो नाक्‍ती मिम्‍तो। मेकेर ब्रेक्‍सीशो नेल्‍ल होस पा टिवो। मो पाप्‍तीवी हना, गे ग्राना ग्रान गाक्‍नेवे। मिनु इ पतीक नेल्‍ल थम रिम्‍शो दुम्‍ब। भजन संग्रह १:२-३