ब्‍यवस्‍था 17:17 - Sunuwar Bible

¹⁷ मिनु परमप्रभु यावे रे ङोन मलल, दे मीश मुर शुश चाक्‍चा मदुम्‍ब। मिनु मेकोम आंम कली शुश सुन चांदी मखुप्‍तल। १राजा ११:१-८; १राजा १०:१४

ब्‍यवस्‍था 17:17 ပူးပေါင်းရင်းမြစ်များ

उत्पत्ती 2:24

मोपतीके वोंइश मुरुमी आ आंम आफ आस कली प्रोंइशा, आ मीश नु काथा बाक्‍ब। मेको निक्‍शी रां का दुम्‍नीस। मत्ती १९:५-६; १कोरिन्‍थी ६:१६; एफिसी ५:३१

२ सामुएल 12:11

परमप्रभु यावेमी ‘गो इ कली इ खिं रे श्‍येत दुम्‍पाइक्‍नुङ। गो इ मीश आन कली इ ङोंइती इ नेक्‍था ङा मुर कली गेनुङ। मिनु मेकोमी नाक्‍तीन मुर नेल्‍लेम तचा ङा पा मेकोपुकी नु इप्‍ब। २सामुएल १६:२२; अय्‍युब ३१:९-१०

२ सामुएल 5:13

दाऊद हेब्रोन रे यरूसलेम याक्‍से नोले मेकोमी मेकेर शुश मीश चाक्‍गा बाक्‍त। मेको के अर्को तमी तौ यो जरमेसमा बाक्‍त। २सामुएल ३:२-५; १इतिहास ३:५-९

१ राजा 10:21

पिप सोलोमन आ तूतीक कचौरा नेल्‍ल सुन के बाक्‍मा बाक्‍त। मिनु लेबानोन ङा ब्‍वाकी माइश्‍शो पिप आ खिंम बाक्‍शो ग्‍योंब नेल्‍ले क्‍येख सुन के बाक्‍मा बाक्‍त। चांदी के मारेइ मबाक्‍मा बाक्‍त। मारदे हना सोलोमन आ पालाम चांदी मारेइ खोदेंशो मबाक्‍माक्‍त।

१ राजा 10:27

पिपमी यरूसलेमम चांदी फुल्‍लु खोदेंशो पा तेल्‍मी बाक्‍त। मिनु लेबानोन ङा लाइश्‍शो रवा आ शी चहिं शेफेलाह ङा फोव़शी रवा खोदेंशो पा शुश तेल्‍मी बाक्‍त।

१ इतिहास 14:3

दाऊदमी यरूसलेमम बाक्‍मेनु, अर्को मीश चाक्‍मी बाक्‍त। मिनु शुश तमी तौ आन आफ दुम्‍माक्‍त।

२ इतिहास 1:15

सोलोमनम सुन नु चांदी यरूसलेमम बाक्‍शो फुल्‍लु खोदेंशो पा शुश तेला बाक्‍त। मिनु लेबानोन ङा लाइश्‍शो रवा आ शी, शेफेलाह ङा फोव़शी रवा खोदेंशो पा शुश तेला बाक्‍त।

२ इतिहास 11:21

मिनु रेहोबाममी आ ग्‍युंबे पशो मीशपुकी नु अरु मीश आन क्‍येङा अब्‍सालोम आ तमी माकाह कली शुश दाक्‍बाक्‍माक्‍त। मेको के १८ जना ग्‍युंबे पशो मीश नु ६० जना अरु मीश बाक्‍मा बाक्‍त। मेको के २८ जना तौ नु ६० जना तमी बाक्‍मा बाक्‍त।

नेहेम्‍याह 13:26

मिनु “इस्राएल ङा पिप सोलोमनमी मोदेंशो मीश चाक्‍शा पाप पवा, ममाइ? शुश रागी आन दातेमी मेको खोदेंशो पिप सुइ मबाक्‍म। मिनु परमप्रभुमी मेको कली दाक्‍शा, इस्राएली नेल्‍ल आन पिप सेल्‍शो बाक्‍त। मोदेंशो बाक्‍त हना यो, अर्को रागी ङा मीश मुरपुकीमी मेको कली पाप पपाइश्‍शो बाक्‍तेक्‍म। १राजा ११:३-८

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

हितोपदेस 31:3

इ बोल मीश मुर आन कली मगेवो। मेको हेंथे गाक्‍बपुकीमी पिप आन कली खतम सेल्‍नीम। ब्‍यवस्‍था १७:१७; १राजा ११:१,४

मलाकी 2:15

परमप्रभुम मेको निक्‍शी आस कली कान मसेला ङा? मेको आस सोक्‍त नु गिंम परमप्रभु यावे के बाक्‍नीस। मारदे मेको निक्‍शी आस कली कान सेल्‍तु देंशा हना, आस आल परमप्रभु आ मुर दुम्‍मल, दे कान सेल्‍तु। मोपतीके गेपुकी आंम थुं आ पर्बम होस पा, सुइमी आंम ठिटा बाक्‍‍ची ना ङा मीश कली मप्रोनीन।

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

मत्ती 19:5

मेको लोव़ मपढेनी? ‘मुरुमी आम आफ प्रोंइशा, आ मीश नु गारशा बाक्‍ब। मिनु मेको निक्‍शी रां का दुम्‍नीस’ दे ब्रेक्‍शो बाक्‍ब। उत्‍पत्ती २:२४

लूका 12:15

मिनु नोले मुर आन कली “नेनीन, होस पा बाक्‍कीन। शिंम मदुमीन। मारदे हना शुश शोंप बाक्‍शा ला ब्रोंइशा बाक्‍चा मतांइसीब” देंमाक्‍त। उपदेसक ५:९; १तिमोथी ६:९-१०

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

१ तिमोथी 6:9

तन्‍न सु सु शुश क्‍येट थीब दुम्‍चा दाक्‍नीमी, मेको आन थुं थाम्‍चा पुंइसीशा, ग्‍याइलीम रेश्‍शो खोदेंशो पा, निप्‍स मपाइश्‍‍शो नु श्‍येत जाइब दुम्‍नीम। आंम कली खतम सेल्‍सीशो बाक्‍नीम। हितोपदेस २८:२२; मत्ती १३:२२