ब्‍यवस्‍था 17:11 - Sunuwar Bible

¹¹ मेको इन कली शेंशा अरेशो लोव़ नु निसाफ पतीके गे पचा माल्‍नीनी। मेको लोव़ नेंशा, ग्‍युरा नु पेरा गे मलने।

ब्‍यवस्‍था 17:11 ပူးပေါင်းရင်းမြစ်များ

२ सामुएल 14:19

मिनु पिपमी “मार, एको नेल्‍ल योआब आ देंशो बाक्मे?” देंमाक्‍त। मिनु मेको मीश मुरुमी “इन ब्रोंइशा बाक्‍शो खोदेंशो पा, आं प्रभु पिप, गे मारेइ लोव़ हिल्‍लो पनीनु, लोव़ लेप्‍ब के ग्‍युरा पेरा लतीक मबाक्‍ब। मारदे हना इन गेय पाइब योआबम आं कली मोदेंशो लोव़ पचा शेंशा सोइक्‍ताक्‍यी।

हितोपदेस 4:27

ग्‍युरा पेरा मलावो। मरिम्‍शो पतीक नेल्‍ल रे ङोन बाक्‍को। यहोसु १:७

लेवी 10:11

मिनु गो मोसा कली अरेशो नेल्‍ल, गे इस्राएली आन कली शेंचा माल्‍नीनी” देंत।

ब्‍यवस्‍था 17:10

मिनु परमप्रभु यावे आ योव़शो बाक्‍तीकेमी मेकोपुकीमी इन कली मार देंनीम, मेको मोदेंशो पा ठीक पा निसाफ पचा माल्‍नीनी। मिनु इन कली दोपा शेंदमे, मोपा होस पा पचा माल्‍नीनी।

ब्‍यवस्‍था 17:20

मेकोमी आंम लोक्‍ब आन दा‍तेमी आंम कली ठेयब मसुदल। परमप्रभु यावे आ शेंशो लोव़ रे ङोन मलल। ग्‍युरा पेरा गे मलल। मिनु आं तौ चचपुकीमी इस्राएल ङा राज्‍य कली शुश नाक्‍ती सम्‍म सासन पामेक्‍ल” देंत। ब्‍यवस्‍था ५:२९

ब्‍यवस्‍था 25:1

मिनु मोसामी “वोंइश मुर निक्‍शी जिम्‍ताक्‍स हना, मुददा कोम्‍मुइनीस। मिनु निसाफ पाइबमी का कली रिम्‍शो नु का कली मरिम्‍शो देंब। प्रस्‍थान २३:७

ब्‍यवस्‍था 28:14

मिनु आं देंशो लोव़ नेल्‍ल पाइतीनी हना, आइदी आइक्‍था पा अरु देवी देवता आन हेंथे लां मलाइतीनी हना, मोदेंशो आसीक राइब दुम्‍नीनी। ब्‍यवस्‍था ५:२९-३२

ब्‍यवस्‍था 5:32

मोपतीके इन परमप्रभु यावेमी इन कली शें‍शो होस पा टिने। गेपुकी ग्‍युरा पेरा गे मलथु, आ लां खोतीन। ब्‍यवस्‍था ४:२; ब्‍यवस्‍था २८:१४; यहोसु १:७; हितोपदेस ४:२७

तीतस 3:1

मिनु गेमी हुकुम पाइब नु सरकार ङा अधिकार पाइश्‍शो मुर आन कली टिचा, दे थमा सुइक्‍ब आन कली मिम्‍पतो। थमा सुइक्‍बपुकी टीब मुर दुम्‍चा माल्‍नीम। मिनु मार मार रिम्‍शो गेय बाक्‍मे, मेको पचा माल्‍नीम। रोमी १३:१; १पत्रुस २:१३

यहोसु 1:7

गे थम बोल्‍यो नु महिंब दुमो। आं गेय पाइब मोसामी इ कली अरेशो लोव़ नेल्‍ल होस पा टिवो। मेको रे ग्‍युरा पेरा गे मलावो। मिनु गे ते लते हना यो ग्रानेवे। ब्‍यवस्‍था ५:२९; ब्‍यवस्‍था २९:८; १राजा २:३

यहोसु 23:6

गे थम बोल्‍यो दुमीन। मिनु मोसा आ ब्रेक्‍शो अरेशो लोव़ होस पा टिने। गे ग्‍युरा पेरा गे गेनायो मलने। ब्‍यवस्‍था ५:२९

२ पत्रुस 2:10

मिनु सु सु आन दला दाक्‍स नु ग्रांग्रा दिचा ङा गेय पाइनीमी नु अधिकार गेशो आन कली मटीनीमी, मेकोपुकीमी नेल्‍ल क्‍येङा शुश सजाइ ताइनीम। मोदेंशो जोल पा शेंब काइ महिंब दुम्‍शा, ठेयब लेश्‍शा, थमा सुइक्‍ब आन कली शुक्‍शी पचा महिंनीम।

यहूदा 1:8

मोदेंशो तुइश्‍शा यो मेको थमा सुइक्‍नीकी देंखु पाइबपुकीमी आंम मिम्‍तीके पशा, आंम रां कली ग्रांग्रा दिचा ङा सेल्‍तेक्‍म। मिनु अधिकार पाइब आन कली मटिथु, स्‍वर्गम बाक्‍ब आन पर्बम शुक्‍शी पाइनीम।