ब्‍यवस्‍था 17:1 - Sunuwar Bible

¹ मोसामी “गेपुकीमी परमप्रभु यावे, इन परमप्रभु कली कोङटे बोङटे गाक्‍ब मिक्‍च मताइब, मारेइ दुम्‍शो ब्‍यफ भेडा चढ़ेचा मदुम्‍ब। मोदेंशो परमप्रभु यावे, इन परमप्रभु कली ग्रांग्रा बाक्‍ब। लेवी २२:२०; मलाकी १:६-९

ब्‍यवस्‍था 17:1 ပူးပေါင်းရင်းမြစ်များ

उत्पत्ती 41:19

मिनु नोले ७ ओटा मदारशो ग्येंशो बी ग्रूतेक्‍म। गो इजीप्‍त रागी नेल्‍लेमी मोदेंशो मदारशो बी गेनायो मतङमी।

प्रस्‍थान 12:5

मेको पाठा मारेइ मदुम्‍शो थम रिम्‍शो नु बर्स का ङा बोका बाक्‍चा माल्‍ब। भेडा के हना यो, क्‍यारश के हना यो दुम्‍ब। लेवी २२:२०

हितोपदेस 11:1

परमप्रभु यावेमी जोल पा नाक्‍तीक तशा, ग्रांग्रा दीब। तन्‍न ठीक नाक्‍तीक तशा शुश ग्‍येरसीब। लेवी १९:३५-३६

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

हितोपदेस 20:10

जोल पा नाक्‍तीक नु मगारशो पुक्‍तीक निम्‍फा परमप्रभु यावे कली ग्रांग्रा बाक्‍ब।

हितोपदेस 6:16

परमप्रभु यावेमी ६ ओटा थोव़क काइ मदाक्‍ब। ७ ओटा थोव़क पशो तशा ग्रांग्रा दी‍ब।

लेवी 1:3

मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४

मलाकी 1:8

गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। लेवी २२:२०,२३

गन्‍ती 29:8

गे परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो चढ़ेतीके बाक्‍ब। मिनु गे ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको थम रिम्‍शो मारेइ मदुम्‍शो दुम्‍चा माल्‍नीम।

ब्‍यवस्‍था 15:21

तन्‍न मेको ब्‍यफ, सांड कली मारेइ दुम्‍शो बाक्‍त हना, कोङटे बोङटे बाक्‍त हना, नु मिक्‍च मताइब मारेइ दुम्‍शो बाक्‍त हना, गेपुकीमी मेको कली परमप्रभु यावे, इन परमप्रभु कली चढ़ेचा मदुम्‍ब। लेवी २२:२०

ब्‍यवस्‍था 23:18

वोंइश मुर, मीश मुर तेल्‍लेम पशो क्‍येट परमप्रभु यावे, इन परमप्रभु आ खिंम कबल खाप्‍चा कली चाक्‍चा मदुम्‍ब। मारदे हना मेको परमप्रभु यावे, इन परमप्रभु कली ग्रांग्रा बाक्‍ब। प्रकाश २२:१५

ब्‍यवस्‍था 24:4

मेको आ ङोंइती प्रोंइशो वोंइशेम मेको मीश मुर अरु वोंइश नु बाक्‍शा ग्रांग्रा दुम्‍शो नोले लेंशा चाक्‍ने मचाप्‍ब। मारदे हना मोदेंशो पशो परमप्रभु यावे आ ङोंइती ग्रांग्रा बाक्‍ब। परमप्रभु यावे, इन परमप्रभुमी इन कली गेशो रागीमी पाप मचाक्‍कीन।

ब्‍यवस्‍था 25:16

मारदे हना मरिम्‍शो पुक्‍बपुकी, परमप्रभु यावे, इन परमप्रभु आ ङोंइती ग्रांग्रा दित्‍चा ङा बाक्‍नीम।

ब्‍यवस्‍था 7:25

गेपुकीमी मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। मूर्तिम बाक्‍शो सुन चांदी बाक्‍त हना, वाल्‍शा आंम कली मवोंइसीन। मारदे हना मोदेंशो पाइतीनी हना, इन कली मरिम्‍शो दुम्‍ब। मेको परमप्रभु यावे, इन परमप्रभु कली ग्रांग्रा बाक्‍ब।

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

१ पत्रुस 1:19

येसु ख्रीस्‍तमी मारेइ मदुम्‍शो पाठा बुद पा आंम हुश शाइक्‍पाइश्‍शा इन कली नरक रे प्रोंइतु। हिब्रू ९:१४; यसैया ५३:७; यूहन्‍ना १:२९