ब्‍यवस्‍था 16:21 - Sunuwar Bible

²¹ गेपुकीमी अशेराह देवी आ लाइश्‍शो मूर्ति परमप्रभु यावे, इन परमप्रभु कली चढ़ेतीक आ नेक्‍था ख्रुक्‍चा मदुम्‍ब। ब्‍यवस्‍था ७:५; २राजा २३:४

ब्‍यवस्‍था 16:21 ပူးပေါင်းရင်းမြစ်များ

१ राजा 14:15

परमप्रभु यावेम इस्राएल कली ब्‍वाक्‍कुम एर ओंथ पा हिम्‍‍शो बुदी मीलु घांस खोदेंशो सेल्‍ब। मेकोमी इस्राएली आन किकी पिपी आन कली गेशो, एको रिम्‍शो रागी रे खेरब। मिनु मेको आन कली युफ्रेटीस खोला आ आइक्‍ची हांबुम एर ओंथ ब्रपाइक्‍ब। मारदे हना मेकोपुकीम देवी आ मूर्ति पाइश्‍शो थाम सेल्‍शा, परमप्रभु यावे कली गाइक्‍पाइक्‍तेक्‍म। २राजा १७:२३

१ राजा 16:33

आहाबम अशेराह देवी आ मूर्ति पाइश्‍शो थाम का यो सेल्‍पदा बाक्‍त। मिनु मेकोम आ क्‍येङा ङोंइती ङा इस्राएल ङा पिप आन क्‍येङा परमप्रभु यावे, इस्राएली आन परमप्रभु कली शुश गाइक्‍पाइक्‍तीक गेय पवा बाक्‍त।

२ राजा 17:16

मेकोपुकीम परमप्रभु यावे, आन परमप्रभु आ शेंशो मटिथु, आंम कली यपाइश्‍शा बाछा निक्‍शी नु मूर्ति पाइश्‍शो थाम का सेल्‍समा बाक्‍त। मेकोपुकी नां, तास्‍ला नु सोरुल आन ङोंइती बाम्‍मा बाक्‍त। मिनु बाल देवता कली पूजा पामे बाक्‍त। १राजा १२:२८; १राजा १६:३३

२ राजा 21:3

मेकोमी आ आफ हिज्‍कीयाहमी खतम पोक्‍शो डांडा ङा थानपुकी लेंशा सेला बाक्‍त। मेकोम इस्राएल ङा पिप आहाब खोदेंशो पा बाल कली चढ़ेतीक नु मूर्ति पाइश्‍शो थाम सेला बाक्‍त। इस्राएल ङा पिप आहाब खोदेंशो पा मेकोमी नां तास्‍ला नु सोरुल आन कली खुम्‍की पा बाप्‍शा पूजा पवा बाक्‍त। १राजा १६:३३

२ राजा 21:7

मेकोम आ मुशा सेल्‍शो अशेराह देवी आ मूर्ति परमप्रभु यावे आ खिंम वोदा बाक्‍त। परमप्रभु यावेमी मेको खिं आ पर्बम दाऊद नु आ तौ सोलोमन आस कली “गो एको इस्राएल आ थर नेल्‍ल आन रे आं योव़शो यरूसलेम सहर ङा एको खिंम आं नें गेना हना यो वोइक्‍नुङ। १राजा ८:२९; १राजा ९:३

२ इतिहास 33:3

मेकोमी आ आफ हिज्‍कीयाहम खतम पोक्‍शो डांडा ङा थान लेंशा सेला बाक्‍त। मिनु मेकोमी बाल देवता आन कली चढ़ेतीक सेला बाक्‍त। मेकोमी मूर्ति पाइश्‍शो थाम यो सेला बाक्‍त। मेकोमी सरीङ ङा सोरुल आन कली पूजा पा बाप्‍शा, सेउ पवा बाक्‍त। २राजा १८:४

प्रस्‍थान 34:13

मेको आन चढ़ेतीकपुकी प्रेश्‍शा, आन पूजा पचा कली ख्रुक्‍शो फुल्‍लु प्रोल्‍शा, मूर्ति पाइश्‍शो थाम कली क्‍योरशा, तिम्‍चा माल्‍नीनी। प्रस्‍थान २३:२४

लेवी 26:1

मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५

ब्‍यवस्‍था 7:5

मेको आन कली मार पचा माल्‍नीनी देंशा हना, मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्ति जिक्‍चा माल्‍नीनी। मेको आन अशेराह देवी आ मूर्ति ख्रोइक्‍चा माल्‍नीनी। मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। ब्‍यवस्‍था १२:२-३

न्‍यायाधीस 3:7

इस्राएलीपुकीमी परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी परमप्रभु यावे, आन परमप्रभु कली प्रेंद‍मे बाक्‍त। मिनु बाल नु अशेराह देवी आस कली ठेयब सेल्‍मे बाक्‍त।