ब्‍यवस्‍था 16:16 - Sunuwar Bible

¹⁶ मिनु परमप्रभु यावे, इन परमप्रभुमी आ नोले योव़शो बाक्‍तीकेमी इन दाते ङा वोंइश मुर नेल्‍ले सां खेयप परमप्रभु यावे आ ङोंइती जाक्‍दीत्‍चा माल्‍नीम। ग्‍युरशो बोरब ओख्‍ती मसुप्‍शो शोब्‍ले ङा पास्‍सा माइश्‍शो चाड, ७ हप्‍ता नोले ङा हप्‍ता ङा चाड नु बाली नाली ओंइतीक गोठ सेल्‍तीक चाडम जाक्‍दीत्‍चा माल्‍नीम। मिनु परमप्रभु यावे आ ङोंइती श्‍येत्‍थ गुइ जाक्‍चा मदुम्‍ब।

ब्‍यवस्‍था 16:16 ပူးပေါင်းရင်းမြစ်များ

१ राजा 9:25

मिनु सोलोमनमी परमप्रभु यावे कली सेल्‍शो चढ़ेतीकेमी बर्सम खेयप सां परमप्रभु यावे आ ङोंइती चोशा चढ़ेतीक नु दुशा बाक्‍चा आ पर्बम चढ़ेतीक चढ़ेशा धूप यो चोशा चढ़ेवा बाक्‍त। मोपा मेकोम परमप्रभु यावे आ खिं ङा गेय नेल्‍ल पवा बाक्‍त।

२ इतिहास 8:13

मोसा आ अरेशो खोदेंशो पा नाइक्‍तीक नाक्‍ती, औंसी नाक्‍ती, बर्स ङा चाड सां बोरब ओख्‍ती मसुप्‍शो जिज शोब्‍ले जतीक चाड, ७ नाक्‍त ङा चाड नु गोठ सेल्‍शा बाक्‍तीक चाड मानेतीक नु नाक्‍त किंत किंत चढ़ेचा माल्‍शो चढ़ेतीक चढ़ेवा बाक्‍त। लेवी २३:-; गन्‍ती २८:२,४,११,१७,२६; गन्‍ती २९:१२

एज्रा 3:1

मिनु इस्राएली आंम आन गाउं गाउंमी नेल्‍ल गारपा बाक्‍ने थुम्‍शो बाक्‍तेक्‍म। आन बाक्‍शो ७ महिना दुम नोले मुर नेल्‍ल थुं का ङा दुम्‍शा, यरूसलेममी बुक्‍तेक्‍म।

नेहेम्‍याह 8:15

मिनु मेकोपुकीमी आंम बाक्‍तीक सहर नेल्‍लेमी नु यरूसलेम ङा मुर आन कली “गे इर ब्‍वाकी ग्‍येत्‍थ लशा, मार मार तेल रवा, मूरे रवा, खजूर रवा नु शुश सफा पाइश्‍शो रवा आन राशी गोठ सेल्‍चा कली चाक्‍कीन। मिनु दोदेंशो ब्रेक्‍शो बाक्‍मे, मोदेंशो पने” दे नेंप‍तीन देंतेक्‍म। लेवी २३:४०

भजन संग्रह 122:4

मिनु इस्राएल आ थर थर ङा मुरपुकी परमप्रभु यावे आ मुर दुम्‍तीके मेकेर लाइनीम। परमप्रभु यावेमी इस्राएली आन कली दोपा अरेवा, मोपा मेकोपुकीमी मेकेर लशा “गे रिम्‍शो पाइब बाक्‍नीनी” दे आ नें ठेयब सेल्‍नीम।

भजन संग्रह 84:7

मेकोपुकी शुश बोल्‍यो दुम्‍नीम। मेकोपुकी परमप्रभु आ ङोंइती सियोनम जाक्‍नीम।

भजन संग्रह 84:8

परमप्रभु यावे, मुर नेल्‍ल आन परमप्रभु, आं पुंइशो लोव़ नेनीन। याकूब आ परमप्रभु आं लोव़ नेनीन! ठेयब सेंदा पा।

भजन संग्रह 96:8

गेपुकीमी परमप्रभु यावे आ नें थिशा, मेको कली “गे ठेयब बाक्‍नीनी” देनीन। चढ़ेतीक चाक्‍शा, मेको आ बाक्‍तीक ङा लाङगाम जाक्‍कीन।

प्रस्‍थान 34:20

ङोंइती जरमेशो गधा आ बोहोर आ पा ङा पाठा का गेशा प्रोंइचा माल्‍नीनी। मो मपाइनीनी हना, आ शुर जिक्‍शा, साइक्‍चा माल्‍नीनी। इन ङोंइती जरमेशो तौ आ पा ङा क्‍येट गेशा प्रोंइचा माल्‍नीनी। आं ङोंइती सुइ श्‍येत्‍थ गुइ मजाक्‍कीन। प्रस्‍थान १३:१२-१६

प्रस्‍थान 34:24

गो रागी रागी ङा मुर आन कली इन ङोंइती रे खेरशा, इन बाक्‍तीक रागी बारपाइक्‍नुङ। बर्सम खेयप सां परमप्रभु यावे इन परमप्रभु आ ङोंइती जाक्‍कीन। मिनु सुइम इन रागी तशा मवाल्‍नीम।

यसैया 23:18

मिनु आ तेल्‍लेम पा चेम्‍शो क्‍येट परमप्रभु यावे के दुम्‍ब। मेको क्‍येट महेंनीम। आ चेम्‍शो क्‍येट परमप्रभु यावे आ ङोंइती बाक्‍ब। मेको क्‍येट मुर आन कली जचा फेक्‍चा कली गेनीम।

यसैया 33:20

गो आंइ देंशो ना ङा चाड मानेतीक सहर सियोन कली कोव़ङीन। गे सिक्‍सी पा बाक्‍ब मुर आन सहर यरूसलेम कली ताइनीनी। यरूसलेम गेनायो मयाक्‍सीब ताम्‍बु खोदेंशो बाक्‍ब। मेको आ किला गेनायो मतुल्‍सीब। आ डोरी गेनायो मप्रोंइसीब।

इजीकीएल 36:38

गो मेको आन कली यरूसलेम ङा चाडम चढ़ेतीक भेडा खोदेंशो पा शुश सेल्‍नुङमी। मोपा सहर लेंशा शुश मुरपुकीम ब्रीनीम। मिनु मेकोपुकीम गोन परमप्रभु यावे नङ, दे तुइक्‍नीम” देंत।

लेवी 23:34

“गे इस्राएली आन कली ‘७ महिना ङा १५ नाक्‍त रे ७ नाक्‍न सम्‍म परमप्रभु यावे आ ङोंइती गोठ सेल्‍शा बाक्‍तीक चाड मानेचा माल्‍नीनी।

हाग्‍गै 1:9

गे शुश आस पाइतीनी, तन्‍न इच्‍का ला ताइतीनी। मिनु गे खिंमी मार चाक्‍नी, गो मेको कली मुइश्‍शा बेरपाइक्‍ता। गो मारदे मोदेंशो पाता देंशा हना, आं खिं ब्रेन्‍ने थुम्‍शो बाक्‍ब। गे चहिं आंम खिं कली ला मिम्‍नीनी।

मत्ती 2:11

मिनु ओव़शा, आल नु आल आ ममा मरीयम कली तामे बाक्‍त। मिनु आन पोक्‍च थेक्‍शा आल कली ठेयब सेल्‍मे बाक्‍त। मिनु आन कुरशो थैलो प्राक्‍शा, सुन धूप नु ब्रोव़शो रिना पाइब थोव़क ग्रुंइशा ख्रेत्‍तमे बाक्‍त। भजन संग्रह ७२:१०,१५; यसैया ६०:६

मर्कूस 12:3

मिनु मेको जाक्‍दीम्‍मेनु, बुम्‍था पाइबपुकीमी मेको कली तुप्‍शा, श्‍येत्‍थ गुइ सोइक्‍तमे बाक्‍त।

यूहन्‍ना 7:2

मिनु यहूदी आन बाली ओंइतीक चाड जाक्‍चशो बाक्‍त। लेवी २३:३४-३६

ब्‍यवस्‍था 16:15

मिनु गेपुकीमी परमप्रभु यावे, इन परमप्रभु आ योव़शो बाक्‍तीकेमी ७ नाक्‍त सम्‍म मेको चाड मानेचा माल्‍नीनी। मारदे हना परमप्रभु यावे, इन परमप्रभुमी इन कली बाली नाली शुश गेब नु इन मारेइ मारेइ पशोमी इन कली आसीक गेब। मोपतीके गेपुकी शुश ग्‍येरसीचा माल्‍नीनी।

ब्‍यवस्‍था 16:17

परमप्रभु यावे, इन परमप्रभुमी आसीक गे‍शो खोदेंशो पा नेल्‍लेमी आन चाप्‍शो गेचा माल्‍नीम।

ब्‍यवस्‍था 31:11

नेल्‍ल इस्राएली परमप्रभु यावे, इन परमप्रभु आ योव़शो बाक्‍तीकेमी मेको अरेशो लोव़ इस्राएली नेल्‍ल आन ङोंइती पढेचा माल्‍नीनी।

१ सामुएल 1:3

एल्‍काना बर्स बर्सम आ सहर रे शिलो लाइबाक्‍माक्‍त। मेकेर मुर नेल्‍ल आन परमप्रभु यावे कली ठेयब सेल्‍शा, चढ़ेतीक चढ़ेचा कली लाइबाक्‍माक्‍त। मिनु मेकेर चढ़ेब एली आ तौ निक्‍शी होफ्‍नी नु फिनेहास बाक्‍सा बाक्‍त। मेको परमप्रभु यावे कली चढ़ेब बाक्‍सा बाक्‍त। यहोसु १८:१

१ सामुएल 6:3

मिनु मेकोपुकीम “गेपुकीम इस्राएली आन परमप्रभु आ कबल पशो सन्‍दोस लेश्‍शा सोइक्‍नीनी हना, मोशा मसोइक्‍तीन। परमप्रभु कली दोस आ पर्बम चढ़ेतीक नु सोइक्‍तीन। मिनु नोले गे सा‍नीनी। मिनु मेकोमी लेंशा इन कली श्‍येत मगेब” देंमा बाक्‍त।