ब्‍यवस्‍था 15:7 - Sunuwar Bible

⁷ मिनु परमप्रभु यावे, इन परमप्रभुमी इन कली गेशो रागीम, सहर कामी बाक्‍शो इन लोक्‍ब का प्रुङग बाक्‍त हना, इन थुं खकटा पा मबाक्‍कीन। ‘काइ मगेनुङ’ दे मदेनीन। १यूहन्‍ना ३:१७

ब्‍यवस्‍था 15:7 ပူးပေါင်းရင်းမြစ်များ

नेहेम्‍याह 5:1

मिनु नोले मार दुम्‍त देंशा हना, मुरपुकी नु आन मीशपुकीमी आंम आन यहूदी लोक्‍ब आन पर्बम लोव़ का ब्रपाइक्‍तेक्‍म।

एस्‍तर 9:19

मोपतीके ङोन ङोन गाउं ङा नु अर्को सहरम बाक्‍ब यहूदीपुकीमी अदार माइश्‍शो महिना ङा १४ नाक्‍त, नाइक्‍तीक नाक्‍त, चाड नु ग्‍येरतीक नाक्‍त सेल्‍नीम। मेको नाक्‍त मेकोपुकीमी कोसेली गेमुइनीम।

एस्‍तर 9:22

मारदे हना मेको नाक्‍त यहूदी आन जोरी सत्रु रे नाइक्‍चा ताम्‍तेक्‍म। मिनु मेको महिनामी आन थुं लुक्‍च ल‍तीक रे ग्‍येरशो थुं दुम्‍तेक्‍म। मिनु आन रोंका पतीके रे ठेयब ग्‍येरतीक नाक्‍त फांइसाक्‍व। मेकोपुकीमी मेको नाक्‍त चाड का सेल्‍शा, ग्‍येरतीक नाक्‍त सेल्‍चा माल्‍नीम। मिनु कोसेली सोइक्‍मुशा, प्रुङग आन कली मार मार गेचा माल्‍नीम” दे ब्रेक्‍शो बाक्‍त।

प्रस्‍थान 22:25

गेपुकीमी आं मुर आन दाते ङा प्रुङग आन कली क्‍येट जेर गेतीनी हना, गे क्‍येट चेम्‍चा कली चाइक्‍ब ताक्‍ब मुर खोदेंशो मदुमीन। लेवी २५:३६; ब्‍यवस्‍था २३:२०; हितोपदेस २८:८

हितोपदेस 19:17

सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्‍ल लेप्‍ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्‍थी ९:६

हितोपदेस 21:13

सुमी प्रुङग आन पुंइशो मनेंबा, मेकोमी यो पुनानु, सुइमी यो मनेंनीम।

यसैया 58:10

गे शोव़लु बेक्‍ब आन कली इन जचा थोव़क गेतीनी हना, श्‍येत जाइब आन माल्‍शो गेतीनी हना, इन छेङछेङ छिङछिङम ब्राइब। इन नाक्‍दो ङा छिङछिङ नाक्‍ती ङा छेङछेङ खोदेंशो दुम्‍ब।

लेवी 25:35

मिनु इन इस्राएली लोक्‍ब का शुश प्रुङग दुम्‍शा, पने जने मचाप्‍तु हना, गेपुकीमी मेको कली अर्को रागी ङा मुर खोदेंशो पा वारच पचा माल्‍नीनी। मिनु मेको गेपुकी नु बाक्‍ने चबल।

मत्ती 18:30

‘मुलाक्‍त मथाप्‍ताक्‍यी हना, इ कली प्रोंइसीन मप्रोंइनन’ दे लाइश्‍शा, जेर नेल्‍ल थाम्‍ने मथुमा सम्‍म जेल्‍खानम चोक्‍पा वोदा बाक्‍त।

मत्ती 5:42

इन के मारेइ थोव़क पुंइतेक्‍म हना, आन पुंइशो गेने, जेर पुंइतेक्‍म हना यो, मगेनीकी, दे श्‍येत्‍थी मसोइक्‍तीने।

ब्‍यवस्‍था 15:11

मारदे हना रागीम श्‍येत जशो प्रुङगपुकी गेना हना यो बाक्‍नीम। मोपतीके गो इन कली इन रागीम बाक्‍शो श्‍येत जाइब इन लोक्‍ब नु प्रुङग आन कली तशा, हाइश्‍‍शो मुर दुम्‍शा गेन। मत्ती २६:११; यसैया ५८:७; याकूब २:१५-१६

ब्‍यवस्‍था 15:9

मिनु इन थुंमी ‘जेर क्‍याम्‍तीक बर्स जाक्‍चा चिक्‍ताक्‍व’ दे इन प्रुङग लोक्‍ब आ पर्बम गन गन पा, मेको कली वारच पा जेर गेचा मदाक्‍नीनी हना, होस पने। मेको प्रुङगुमी इन पर्बम परमप्रभु यावे कली पुंइब। मिनु गे पापी दुम्‍नीनी।

ब्‍यवस्‍था 24:14

गेपुकीमी इस्राएल ङा कि इन सहरम बाक्‍शो अर्को रागी ङा प्रुङग नु श्‍येत जाइब खेत्‍लाम इन कली गेय पाप्‍तु हना, आ ततीक ठीक पा गेने।