ब्‍यवस्‍था 15:14 - Sunuwar Bible

¹⁴ परमप्रभु यावे, इन परमप्रभुमी इन कली आसीक गेशो रे इन क्‍यारश भेडा इन अन्‍न नु अङगुर शांबु रे मेको कली शुश गेशा सोइक्‍तीन।

ब्‍यवस्‍था 15:14 ပူးပေါင်းရင်းမြစ်များ

नेहेम्‍याह 8:10

मिनु मेकोपुकीमी मुर आन कली “मुल गे नेल्‍ल लने। ब्रोव़शो ब्रोव़शो जने ब्‍वने, तूङीन। मिनु मथीब आन कली यो मार मार सोइक्‍तीने। मारदे हना मुलाक्‍ती आंइ परमप्रभु आ ठेयब नाक्‍त बाक्‍ब। हिशेक मपने। मारदे हना परमप्रभु यावे आ गेशो ग्‍येरतीकेमी इन थुं बारपाइक्‍ब” देंतेक्‍म।

भजन संग्रह 112:9

मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९

भजन संग्रह 68:10

इन मुर आन कली मेको रागीम बाक्‍पाइक्‍तीनी। मिनु गे, परमप्रभु, इन दाक्‍तीकेमी श्‍येत जाइब आन कली थुल्‍तीनी।

हितोपदेस 10:22

परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

१ कोरिन्‍थी 16:2

हप्‍ता ङा ङोंइती नाक्‍ती गे नेल्‍लेमी आंम के बाक्‍शो रे हेंशा, गो ओशो गेने चाप्‍नुङ, दे वोतीने। मो पाइतीनी हना, गो जाक्‍ङानु, क्‍येट मबा दे खिं खिं हिरशा पुंइशा गाक्‍चा ममाल्‍नीनी। प्रेरित २०:७

ब्‍यवस्‍था 15:13

मिनु गे मेको प्रोंइनीनु, श्‍येत्‍थ गुइ मसोइक्‍तीन।

ब्‍यवस्‍था 15:15

गेपुकी इजीप्‍त रागीमी वाइलीम वाइल दुम्‍शा बाक्‍तीनी। मिनु परमप्रभु यावे, इन परमप्रभुमी इन कली प्रोंइतु, मेको मिम्‍तीन। मोपतीके गो मुलाक्‍ती दोपा पचा, दे गो इन कली शेंनुङ। ब्‍यवस्‍था ५:१५