ब्‍यवस्‍था 15:10 - Sunuwar Bible

¹⁰ गेपुकीमी मेको कली हाइश्‍शो थुं पा गन गन मपथु गेने। मारदे हना ओं पतीकेन परमप्रभु यावे, इन परमप्रभुमी इन कली इन पशो नेल्‍लेमी आसीक गेब। २कोरिन्‍थी ९:६-७

ब्‍यवस्‍था 15:10 ပူးပေါင်းရင်းမြစ်များ

हितोपदेस 22:9

हाइश्‍शो मुरुमी आसीक ताइब। मारदे हना मेकोमी आ जचा थोव़क प्रुङग नु योक्‍ब। हितोपदेस १९:१७

उपदेसक 11:1

इ क्‍येट ङोन सोइक्‍तो। मिनु शुश नाक्‍त नोले मेको लेंशा ताइनेवे।

यसैया 32:8

तन्‍न रिम्‍शो थुं पाइश्‍शो मुरपुकीमी रिम्‍शो गेय ला मिम्‍नीम। मिनु गेना हना यो रिम्‍शो गेय पा बाक्‍नीम।

यसैया 58:10

गे शोव़लु बेक्‍ब आन कली इन जचा थोव़क गेतीनी हना, श्‍येत जाइब आन माल्‍शो गेतीनी हना, इन छेङछेङ छिङछिङम ब्राइब। इन नाक्‍दो ङा छिङछिङ नाक्‍ती ङा छेङछेङ खोदेंशो दुम्‍ब।

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

रोमी 12:8

अर्ती गेब योव़ने पुंइसाक्‍वे हना, अर्ती गेचा मब्रीदो। मुर आन कली मार गेप्‍तीवी हना यो, ठेयब सेल्‍सीचा कली मगेवो। थमा सुइक्‍ब आन लां कोंइब दुम्‍ते हना, होस पा गेय पावो। शिशी पवीनु, ग्‍येरशा पावो। मत्ती ६:३; २कोरिन्‍थी ८:२; २कोरिन्‍थी ९:७

ब्‍यवस्‍था 14:19

फ्रां पाइश्‍शो माले फटेङग्रा नेल्‍ल इन कली ग्रांग्रा बाक्‍ब। मेकोपुकी मब्‍वचा।

ब्‍यवस्‍था 14:29

मिनु इन खोदेंशो पा शोंप मताइब लेवी आ थर ङा मुरपुकी, अर्को रागी ङा मुर, रोम रोइक्‍च नु वोंइश बेक्‍शो मीश मुरपुकी मेकेर जाक्‍शा, रूथ्री जचा ब्‍वचा तामेक्‍ल। मो पाइतीनी हना, परमप्रभु यावे, इन परमप्रभुमी इन कली इन पतीक नेल्‍लेमी आसीक गेब” देंत।

ब्‍यवस्‍था 15:18

गेपुकीमी मेको आन कली प्रोंइशा सोइक्‍चा श्‍येत मलाक्‍कीन। मारदे हना गाल्‍च ताक्‍शा गेय पाइब आन क्‍येङा निक्‍शी खेयप हिक्‍शो खोदेंशो पा मेकोमी ६ बर्सम गेय पने थुम्‍शो बाक्‍ब। गेपुकीमी इन प्रोंइशो वाइलीम वाइल कली रिम्‍शो पा गेतीनी हना, परमप्रभु यावे, इन परमप्रभुमी इन कली इन पशो नेल्‍लेमी आसीक गेब।

ब्‍यवस्‍था 15:4

इन दातेमी सुइ प्रुङग मबाक्‍म कों? मारदे हना परमप्रभु यावेमी योव़शा गेशो इन के सेल्‍शो रागीम इन कली शुश आसीक गेब।

ब्‍यवस्‍था 23:20

अर्को रागी ङा मुर आन कली चाइक्‍ब गेपाइक्‍ने चाप्‍नीनी। तन्‍न इन लोक्‍ब आन कली जेर गेशा आ चाइक्‍ब मथाप्‍पाइक्‍चा। मिनु मेको टीतीनी हना, परमप्रभु यावे, इन परमप्रभुमी गे लचा चिक्‍शो इन के सेल्‍चा चिक्‍शो रागीमी इन कली आसीक गेब।

ब्‍यवस्‍था 24:19

गेपुकीमी खेतम बाली नाली रिक्‍शा, मुठा का खेतम प्रेंताक्‍नी हना, लेश्‍शा ब्रथ मलने। मेको मुठा अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली बाक्‍ब। मो पाइतीनी हना, परमप्रभु यावे, इन परमप्रभुमी इन गेय नेल्‍लेमी इन कली आसीक गेब। लेवी १९:९-१०

ब्‍यवस्‍था 28:8

मिनु परमप्रभु यावेमी इन भकारीमी आसीक गेब। मिनु गे मार मार पाइनीनी रिम्‍शो दुम्‍चा कली आसीक गेब। मिनु परमप्रभु यावे, इन परमप्रभुमी इन कली गेशो रागीमी इन कली आसीक गेब। लेवी २५:२१

हिब्रू 13:16

अरु आन कली रिम्‍शो पने। मथीब मचाप्‍ब आन कली मार माल्‍दा, मेको गेचा मप्रेंदीने। मिनु परमप्रभु यावेमी इन कली मोदेंब रिम्‍शो पशो तशा ग्‍येरब।

१ पत्रुस 4:11

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७