ब्‍यवस्‍था 14:23 - Sunuwar Bible

²³ मिनु परमप्रभु यावे, इन परमप्रभु आ योव़शो बाक्‍तीकेमी मेको आ ङोंइती जचा माल्‍नीनी। मार जचा ब्‍वचा माल्‍नीनी देंशा हना, इन १० भाग ङा भाग का अन्‍न, इन अङगुर शांबु, इन तेल, इन कली ङोंइती जरमेशो ब्‍यफ नु क्‍यारश भेडा जचा ब्‍वचा तूचा माल्‍नीनी। मो पाइतीनी हना, गे मबेक्‍नी सम्‍म परमप्रभु यावे, इन परमप्रभु कली मान पा हिंचा शेंसीनीनी। ब्‍यवस्‍था १२:१७-१८; ब्‍यवस्‍था १९:२३

ब्‍यवस्‍था 14:23 ပူးပေါင်းရင်းမြစ်များ

भजन संग्रह 111:10

परमप्रभु यावे कली मान पा हिंचा तुइक्‍ब दुम्‍चा कली गोतीक बाक्‍ब। मिनु सु सुमी मेको पाइनीमी मेको शुश रुप्‍ब दुम्‍नीम। परमप्रभु कली ठेयब सेल्‍तीके गेना हना यो लीब। हितोपदेस १:७

भजन संग्रह 147:11

तन्‍न परमप्रभु यावेमी आ कली मान पा हिंब नु आ गेना हना यो दाक्‍तीके कली रिम्‍ब आन कली दाक्‍ब।

भजन संग्रह 2:11

परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्‍येरशा बाप्‍पीन। फिलिप्‍पी २:१२; हिब्रू १२:२८

यसैया 8:13

मुर नेल्‍ल आन परमप्रभु यावे ला मिम्‍शा, मेको क्‍येङा हिनीन। मेको कली मान पा हिनीन। मत्ती १०:२८

येरमीया 32:38

मिनु मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। येरमीया ७:२३

गन्‍ती 15:20

मिनु इन ङोंइती निशो फस रे सेल्‍शो शोब्‍ले का परमप्रभु यावे कली गेचा माल्‍नीनी। खला रे क्‍युक्‍शा चढ़ेशो खोदेंशो पा चढ़ेचा माल्‍नीनी। नेहेम्‍याह १०:३८; इजीकीएल ४४:३०

ब्‍यवस्‍था 12:11

मेना परमप्रभु यावे, इन परमप्रभुम आ बाक्‍तीके का योव़ब। गो इन कली अरेशो इन चोशा चढ़ेशो, इन क्‍योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्‍चा माल्‍नीनी।

ब्‍यवस्‍था 12:14

तन्‍न परमप्रभु यावेमी इन थर थर आन दातेमी योव़शो आ बाक्‍तीकेम ला चढ़ेने चाप्‍नीनी। मेकेर ला इन चोशा चढ़ेतीके चाक्‍चा माल्‍नीनी। गो आं अरेशो गेय नेल्‍ल मेकेर पचा माल्‍नीनी।

ब्‍यवस्‍था 4:10

मिनु गेपुकी काबु परमप्रभु यावे, इन परमप्रभु आ ङोंइती होरेब डांडा तार राप्‍शो बाक्‍तीनी, मेको मिम्‍तीन। मिनु परमप्रभु यावेमी आं कली मुर आन कली आं ङोंइती पुक्‍मी। गो मेको आन कली आं लोव़ नेंपाइक्‍नुङमी। मिनु मेकोपुकी रागीम मबेक्‍मा सम्‍म आं कली मान पा हिंचा शेंसामल। मिनु मेकोपुकीमी एको लोव़ आन तमी तौ आन कली शेंचा माल्‍नीम” देंत। प्रस्‍थान १९:१७; ब्‍यवस्‍था ६:७