ब्‍यवस्‍था 13:2 - Sunuwar Bible

² मिनु आन देंशो खोदेंशो पा दुम्‍शा मेकोपुकीमी ‘गोपुकी आंइ ङोंइती मतुइश्‍शो देवी देवता आन नोले खोइय्‍या। मेको आन कली ठेयब सेल्य‍’ दे लोव़ पाम्‍तेक्‍म हना,

ब्‍यवस्‍था 13:2 ပူးပေါင်းရင်းမြစ်များ

१ राजा 13:3

मेको नाक्‍त मेको मुरुमी चि‍न्‍ड का कोंइदा बाक्‍त। मेकोमी “परमप्रभु यावे आ लोव़ आ चिन्‍ड मार बाक्‍ब देंशा हना, मेको चढ़ेतीक ब्रेप्‍ब। मिनु मेकेर बाक्‍शो पुलु चहिं लाङगाम ब्राइब” देंमाक्‍त।

प्रस्‍थान 22:19

सु बस्‍तु नु इप्‍बा, मेको कली थमा पा साइक्‍चा माल्‍नीनी। लेवी १८:२३; ब्‍यवस्‍था २७:२१

प्रस्‍थान 7:22

इजीप्‍त रागी ङा ठेयब टुना मुना पाइबपुकीमी यो आन मन्‍तरमी आस पशो खोदेंशो पाम्‍तेक्‍म। फाराओ आ थुं चहिं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारून आस देंशो मटिवो। परमप्रभु यावेमी ङोंइती दोदेंशो देंमे, मोदेंशो दुम्‍‍त। प्रस्‍थान ७:११

येरमीया 23:32

कोव़ङीन, मेकोपुकी जोल पा ङोमु ङा लोव़ पाइब बाक्‍नीम। गो मोदेंशो पा आं लोव़ पाइब आन कली काइ मदाक्‍नुङ। मेको आन जोल शेंतीकेमी आं मुर आन कली हेंथे लां खोइक्‍पाइक्‍नीम। मेकोपुकी काइ महिंब बाक्‍नीम। गो मेको आन कली मसोइक्‍तुमी। गो मेको आन कली मयोव़ङुमी। मोपतीके मेको आन लोव़ मुर आन कली शोर गाक्‍शो बाक्‍ब” दे परमप्रभु यावेमी देंत। येरमीया १४:१४

येरमीया 27:9

मोपतीके गेपुकी ‘बेबीलोन ङा पिप आ वाइल दुम्‍चा माल्‍नीनी’ देंब, इन नोले दुम्‍ब लोव़ पाइबपुकी, लिंक्‍यु कोव़बपुकी, ङोमु ङा लोव़ शेंबपुकी, टुना मुना नु मन्‍तर तन्‍तर पाइक्‍ब आन लोव़ मनेनीन। येरमीया १४:१३-१४

येरमीया 28:9

तेको परमप्रभु यावे आ लोव़ पाइबम थुं नाइश्‍शा बाक्‍तीक आ पर्बम लोव़ पवा, मेको आ लोव़ गाप्‍त हना ला, मेको थमा पा परमप्रभु यावेम सोइश्‍शो आ लोव़ पाइब बाक्‍ब, दे तुंइसीब” दे माइक्‍तु। ब्‍यवस्‍था १८:२१-२२

जकरिया 10:2

खिं ङा देवी देवतामी फश लोव़ पाइनीम। लिंक्‍यु कोव़बपुकीमी जोल तशा, ङोमु ङोशा, हेंथे लोव़ पाइनीम। मिनु मुर आन कली फश लोव़ पा लेम्‍नीम। मोपतीके मुरपुकी गोठला मबाक्‍शो भेडा खोदेंशो पा श्‍येत जशा प्रोक्‍नीम। मत्ती ९:३७

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

ब्‍यवस्‍था 13:13

इन दाते रे मरिम्‍शो वोंइश मुरपुकी बोक्‍शा, सहर ङा मुर आन कली दूली पपाइश्‍शा, मेकोपुकीमी ‘लय, देवी देवता आन कली पूजा पय’ देंतेक्‍म हना, गेपुकी मेको देवी देवता गेनायो मतुइश्‍शो बाक्‍तीनी हना,

ब्‍यवस्‍था 13:6

मिनु सुइमी इ कली ख्रुइश्‍शोमी हें‍थे गाक्‍चा कली लेम्‍ब, मेको इ लोक्‍ब बाक्‍त हना, इ आफ आ तौ बाक्‍त हना, इ आंम आ तौ बाक्‍त हना, इ आंम आ तमी बाक्‍त हना, इ दाक्‍शो मीश बाक्‍त हना, इ शुश दाक्‍शो वारच बाक्‍त हना, नु मेकोमी ‘गे नु इ किकी पिपीमी मतुइश्‍शो देवी देवता आन कली सेउ पय’ देंतेक्‍म हना, ब्‍यवस्‍था १८:२०; १कोरिन्‍थी ५:९,१३

ब्‍यवस्‍था 18:20

तन्‍न तेको आं लोव़ पाइबमी आं मदेंशो लोव़ देंशा नु अरु देवी देवता आन देंशो लोव़ पाप्‍तु हना, मेको आं लोव़ पाइब कली साइक्‍चा माल्‍नीनी। ब्‍यवस्‍था १३:२-६; येरमीया १४:१३-१५

ब्‍यवस्‍था 18:22

मेको परमप्रभु यावे आ लोव़ पाइबमी परमप्रभु यावे आ नेंमी लोव़ पाइब, तन्‍न मेको लोव़ मगाप्‍त नु मदुम्‍त हना, मेको आं देंशो ममाइ। मेको आं लोव़ पाइबमी आंमा थुं ङा लोव़ पाप्‍तु। गेपुकी मेको कली तशा महिनीन’ दे परमप्रभुमी देंत” दे मोसामी इस्राएली आन कली लोव़ पाप्‍तु। येरमीया २३:१४; येरमीया २८:-; इजीकीएल १३:३-१६