ब्‍यवस्‍था 13:17 - Sunuwar Bible

¹⁷ मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

ब्‍यवस्‍था 13:17 ပူးပေါင်းရင်းမြစ်များ

उत्पत्ती 26:24

मिनु मेको नाक्‍दो परमप्रभु यावे ग्रूशा “गो इ आफ अब्राहाम आ परमप्रभु नङ। महिनो। गो गे नु बाक्‍नुङ, इ कली आसीक गेनन। आं गेय पाइब अब्राहाम आ पर्बम गो इ चच युइ आन कली शुश सेल्‍नुङ” दे लोव़ पवा बाक्‍त।

उत्पत्ती 26:4

इ चच युइ आन कली सरीङ ङा सोरुल खोदेंशो पा शुश सेल्‍नुङ। मेको आन कली एको रागी नेल्‍ल गेनुङ। मिनु इ चच युइ आन पर्बम रागी रागी ङा मुर नेल्‍ल आसीक ताइनीम।

उत्पत्ती 28:14

इ चच युइ खप ङा फुरक खोदेंशो पा शुश दुम्‍नीम। सोशा बोशा, शुश दुम्‍शा, पूर्ब, पच्‍छिम, उत्तर, दक्‍खिनम ब्रशा बाक्‍नीमी। गे नु इ चच युइ आन पर्बम रागी नेल्‍ल ङा मुर आसीक ताइनीम। उत्‍पत्ती १३:१४-१५

भजन संग्रह 78:38

मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।

भजन संग्रह 85:3

गे इन गाइक्‍चा नेल्‍ल साम्‍तीनी। मिनु चुरचा प्रोंइतीनी।

प्रस्‍थान 20:6

तन्‍न सु सुमी आं कली दाक्‍नीमी, आं शेंशो लोव़ टीनीमी, मेको आन आल, चच युइ नु युइ आन युइ आन पाला सम्‍म कली ला ममाइ, हजार हजार पाला सम्‍म गेना हना यो शिशी पाइक्‍नुङमी। प्रस्‍थान ३४:७; ब्‍यवस्‍था ७:९

प्रस्‍थान 32:12

मो पाइतीनी हना इजीप्‍त रागी ङा मुरपुकीमी ‘परमप्रभुमी मेको आन कली पहाडमी साइश्‍शा, रागी रे क्‍याम्‍चा कली एक रे ग्रुंइताक्‍व’ देंनीम। मोपतीके इन ठेयब गाइक्‍तीक प्रोनीन। इन मुर आन कली मसतीन। ब्‍यवस्‍था ९:२८; यहोसु ७:९

बिलाप 3:32

मेकोमी श्‍येत गेप्‍तु हना यो, लेंशा शिशी पाइब। मेको आ गेना हना यो दाक्‍तीक थम ठेयब बाक्‍ब।

इजीकीएल 37:26

गो मेकोपुकी नु थुं नाइश्‍शा बाक्‍तीक कबल का पाइनुङ। मेको गेना हना यो लीब कबल बाक्‍ब। गो मेको आन कली आसीक गेशा शुश दुम्‍पाइक्‍नुङमी। मिनु गो मेको आन दातेम गेना हना यो कली आं बाक्‍तीक सेल्‍नुङ। प्रस्‍थान २५:८; इजीकीएल ३४:२५; यसैया ५४:३०

होसे 11:9

गो आं ग्‍याइश्‍शो कुरशा मगाक्‍नुङ। गो एफ्राइम कली लेंशा खतम मपाइ‍नुङ। मारदे हना गो परमप्रभु नङ। गो मुर मनङ। गो इन दातेमी नेल्‍ल क्‍येङा सक्ति पाइश्‍शो दुम्‍शा, गाइश्‍शा मजाक्‍नुङ।

गन्‍ती 25:4

मिनु परमप्रभु यावेमी मोसा कली “एको मुर आन ठेयब मुर नेल्‍ल आन कली चाक्‍शा क्‍युक्‍शा साइश्‍शा, परमप्रभु यावे आ ङोंइती नाप्‍शो नांम वोइक्‍मी। मिनु परमप्रभु यावे इस्राएली आन पर्बम आ थाम्‍पा गाइश्‍शो नांइसीब” देंत। ब्‍यवस्‍था २१:२२-२३; २सामुएल २१:६-९

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

ब्‍यवस्‍था 13:18

गेपुकी परमप्रभु यावे, इन परमप्रभु आ देंशो टीतीनी, मुलाक्‍ती गो इन कली देंशो आं शेंशो नेल्‍ल पाइतीनी हना, गेपुकी परमप्रभु यावे, इन परमप्रभु आ ङोंइती ठीक पाइब दुम्‍नीनी” देंत। यहोसु ७:-

ब्‍यवस्‍था 30:3

मेना परमप्रभु यावे, इन परमप्रभुमी इन रिम्‍शो नाक्‍ती लेप्‍पाइक्‍ब। मिनु परमप्रभु यावे, इन परमप्रभुमी इन कली शिशी पाइश्‍शा, जात जात ङा मुर आन दातेमी ब्रपाइक्‍तीके रे खुप्‍शा चाक्‍ब। इजीकीएल १६:५३; येरमीया २९:१४; आमोस ९:१४; येरमीया ३२:३७

ब्‍यवस्‍था 30:5

मिनु परमप्रभु यावे, इन परमप्रभुमी इन कली इन किकी पिपी आन रागीमी चाक्‍ब। मेको रागी इन के बाक्‍ब। मिनु मेकोमी इन कली इन किकी पिपी क्‍येङा शुश नु रिम्‍शो सेल्‍ब।

ब्‍यवस्‍था 7:13

मेकोमी इन कली दाक्‍शा, आसीक गेशा, शुश सेल्‍ब। मेकोमी इन आल आन कली आसीक गेब। इन किकी पिपी आन कली कसम जशा गेशो रागीमी इन रू ङा फल फुल, इन अन्‍न, इन अङगुर शांबु नु तेल, इन बी ब्‍यफ आन बाछा नु इन क्‍यारश भेडा आन चाइक्‍ब नेल्‍ल आन कली आसीक गेब। होसे २:७-१२

ब्‍यवस्‍था 7:26

मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२

यहोसु 22:20

मिनु जेराह आ तौ आकानमी मटिथु, खुइ पवानु, परमप्रभु यावे आ गाइश्‍शोमी नेल्‍ल आन कली मार दुम्‍मे? आकान ला मबे, इस्राएली नेल्‍लेमी श्‍येत जाम्‍तेक्‍म’ ” देंतेक्‍म। यहोसु ७:६-१३

यहोसु 6:18

मिनु परमप्रभुमी खतम सेल्‍चा, देंशो थोव़क लाइक्‍चा मदुम्‍ब। होस पा बाक्‍कीन। गे परमप्रभु आ देंशो मटिथु, मारेइ लाइक्‍तीनी हना, गे आंमा खतम दुम्‍नीनी। सुइमी मारेइ खुइ पा, इस्राएली आन बाक्‍तीकेम वोइक्‍तीनी हना, मेको खतम दुम्‍ब। मिनु मुर नेल्‍ल आन कली श्‍येत जपाइक्‍ब। लेवी २७:२८; ब्‍यवस्‍था १३:१८

यहोसु 6:24

मिनु मी सुइश्‍शा, मेको सहर नु आगा ङा थोव़क नेल्‍ल क्रोइक्‍तेक्‍म। सुन चांदी, कांसा नु फलाम के सेल्‍शो थोव़कपुकी ला परमप्रभु यावे आ खिं ङा शोंप वोइक्‍तीकेमी वोइक्‍तेक्‍म।

यहोसु 6:26

मेना यहोसुमी “सुमी यरीको सहर लेंशा सेल्‍बा, मेको परमप्रभु यावे आ ङोंइती सराप राइब। मेकोमी जग फुल्‍लु वोदानु, आ ङोंइती जरमेशो तौ बेक्‍ब। मिनु आ गारो ङा ठेयब लाप्‍चो वोदानु, आ कान्‍छा तौ बेक्‍ब” दे कसम जाप्‍तु। १राजा १६:३४

यहोसु 7:1

मिनु इस्राएलीपुकीमी मटिथु, खतम सेल्‍चा माल्‍शो परमप्रभु यावे आ थोव़क रे खुइ पाम्‍तेक्‍म। यहूदा आ थर ङा जेराह आ युइ, जब्‍दी आ चच, कारमी आ तौ आकानमी मलाइक्‍चा थोव़क रे पा मार मार खुइ पा लदा बाक्‍त। मोपतीके परमप्रभु यावे इस्राएली नेल्‍ल आन कली तशा चुरमाक्‍त। यहोसु ६:१८

यहोसु 7:26

मिनु मेको आन तारी शुश फुल्‍लु तेल्‍तेक्‍म। मेको फुल्‍लु तेल्‍तीके मुलाक्‍त सम्‍म बाक्‍ब। मिनु नोले परमप्रभु यावे आ गाइक्‍चा नांइसाक्‍व। मिनु मेको बेंसी आ नें आकोर बेंसी वोइक्‍तेक्‍म। मेको मुल सम्‍म बाक्‍ब। यसैया ६५:१०; होसे २:१७

यहोसु 8:28

मिनु यहोसुमी ऐ सहर कली चोशा, गेनायो मसेल्‍चा ङा पा खतम सेल्‍तु। मोदेंशो मुल सम्‍म बाक्‍ब।