ब्‍यवस्‍था 13:16 - Sunuwar Bible

¹⁶ मेकेर बाक्‍शो मारेइ मारेइ, मेको सहर आ दातेम खुप्‍चा माल्‍नीनी। मिनु मेको खुप्‍शो नु सहरम मी सुइक्‍तीन। मेको परमप्रभु यावे, इन परमप्रभु कली चोशा चढ़ेशो खोदेंशो दुम्‍ल। मेको सहर गेना हना यो फोहोर ताइक्‍तीके दुम्‍ल। मिनु मेको सहर कली लेंशा मसेलीन। ब्‍यवस्‍था २०:१६-१८

ब्‍यवस्‍था 13:16 ပူးပေါင်းရင်းမြစ်များ

प्रस्‍थान 22:19

सु बस्‍तु नु इप्‍बा, मेको कली थमा पा साइक्‍चा माल्‍नीनी। लेवी १८:२३; ब्‍यवस्‍था २७:२१

यसैया 17:1

मिनु परमप्रभु यावेम दमस्‍कस आ पर्बम यसैया कली “दमस्‍कस सहर खतम दुम्‍शा मलीब। मेकेर ब्रेश्‍शो खिं ला बाक्‍नीम।

यसैया 25:2

मारदे हना गे सहर कली फुल्‍लु तेल्‍तीके खोदेंशो सेल्‍तीनी। गारो हिरशो सहर कली प्रेत्‍तीनी। अर्को रागी ङा मुर आन दरवार मुल मली। मिनु मेको गेनायो मसेल्‍नीम।

येरमीया 49:2

मोपतीके परमप्रभु यावेमी “गो अम्‍मोनी आन रब्‍बाह कली लडाइ ङा तुराही ताप्‍शो नेंपाइक्‍नुङ। मेको श्‍येत्‍थ डांडा खोदेंशो दुम्‍ब। मिनु मेको आ एर ओंथ ङा गाउं मीम क्रोइक्‍चा पुंइसीनीम। मेना इस्राएलमी आ कली रोइक्‍ब आन कली रोइक्‍ब” दे परमप्रभु यावेमी देंत।

इजीकीएल 26:14

गो इ कली श्‍येत्‍थ फुल्‍लु सेल्‍नुङ। गे ग्‍याइल आप्‍तीक दुम्‍नेवे। इ कली लेंशा गेनायो मसेल्‍नीम। मारदे हना गो, परमप्रभु यावेमी एको लोव़ पाता” दे परमप्रभु, परमप्रभु यावेमी देंत।

मीका 1:6

मोपतीके गो सामरीया कली फुल्‍लु तेल्‍तीक सेल्‍नुङ। मेको अङगुर ख्रुम्‍तीक रू दुम्‍ने चाप्‍ब। गो मेकेर ङा फुल्‍लु दिंमम ताइक्‍नुङ। मिनु मेको आ खिं प्रेश्‍शा, आ जग ग्रुंइनुङ। १राजा १६:२४; होसे १४:१

ब्‍यवस्‍था 7:25

गेपुकीमी मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। मूर्तिम बाक्‍शो सुन चांदी बाक्‍त हना, वाल्‍शा आंम कली मवोंइसीन। मारदे हना मोदेंशो पाइतीनी हना, इन कली मरिम्‍शो दुम्‍ब। मेको परमप्रभु यावे, इन परमप्रभु कली ग्रांग्रा बाक्‍ब।

ब्‍यवस्‍था 7:26

मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२

यहोसु 6:21

मिनु सहर ङा मीश मुर वोंइश मुर, आल, खाल्‍पी खाल्‍पा बी ब्‍यफ, क्‍यारश भेडा, गधा नेल्‍ल आन कली तरवारम साइक्‍तेक्‍म।

यहोसु 6:24

मिनु मी सुइश्‍शा, मेको सहर नु आगा ङा थोव़क नेल्‍ल क्रोइक्‍तेक्‍म। सुन चांदी, कांसा नु फलाम के सेल्‍शो थोव़कपुकी ला परमप्रभु यावे आ खिं ङा शोंप वोइक्‍तीकेमी वोइक्‍तेक्‍म।

यहोसु 6:26

मेना यहोसुमी “सुमी यरीको सहर लेंशा सेल्‍बा, मेको परमप्रभु यावे आ ङोंइती सराप राइब। मेकोमी जग फुल्‍लु वोदानु, आ ङोंइती जरमेशो तौ बेक्‍ब। मिनु आ गारो ङा ठेयब लाप्‍चो वोदानु, आ कान्‍छा तौ बेक्‍ब” दे कसम जाप्‍तु। १राजा १६:३४

यहोसु 8:28

मिनु यहोसुमी ऐ सहर कली चोशा, गेनायो मसेल्‍चा ङा पा खतम सेल्‍तु। मोदेंशो मुल सम्‍म बाक्‍ब।