ब्‍यवस्‍था 12:32 - Sunuwar Bible

³² गो इन कली दोशो अरेङा, मेको नेल्‍ल होस पा पने। गेपुकीमी मारेइ मतेम्‍दीन, मारेइ मशोलीने” देंत।

ब्‍यवस्‍था 12:32 ပူးပေါင်းရင်းမြစ်များ

२ राजा 17:37

मेकोमी इन कली “आं फुल्‍लुम मुशा ब्रेक्‍शो लोव़ नु आं पतीके लोव़, आं अरेशो नु आं शेंशो लोव़ नेल्‍ल शुश होस पा गेना हना यो पचा माल्‍नीनी। गेपुकीमी देवी देवता आन कली मानेचा मदुम्‍नीनी।

हितोपदेस 30:6

मेको आ लोव़मी मारेइ यो मतेम्‍दो। तेम्‍ताक्‍वी हना, इ कली हुइश्‍शा, गे जोल पाइब मुर देंचा पुंइसीनेवे। ब्‍यवस्‍था ४:२

इजीकीएल 44:5

मिनु परमप्रभु यावेम आं कली “ए मुर, आं नेक्‍था जाक्‍शा, कोव़ङो। आं खिं आ पर्बम पचा माल्‍शो गेय नु मेको आ पर्बम अरेशो लोव़ नेल्‍ल इ नोफा दाइश्‍शा रिम्‍शो पा नेनो। सु सु आं खिं ओव़चा ताइनीमी नु सु सु मताइनीम, दे रिम्‍शो पा कोव़शा अरेवो।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

ब्‍यवस्‍था 13:18

गेपुकी परमप्रभु यावे, इन परमप्रभु आ देंशो टीतीनी, मुलाक्‍ती गो इन कली देंशो आं शेंशो नेल्‍ल पाइतीनी हना, गेपुकी परमप्रभु यावे, इन परमप्रभु आ ङोंइती ठीक पाइब दुम्‍नीनी” देंत। यहोसु ७:-

ब्‍यवस्‍था 19:9

मिनु गे मुलाक्‍ती शेंशो परमप्रभु यावे आ अरेशो नेल्‍ल होस पा पाइतीनी हना, मिनु गे परमप्रभु यावे, इन परमप्रभु कली दाक्‍ताक्‍नी हना, गे नेल्‍ल नाक्‍ती मेको आ लांम गाक्‍तीनी हना, मेको सहर सां कली अर्को सहर सां तेम्‍चा माल्‍नीनी।

ब्‍यवस्‍था 4:2

मिनु गो इन कली परमप्रभु यावे, इन परमप्रभु आ लोव़ शेंशा ‘परमप्रभु आ शेंशो पचा माल्‍ब’ दे अरेनुङ। गेपुकीमी आं शेंशो लोव़ कली का यो मतेम्‍दीन। का यो मशोलीने। ब्‍यवस्‍था १३:१; हितोपदेस ३०:६; प्रकाश २२:१८-१९

यहोसु 1:7

गे थम बोल्‍यो नु महिंब दुमो। आं गेय पाइब मोसामी इ कली अरेशो लोव़ नेल्‍ल होस पा टिवो। मेको रे ग्‍युरा पेरा गे मलावो। मिनु गे ते लते हना यो ग्रानेवे। ब्‍यवस्‍था ५:२९; ब्‍यवस्‍था २९:८; १राजा २:३