ब्‍यवस्‍था 12:30 - Sunuwar Bible

³⁰ इन ङोंइती क्‍याम्‍शो मुर आन देवी देवता आन पर्बम मेको रागी रागी ङा मुरपुकीमी आन देवी देवता कली दोपा ठेयब सेल्‍मे? गो यो मोदेंशो पाइनीकी, दे हिल्‍लो पा लोव़ मपने। होस पा बाक्‍कीन। गे यो मेको आन खोदेंशो पा हेंथे गाक्‍तीनी हना, मेको आन खोदेंशो पा साइक्‍चा पुंइसीनीनी। प्रस्‍थान २३:२४; इजीकीएल २०:३२

ब्‍यवस्‍था 12:30 ပူးပေါင်းရင်းမြစ်များ

२ राजा 16:10

मिनु पिप आहाज, अस्‍सुर ङा पिप तिग्‍लात-पिलेसेर कली ग्रुम्‍थ दमस्‍कस लमाक्‍त। मिनु मेकोमी दमस्‍कसम चढ़ेतीक का तवा बाक्‍त। मिनु मेको दोदेंशो बाक्‍मे, मेको नेल्‍ल ब्रेक्‍शा चढ़ेब उरीयाह आ बाक्‍तीक सोइक्‍ता बाक्‍त।

२ राजा 17:15

मेकोपुकीम मेको आ फुल्‍लुम मुशा ब्रेक्‍शो लोव़, मेको आन किकी पिपी नु पशो कबल नु हिंच कोंइशो ममिम्‍तमे बाक्‍त। मेकोपुकी शोर गाक्‍शो मूर्ति आन नोले खोइश्‍शा, आंमा यो शोर गाक्‍शो दुम्‍शो बाक्‍मा बाक्‍त। मेको आन एर ओंथ बाक्‍ब रागी रागी ङा मुर आन नोले खोदमे बाक्‍त। परमप्रभु यावेमी मेको आन कली “गे मेको आन पशो खोदेंशो मपने” देंशा, अरेशो बाक्‍माक्‍त। प्रस्‍थान २३:२४

प्रस्‍थान 23:24

गेपुकी मेको आन खोदेंशो मपने। मेको आन देवी देवता आन ङोंइती बाप्‍शा सेउ मपने। मेको आन कली गेय मपने। तन्‍न मेको आन मूर्ति जिक्‍शा प्रोल्‍शा ताइक्‍तीन। प्रस्‍थान २०:५; ब्‍यवस्‍था १२:३०; लेवी १८:३

येरमीया 10:2

परमप्रभु यावेम “रागी रागी ङा मुर आन पतीक मशेंसीने। सरीङ ङा चिन्‍ड तशा, महिनीन। रागी रागी ङा मुरपुकी मेको तशा हिंनीम। प्रस्थान २३:२४; २राजा २१:६

इजीकीएल 11:12

मेना गेपुकीम गो परमप्रभु यावे नङ, दे तुइक्‍नीनी। गेपुकीम आं फुल्‍लु मुशा ब्रेक्‍शो लोव़ मटिनी। आं निसाफ पतीक लोव़ यो मटिनी। तन्‍न गे इन एर ओंथ बाक्‍ब रागी रागी ङा मुर आन पतीक लोव़ पाइ‍तीनी’ ” दे परमप्रभु यावेमी देंत।

इजीकीएल 20:28

गो कसम जशा मेको आन कली गेनुङ देंशो रागीम चाक्‍तामी। मेकोपुकीम मेकेर लाइश्‍शो डांडा नु शुश सफा पाइश्‍शो रवा ताम्‍तेक्‍म। मेकेर आन मार मार चढ़ेम्‍तेक्‍म। आं कली गाइक्‍पाइक्‍चा कली आन पोक्‍शो मार मार चढ़ेम्‍तेक्‍म। मेकेर आन ब्रोव़शो रिना पाइश्‍शो धूप चोशा, आन तूचा थोव़क चढ़ेतीक चढ़ेम्‍तेक्‍म।

इजीकीएल 20:32

मिनु परमप्रभुमी “इन थुंम ‘गोपुकी अर्को रागी ङा मुर नु अर्को जात ङा मुर खोदेंशो दुम्‍चा दाक्‍नीक’ देंतीनी। गेपुकीमी ‘रागी ङा जात जात ङा मुर खोदेंशो पा शी नु फुल्‍लु आन कली पूजा पाइब बाक्‍नीकी’ देंतीनी। तन्‍न इन मिम्‍शो गेनायो मजाक्‍दीप्‍ब” देंत। प्रस्‍थान २३:२४

लेवी 18:3

गेपुकी इजीप्‍त रागीम पशो खोदेंशो मपने। मिनु गो इन कली कनान रागी लाइक्‍नन्‍नी। गेपुकीमी मेक ङा मुर आन पशो खोदेंशो मपने। प्रस्‍थान २३:२४

लेवी 18:30

मोपतीके गे ङोंइती ङा मुरपुकीमी पशो खोदेंशो पा मेको दूली ग्रांग्रा दिशो पाप मपने। मिनु आंम कली ग्रांग्रा दिशो मसेलीन। मारदे हना गो परमप्रभु यावे, इन परमप्रभु नङ’ देनो” देंत।

गन्‍ती 33:52

मेको रागी ङा मुर नेल्‍ल आन कली मेको रागी रे खेरचा माल्‍नीनी। मिनु मेको आन मुशा सेल्‍शो नु कांसा के सेल्‍शो मूर्ति नेल्‍ल कली खतम पोक्‍कीन। मेको आन डांडा ङा थानपुकी प्रेश्‍शा खतम पोक्‍चा माल्‍नीनी।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

एफिसी 4:17

परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४

ब्‍यवस्‍था 11:16

मोपतीके सुइम इन कली हेंथे गाक्‍पाइक्‍चा मगेने, होस पा बाक्‍कीन। गेपुकी परमप्रभु क्‍येङा ङोन लाइतीनी नु देवी देवता आन कली सेउ पाइतीनी हना,

ब्‍यवस्‍था 12:29

परमप्रभु यावे, इन परमप्रभुमी मेको रागी रागी ङा मुर आन कली इन ङोंइती क्‍याम्‍ब। गे मेको आन कली खेरचा कली जाक्‍नीनी। मिनु थमा पा खेरशा, मेको आन बाक्‍तीकेम बाक्‍नीनी।

ब्‍यवस्‍था 12:31

गेपुकीमी परमप्रभु यावे, इन परमप्रभु कली मोदेंशो मपने। मारदे हना मार मार परमप्रभु यावे आ ङोंइती ग्रांग्रा दित्‍चा ङा बाक्‍मे, मेकोपुकीमी आन देवी देवता आन कली नेल्‍ल पाम्‍तेक्‍म। मेकोपुकीमी आंम तमी तौ आन कली मेको आन देवी देवता आन पर्बम मीम चोशा चढ़ेम्‍तेक्‍म।

ब्‍यवस्‍था 18:9

परमप्रभु यावे, इन परमप्रभुमी इन कली गेशो रागी जाक्‍दीन्‍नी नोले मेकेर ङा रागी रागी ङा मुर आन पशो ग्रांग्रा दिशो गेय शेंसीशा काइ मपने।

ब्‍यवस्‍था 20:18

मो मपाइतीनी हना, मेको आन देवी देवता आन कली ग्रांग्रा दिचा ङा पतीके शेंसीनीनी। मोपा परमप्रभु यावे, इन परमप्रभु कली मरिम्‍शो पा पाप पाइनीनी।

ब्‍यवस्‍था 7:16

मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३