ब्‍यवस्‍था 12:25 - Sunuwar Bible

²⁵ गेपुकीम मेको मब्‍वचा। मिनु गे परमप्रभु यावे आ ङोंइती मार ठीक बाक्‍मे, मेको पतीके, गेपुकी नु इन नोले ङा इन आल आन कली रिम्‍शो दुम्‍ल।

ब्‍यवस्‍था 12:25 ပူးပေါင်းရင်းမြစ်များ

१ राजा 11:38

मिनु गे आं गेय पाइब दाऊद खोदेंशो पा आं शेंशो नेल्‍ल पाप्‍तीवी नु आं लांम गाक्‍ते हना, आं ङोंइती मार ठीक बाक्‍मे, मेको नेल्‍ल पाप्‍‍तीवी हना, आं फुल्‍लुम मुशा ब्रेक्‍शो लोव़ नु आं शेंशो नेल्‍ल आं गेय पाइब दाऊदम खोदेंशो पा टिप्‍‍तीवी हना, गो गे नु बाक्‍नुङ। गो इ खिं कली गेना हना यो लीपाइक्‍नुङ। मिनु इस्राएल इ कली गेनन। १राजा ९:४

भजन संग्रह 112:2

मेको आ चच युइ रागीम ठेयब मुर दुम्‍नीम। रिम्‍शो थुं पाइश्‍शो मुर आन पाला आसीक राइनीम।

प्रस्‍थान 15:26

मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

उपदेसक 8:12

मरिम्‍शो पाइब मुर सहे का खेयप मरिम्‍शो पशा यो शुश नाक्‍त सम्‍म ब्रोंइशा बाक्‍नीम। मो हना यो परमप्रभु कली मान पा हिंब नु आ ङोंइती बाक्‍ब आन कली रिम्‍शो दुम्‍ब, दे गो तुइक्‍नुङ। भजन संग्रह ३७:१८; भजन संग्रह ७३:१७-२६

यसैया 3:10

दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।

इजीकीएल 33:25

मोपतीके गे मेको आन कली ‘परमप्रभु, परमप्रभु यावेमी इन कली गेपुकी हुश सुन्‍दा श्‍ये ब्‍वाइनीनी। गे इन मूर्ति पूजा पाइनीनी। गेपुकीम हुश ख्राक्‍श पोक्‍‍नीनी। मिनु मार, एको रागी इन के दुम्‍बा ङा? १सामुएल १४:३२-३४

ब्‍यवस्‍था 12:24

मेको ब्‍वचा मदुम्‍ब। मेको कली ब्‍वाक्‍कु खोदेंशो पा खपीम ताइक्‍चा माल्‍नीनी।

ब्‍यवस्‍था 12:28

गेपुकीमी होस पा आं अरेशो लोव़ नेल्‍ल नेनीन। मिनु टिशा पाइतीनी हना, इन कली नु इन नोले ङा इन तमी तौ आन कली गेना हना यो रिम्‍शो दुम्‍ब। परमप्रभु यावे, इन परमप्रभु आ ङोंइती रिम्‍शो नु ठीक पाइबपुकी रिम्‍शो दुम्‍नीम।

ब्‍यवस्‍था 13:18

गेपुकी परमप्रभु यावे, इन परमप्रभु आ देंशो टीतीनी, मुलाक्‍ती गो इन कली देंशो आं शेंशो नेल्‍ल पाइतीनी हना, गेपुकी परमप्रभु यावे, इन परमप्रभु आ ङोंइती ठीक पाइब दुम्‍नीनी” देंत। यहोसु ७:-

ब्‍यवस्‍था 21:9

मोपा गेपुकीमी दोस मतशो मुर कली साइक्‍चा पुंइसीतीके इन दाते रे ग्रुंइचा माल्‍नीनी। मारदे हना गेपुकीमी परमप्रभु यावे आ ङोंइती ठीक पचा माल्‍नीनी। गन्‍ती ३५:३३

ब्‍यवस्‍था 4:40

मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।

ब्‍यवस्‍था 5:16

परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्‍त ब्रोंइशा बाक्‍नीनी।

ब्‍यवस्‍था 5:33

परमप्रभु यावे, इन परमप्रभुमी इन कली कोंइशो लां ठीक पा गाक्‍कीन। मो पाइतीनी हना, गे ब्रोंइनीनी, इन कली रिम्‍शो दुम्‍ब नु इन के सेल्‍चा चिक्‍शो रागीम शुश नाक्‍ती ब्रोंइनीनी।

ब्‍यवस्‍था 6:18

मिनु परमप्रभु यावे आ ङोंइती तेको ठीक नु रिम्‍शो बाक्‍बा, मेको पने। मोपा इन कली रिम्‍शो दुम्‍ब। मिनु परमप्रभु यावेमी इन किकी पिप नु कसम जशो, रिम्‍शो रागी इन के सेलीन।