ब्‍यवस्‍था 12:23 - Sunuwar Bible

²³ होस पा हुश गेनायो ब्‍वचा मदुम्‍ब। मारदे हना हुशेमी ब्रोंइतीक सोक्‍त बाक्‍ब। श्‍ये नु ब्रोंइतीक सोक्‍त ब्‍वचा मदुम्‍ब। ब्‍यवस्‍था १२:१६

ब्‍यवस्‍था 12:23 ပူးပေါင်းရင်းမြစ်များ

उत्पत्ती 9:4

क्‍योरशा हुश मचुइक्‍थु चहिं मब्‍वने। मारदे हना हुशेमी ब्रोंइतीक सोक्‍त बाक्‍ब।

इजीकीएल 33:25

मोपतीके गे मेको आन कली ‘परमप्रभु, परमप्रभु यावेमी इन कली गेपुकी हुश सुन्‍दा श्‍ये ब्‍वाइनीनी। गे इन मूर्ति पूजा पाइनीनी। गेपुकीम हुश ख्राक्‍श पोक्‍‍नीनी। मिनु मार, एको रागी इन के दुम्‍बा ङा? १सामुएल १४:३२-३४

लेवी 17:10

इस्राएली नु मेको आन दातेम बाक्‍ब अर्को रागी ङा मुर सुइमी हुश ब्‍वाम्‍तेक्‍म हना, गो मेको हुश ब्‍वाइब कली मरिम्‍शो पाइनुङ। मिनु मेको मुर कली आ मुर आन दाते रे क्‍याम्‍नुङ। लेवी ३:१७

लेवी 17:11

मारदे हना मेको बस्‍तु भाव आन हुशेम ब्रोंइतीक सोक्‍त बाक्‍ब। मिनु गो मेको हुश इन कली चढ़ेतीकेमी इन पाप क्‍याम्‍तीक गेय पचा कली गेता। मारदे हना हुशेम पाप क्‍याम्‍तीके बाक्‍ब। हिब्रू ९:२२

लेवी 19:26

गेपुकीमी तेकोइ चिक्‍ब, जन्‍तु, बी बयफ, क्‍यारश भडा आन श्‍ये हुश सुन्‍दा मब्‍वने। मिनु गेपुकी लिंक्‍यु मकोव़ङीन। मिनु गे टुना मुना काइ मपने। लेवी ३:१७; ब्‍यवस्‍था १८:१०

लेवी 7:26

गेपुकी ते बाक्‍तीनी हना यो, तेकोइ चिक्‍ब नु बी ब्‍यफ, क्‍यारश भेडा आन हुश ब्‍वचा मदुम्‍ब।

मत्ती 20:28

रागीम जरमेशो मान पपांइसीचा कली जाक्‍शो ममाइ। तन्‍न गेय पथ नु शुश मुर आन कली प्रोंइचा कली आ गिंम सोइक्‍थ जाक्‍शो बाक्‍ब” दे माइक्‍तीमी। फिलिप्‍पी २:७; १पत्रुस १:१८-१९

प्रेरित 15:20

मेको आन कली ‘मूर्ति कली चढ़ेशो मजचा, तेल्‍लेम मपचा, हुश मचुइक्‍थु साइश्‍शो श्‍ये मब्‍वचा, हुश मब्‍वचा’ दे चिठी ब्रेक्‍शो बाक्‍त। लेवी १९:४; लेवी १९:२९; लेवी ३:१७

ब्‍यवस्‍था 12:16

तन्‍न हुश चहिं मब्‍वने। मेको ब्‍वाक्‍कु खोदेंशो पा खपीम ताइक्‍तीन। लेवी ३:१७; लेवी १७:११

ब्‍यवस्‍था 12:22

मिनु किश्‍श नु रोकोश ब्‍वशो खोदेंशो पा परमप्रभु आ ङोंइती ग्रांग्रा दि‍शो नु ग्रांग्रा मदिशो नेल्‍लेमी ब्‍वने चाप्‍नीम। ब्‍यवस्‍था १२:१५

ब्‍यवस्‍था 12:24

मेको ब्‍वचा मदुम्‍ब। मेको कली ब्‍वाक्‍कु खोदेंशो पा खपीम ताइक्‍चा माल्‍नीनी।

ब्‍यवस्‍था 15:23

मेको आ हुश ला मब्‍वचा। मेको ब्‍वाक्‍कु खोदेंशो पा खपीम ताइक्‍चा माल्‍नीनी” देंत। ब्‍यवस्‍था १२:१६

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३

१ सामुएल 14:32

तन्‍न मुरपुकी शोव़लुम बेक्‍चा चिक्‍शा, मार मार रोइक्‍चा गोव़मे बाक्‍त। मोपा भेडा बी ब्‍यफ नु बाछा ग्‍याइक्‍तमे बाक्‍त। मिनु खपीमीन साइश्‍शा हुश सुन्‍दा ब्‍वामे बाक्‍त। लेवी ३:१७

१ सामुएल 14:33

मुरपुकीम हुश सुन्‍दा श्‍ये ब्‍वशा “परमप्रभु यावे कली पाप पाम्‍तेक्‍म” दे मुरुमी सावल कली शेंदमे बाक्‍त। मिनु सावलमी “एको दा थम मरिम्‍शो दुम्‍त। ठेयब फुल्‍लु का लोक्‍शा एक चाक्‍कीन” देंमाक्‍त।