ब्‍यवस्‍था 12:21 - Sunuwar Bible

²¹ परमप्रभु यावे, इन परमप्रभु आ योव़शो बाक्‍तीके इन क्‍येङा ङोन बाक्‍त हना, परमप्रभु यावेमी इन कली गेशो बी ब्‍यफ नु क्‍यारश भेडा आ अरेशो खोदेंशो पा इन सहरम क्‍योरशा ब्‍वने चाप्‍नीनी।

ब्‍यवस्‍था 12:21 ပူးပေါင်းရင်းမြစ်များ

१ राजा 14:21

मिनु सोलोमन आ तौ रेहोबाम यहूदा ङा पिप दुम्‍माक्‍त। मेको ४१ बर्स दुम्‍शो बाक्‍माक्‍त। मेकोम यरूसलेम सहरम १७ बर्स सासन पवा बाक्‍त। परमप्रभु यावेमी इस्राएली आन थर नेल्‍ल आन दातेम बाक्‍चा कली मेको सहर योव़शो बाक्‍माक्‍त। रेहोबाम आ ममा आ नें नामा बाक्‍माक्‍त। मेको अम्‍मोनी का बाक्‍माक्‍त। १राजा १२:१७

२ इतिहास 12:13

मोपा पिप रेहोबाममी यरूसलेममी आ राज्‍य बोल्‍यो सेल्‍शा, सासन पवा बाक्‍त। रेहोबाम पिप दुम्‍मेनु, ४१ बर्स दुम्‍शो बाक्‍माक्‍त। मिनु मेकोमी यरूसलेम सहरम १७ बर्स सासन पवा बाक्‍त। परमप्रभु यावेम इस्राएल ङा थर नेल्‍ल आन दाते रे आ नें कली मान पा बाक्‍चा, दे यरूसलेम सहर योव़शो बाक्‍माक्‍त। रेहोबाम आ ममा आ नें नामा बाक्‍माक्‍त। मेको अम्‍मोनी बाक्‍माक्‍त। २इतिहास ६:२०

एज्रा 6:12

परमप्रभुमी आ नें तुइक्‍पाइक्‍चा कली यरूसलेममी आ बाक्‍तीक सेल्‍पाइश्‍शो बाक्‍त। परमप्रभुमी आ हुकुम फाइक्‍ब नु यरूसलेम आ खिं प्रेप्‍ब पिप नेल्‍ल नु अरु मुर, सु बाक्‍तेक्‍म हना यो, मेको आन कली खतम पोक्‍गल। गो पिप दाराम हुकुम पाता। मेको रीब पा पचा माल्‍नीम” दे हुकुम पाप्‍तु।

प्रस्‍थान 20:24

गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५

ब्‍यवस्‍था 12:11

मेना परमप्रभु यावे, इन परमप्रभुम आ बाक्‍तीके का योव़ब। गो इन कली अरेशो इन चोशा चढ़ेशो, इन क्‍योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्‍चा माल्‍नीनी।

ब्‍यवस्‍था 12:15

तन्‍न गेपुकी श्‍ये ब्‍वचा दाक्‍तीनी हना, परमप्रभु यावे, इन परमप्रभुमी इन कली आसीक गेशो खोदेंशो पा इन सहर सहरमी क्‍योरशा, ब्‍वने चाप्‍नीनी। ग्रांग्रा दिशो नु ग्रांग्रा मदि‍शो मुर नेल्‍लेमी ब्‍वने चाप्‍नीम। गेपुकीम कि‍श्‍श नु रोकोश खोदेंशो पा ब्‍वने चाप्‍नीनी। ब्‍यवस्‍था १२:२२; ब्‍यवस्‍था १४:५

ब्‍यवस्‍था 12:20

मिनु परमप्रभु यावे, इन परमप्रभुम आ कबल पशो खोदेंशो पा इन रागी बारपाइक्‍ब। गेपुकी श्‍ये ब्‍वचा दाक्‍तीनी हना, रूचा ङा पा ब्‍वने।

ब्‍यवस्‍था 12:22

मिनु किश्‍श नु रोकोश ब्‍वशो खोदेंशो पा परमप्रभु आ ङोंइती ग्रांग्रा दि‍शो नु ग्रांग्रा मदिशो नेल्‍लेमी ब्‍वने चाप्‍नीम। ब्‍यवस्‍था १२:१५

ब्‍यवस्‍था 12:5

परमप्रभु यावे, इन परमप्रभुमी इन थर थर आन बाक्‍तीक रागीमी ते बाक्‍चा दाक्‍बा, मेको माल्‍शा मेकेर लचा माल्‍नीनी।

ब्‍यवस्‍था 16:11

मिनु गेपुकी, इन तमी तौपुकी, वाइलीम वाइल, इन सहरम बाक्‍शो लेवी आ थर ङा मुरपुकी, इन दातेमी बाक्‍शो अर्को रागी ङा मुरपुकी, रोम रोइक्‍च नु आन वोंइश बेक्‍शो मीश मुर नेल्‍ल परमप्रभु यावे, इन परमप्रभु आ नें वोइक्‍चा कली नोले योव़शो बाक्‍तीकेमी मेको आ ङोंइती ग्‍येरसीचा माल्‍नीनी।

ब्‍यवस्‍था 16:6

परमप्रभु यावे, इन परमप्रभुमी आ नें वोइक्‍चा कली नोले योव़शो बाक्‍तीकेमी मेको पास्‍सा चाड ङा मार मार क्‍योरचा माल्‍नीनी। गे मेको इजीप्‍त रे ग्रुंइशा, नां रिक्‍ची ना पचा माल्‍नीनी।

ब्‍यवस्‍था 26:2

परमप्रभु यावे, इन परमप्रभुमी इन कली गेशो रागी ङा ङोंइती मीशो मारेइ मारेइ डालो काम कुर पा परमप्रभु यावे, इन परमप्रभु आ योव़शो बाक्‍तीकेम लतीन। प्रस्‍थान २३:१९; लेवी २:१४