ब्‍यवस्‍था 12:20 - Sunuwar Bible

²⁰ मिनु परमप्रभु यावे, इन परमप्रभुम आ कबल पशो खोदेंशो पा इन रागी बारपाइक्‍ब। गेपुकी श्‍ये ब्‍वचा दाक्‍तीनी हना, रूचा ङा पा ब्‍वने।

ब्‍यवस्‍था 12:20 ပူးပေါင်းရင်းမြစ်များ

उत्पत्ती 28:14

इ चच युइ खप ङा फुरक खोदेंशो पा शुश दुम्‍नीम। सोशा बोशा, शुश दुम्‍शा, पूर्ब, पच्‍छिम, उत्तर, दक्‍खिनम ब्रशा बाक्‍नीमी। गे नु इ चच युइ आन पर्बम रागी नेल्‍ल ङा मुर आसीक ताइनीम। उत्‍पत्ती १३:१४-१५

उत्पत्ती 31:30

मिनु गे इ आफ ग्रुम्‍चा शुश दाक्‍ताक्‍वी हना यो, मारदे आं खिं ङा मूर्ति खुइ पा लदी?” दे हिल्‍लो पवा बाक्‍त।

२ सामुएल 13:39

अम्‍नोन बेक्‍शो शुश दुम नोले, पिपमी आ थुं अब्‍सालोम गे हिरदा बाक्‍त। २सामुएल ३:३; २सामुएल १४:२३; यहोसु १३:११

२ सामुएल 23:15

मिनु काबु नाक्‍त दाऊद थाम्‍पा ब्‍वाक्‍कु तूतू दाक्‍शो बाक्‍माक्‍त। मिनु मेकोमी तूतू दाक्‍शा “सुइमी आं कली बेथलेहेम ङा ठेयब लाप्‍चो आ नेक्‍था बाक्‍शो इनार ङा ब्‍वाक्‍कु तूचा गेयीमी हना, रिम्‍शो दुम वा” देंमाक्‍त।

१ इतिहास 4:10

मिनु याबेसमी इस्राएली आन परमप्रभु कली “आं कली आसीक गेने। आं कली रू तेम्‍शा गेयीनी। गे गो नु बाक्‍कीन। आं कली श्‍येत रे ङोन वोइय्‍यीनी” दे पुना बाक्‍त। मिनु परमप्रभुमी मेको आ पुंइशो गेवा बाक्‍त।

भजन संग्रह 107:9

मेकोमी तूतू दाक्‍ब आन कली तूपाइक्‍ब। मिनु शोव़लु बेक्‍शो आन कली ब्रोव़शो जचा थोव़कमी रूपाइक्‍ब। लूका १:५३

भजन संग्रह 119:174

परमप्रभु यावे, गो इन श्‍येत रे प्रोंइतीक कली रिम्‍नुङ। इन अरेशो लोव़ दाक्‍शा ग्‍येरसीनुङ।

भजन संग्रह 119:20

आं थुं गेना हना यो इन पतीक लोव़ तुइक्‍चा कली माल्‍स ङा माल्‍स बाक्‍ब।

भजन संग्रह 119:40

इन ब्रेक्‍शा अरेशो लोव़ शुश दाक्‍नुङ। इन निसाफ पतीकेमी आं कली ब्रोंइचा गेयीनी।

भजन संग्रह 63:1

परमप्रभु, गे आं परमप्रभु बाक्‍नीनी। गो इन कली थमा पा माल्‍नुङ। गो ब्‍वाक्‍कु तूतू दाक्‍शो खोदेंशो पा आं थुंमी इन कली माल्‍नुङ। गो ब्‍वाक्‍कु मबाक्‍शो रागीम ब्‍वाक्‍कु माल्‍शो खोदेंशो पा इन कली माल्‍स ङा माल्‍स बाक्‍नुङ। भजन संग्रह ४२:३

भजन संग्रह 84:2

गो आं थुं नेल्‍लेमी परमप्रभु यावे आ खिं ङा लाङगा लचा दाक्‍नुङ। गो ग्‍येरशा सोम्‍शा ब्रोंइशा बाक्‍ब परमप्रभु कली कुम्‍सो पाइनुङ। भजन संग्रह ४२:३

प्रस्‍थान 23:31

गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८

प्रस्‍थान 34:24

गो रागी रागी ङा मुर आन कली इन ङोंइती रे खेरशा, इन बाक्‍तीक रागी बारपाइक्‍नुङ। बर्सम खेयप सां परमप्रभु यावे इन परमप्रभु आ ङोंइती जाक्‍कीन। मिनु सुइम इन रागी तशा मवाल्‍नीम।

गन्‍ती 11:20

गेपुकीमी ब्रीचा ङा पा महिना का सम्‍म श्‍ये ब्‍वचा ताइनीनी। मारदे हना गेपुकीम आंम इन दातेम बाक्‍शो परमप्रभु यावे कली मटिनी। मिनु गे मेको आ ङोंइती ‘गो मारदे इजीप्‍त रे ग्रूशा गाक्‍का?’ दे ङाक्‍तीनी” देंत।

गन्‍ती 11:34

मोपतीके मेको बाक्‍तीके आ नें किब्रोथ-हत्तावा वोइक्‍तेक्‍म। मारदे हना मेकेर शुश वाल्‍ब मुर आन कली थिम्‍तेक्‍म।

गन्‍ती 11:4

मिनु मेको आन दातेमी बाक्‍शो अर्को रागी ङा मुरपुकीमी मार मार जचा थोव़क जचा ब्‍वचा दाक्‍तेक्‍म। मिनु इस्राएली यो लेंशा ङाक्‍शा “गोपुकीमी श्‍ये ब्‍वचा तक हना, दुम वा। प्रस्‍थान १२:३८; प्रस्‍थान १६:३; १कोरिन्‍थी १०:६

२ कोरिन्‍थी 9:14

परमप्रभु यावे आ शिशी गे नु बाक्‍तीके मेकोपुकीम इन कली प्रार्थना पाइनीमी।

ब्‍यवस्‍था 11:24

गे इन खोइलीम थेक्‍शो रागी नेल्‍ल गे इन के दुम्‍ब। गोरशो रागी रे लेबानोन सम्‍म नु ठेयब खोला युफ्रेटीस रे पच्‍छिम ङा समुन्‍द्र सम्‍म इन के सांद दुम्‍ब।

ब्‍यवस्‍था 12:15

तन्‍न गेपुकी श्‍ये ब्‍वचा दाक्‍तीनी हना, परमप्रभु यावे, इन परमप्रभुमी इन कली आसीक गेशो खोदेंशो पा इन सहर सहरमी क्‍योरशा, ब्‍वने चाप्‍नीनी। ग्रांग्रा दिशो नु ग्रांग्रा मदि‍शो मुर नेल्‍लेमी ब्‍वने चाप्‍नीम। गेपुकीम कि‍श्‍श नु रोकोश खोदेंशो पा ब्‍वने चाप्‍नीनी। ब्‍यवस्‍था १२:२२; ब्‍यवस्‍था १४:५

ब्‍यवस्‍था 12:21

परमप्रभु यावे, इन परमप्रभु आ योव़शो बाक्‍तीके इन क्‍येङा ङोन बाक्‍त हना, परमप्रभु यावेमी इन कली गेशो बी ब्‍यफ नु क्‍यारश भेडा आ अरेशो खोदेंशो पा इन सहरम क्‍योरशा ब्‍वने चाप्‍नीनी।

ब्‍यवस्‍था 19:8

मिनु परमप्रभु यावे, इन परमप्रभुमी इन किकी पिपी नु कसम जशो खोदेंशो पा इन रागी बारपाइक्‍तु हना,

फिलिप्‍पी 1:8

ख्रीस्‍त येसुमी आं कली दाक्‍पाइक्‍तीके थुं गेतीके गो इन कली ग्रुम्‍चा शुश दाक्‍ताक्‍ङ, परमप्रभु यावेमी मेको तुइक्‍ब।

फिलिप्‍पी 2:26

मेकोमी नेल्‍ल इन कली शुश मिम्‍ताक्‍व। मारदे हना गेपुकीमी “मेको रोइ पाप्‍तु” देंशो नेंतीनी ने। मोपतीके शुश सुर्ता पाप्‍तु।