ब्‍यवस्‍था 12:17 - Sunuwar Bible

¹⁷ इन अन्‍न, अङगुर शांबु नु तेल आन १० भाग ङा भाग का चढ़ेशो, बी ब्‍यफ नु क्‍यारश भेडा आन ङोंइती जरमेशो, इन देंशो चढ़ेशो, इन आंम दाक्‍शा गेशो नु इन गेचा माल्‍शो चढ़ेशो चहिं आंम सहरम मजने मब्‍वने।

ब्‍यवस्‍था 12:17 ပူးပေါင်းရင်းမြစ်များ

२ इतिहास 31:14

मिनु इम्‍नाह आ तौ कोरे पूर्ब ङा लाप्‍चो खाल पाइब लेवी बाक्‍माक्‍त। मेकोमी मुर आन परमप्रभु कली ग्‍येरशा चढ़ेतीक गेशो मारेइ मारेइ कोव़ब बाक्‍माक्‍त। मिनु चढ़ेशो, चाक्‍शो मारेइ मारेइ परमप्रभु यावे कली नु सु सु कली योक्‍चा माल्‍बा, मेको नेल्‍ल कोव़ब बाक्‍माक्‍त।

१ कोरिन्‍थी 10:18

आंइ इस्राएल ङा चढ़ेबपुकीमी चढ़ेशो गेय मिम्‍तीने। चढ़ेबपुकीमी मारेइ मारेइ क्‍योरशा, मेको चढ़ेशो जाइनीम ब्‍वाइनीम। मो पामेनु, चढ़ेतीके नु काथा बाक्‍शो खोदेंशो दुम्‍नीम। लेवी ७:६

ब्‍यवस्‍था 12:11

मेना परमप्रभु यावे, इन परमप्रभुम आ बाक्‍तीके का योव़ब। गो इन कली अरेशो इन चोशा चढ़ेशो, इन क्‍योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्‍चा माल्‍नीनी।

ब्‍यवस्‍था 12:26

तन्‍न गेपुकी इन परमप्रभु कली गेशो थोव़कपुकी नु इन गेचा माल्‍शो, इन दाक्‍शा गेशो कुरशा परमप्रभु यावे आ योव़शो बाक्‍तीकेम लचा माल्‍नीनी।

ब्‍यवस्‍था 12:6

मिनु इन चोशा चढ़ेशो, क्‍योरशा चढ़ेशो, इन १० भाग ङा भाग का, इन गेचा ङा चढ़ेशो, इन देंशो चढ़ेशो नु इन आंम दाक्‍शो चढ़ेशो, इन बी ब्‍यफ आन ङोंइती जरमेशो नु इन क्‍यारश भेडा आन ङोंइती जरमेशो मेकेर लाइक्‍चा माल्‍नीनी।

ब्‍यवस्‍था 26:12

मिनु गेपुकीमी बर्स सां सांमी इन बाली नाली ङा मारेइ मारेइ रे इन सहरम १० भाग ङा भाग का तिल्‍शा वोइक्‍चा माल्‍नीनी। मेको इन सहर ङा लेवी आ थर ङा मुर, अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली गारचा ङा जचा थोव़क बाक्‍ब। ब्‍यवस्‍था १४:२७-२९

ब्‍यवस्‍था 26:14

रोंका पङानु, मेको रे मारेइ मजङ। गो ग्रांग्रा दिशो बाक्‍ङानु, मेको रे मारेइ मग्रुंइदु। मिनु बेक्‍शो मुर आन कली यो मेकेर रे मारेइ मगेशो बाक्‍ती। गो परमप्रभु यावे, आं परमप्रभु आ देंशो टिशा, इन अरेशो नेल्‍ल खाप्‍शो बाक्‍ती। गन्‍ती १९:१४-१५; इजीकीएल २४:१७,२२; होसे ९:४

१ सामुएल 1:4

मिनु एल्‍कानाम चढ़ेशो नाक्‍ती आ मीश पेनी‍नाह आ तमी तौ नेल्‍ल आन कली चढ़ेशो थोव़क गेबाक्‍माक्‍त।