ब्‍यवस्‍था 11:23 - Sunuwar Bible

²³ परमप्रभु यावेमी मेकेर ङा रागी रागी ङा मुर नेल्‍ल कली इन ङोंइती रे खेरब। मिनु गे इन क्‍येङा शुश नु सक्ति पाइश्‍शो रागी रागी ङा मुर आन रागी इन के सेल्‍नीनी। ब्‍यवस्‍था ७:१-२

ब्‍यवस्‍था 11:23 ပူးပေါင်းရင်းမြစ်များ

प्रस्‍थान 34:11

गो मुलाक्‍ती मार देंनुङा, मेको लोव़ टिचा माल्‍नेवे। नेनो, गो इ ङोंइती रे एमोरी, कनानी, हित्ती, परि‍ज्‍जी, हिव्‍वी नु यबुसी आन कली खेरनुङमी।

ब्‍यवस्‍था 4:38

इन कली रागी गेचा, दे इन ङोंइती इन क्‍येङा सक्ति पाइश्‍शो नु शुश मुर आन कली आन रागी रागी रे ग्रुंइताक्‍व। मिनु गे रागी इन के सेल्‍चा कली ठीक दुम्‍शो बाक्‍नीनी। मोदेंशो मुलाक्‍ती बाक्‍ब, दे तुइक्‍नीनी।

ब्‍यवस्‍था 9:1

मिनु मोसामी “गे इस्राएलीपुकी, नोफा दाइश्‍शा, नेनीन! मुल गे मेको रागी ओव़चा कली यर्दन खोला शोक्‍नीनी। इन क्‍येङा ठेयब नु सक्ति पाइश्‍शो रागी रागी, सरीङ थिचा चिक्‍शो गारो हिरशो सहरपुकी इन के सेल्‍नीनी। ब्‍यवस्‍था १:२८

ब्‍यवस्‍था 9:5

गेपुकी इन ठीक पतीक नु इन ठीक थुं दुम्‍तीके मेको आन रागी इन के सेल्‍चा तशो मननी। तन्‍न मेको रागी रागी ङा मुर आन मरिम्‍शो पतीके परमप्रभु यावे, इन परमप्रभुमी मेको आन कली खेरब। मिनु इन किकी पिप अब्राहाम, इसहाक नु याकूब नु जशो कसम खाप्‍चा कली मो पाइब। ब्‍यवस्‍था ६:२५

यहोसु 23:9

परमप्रभु यावेमी इन ङोंइती रे ठेयब सक्ति पाइश्‍शो रागी ङा मुर आन कली खेरशो बाक्‍ब। मिनु मुलाक्‍त सम्‍म मेको रागी ङा मुर सुइमी यो गे इन कली ग्राने मचाप्‍शो बाक्‍तेक्‍म। लेवी २६:७-८; ब्‍यवस्‍था २८:७