ब्‍यवस्‍था 11:21 - Sunuwar Bible

²¹ मिनु गे नु इन आलपुकी परमप्रभु यावेमी इन किकी पिपी आन कली ‘गेनुङ’ दे कसम जशो रागीमी शुश ब्रोंइनीनी। रागी तार सरीङ बाक्‍म सम्‍म शुश ब्रोंइनीनी।

ब्‍यवस्‍था 11:21 ပူးပေါင်းရင်းမြစ်များ

भजन संग्रह 72:5

नां तास्‍ला बाक्‍सा सम्‍म नु मुर नेल्‍ल आन पाला सम्‍म मेको ब्रोंइशा बाक्‍ल।

भजन संग्रह 89:30

तन्‍न मेको आ चच युइपुकीमी आं अरेशो लोव़ प्रोंइतेक्‍म हना, आं निसाफ पतीके लोव़ मटिम्‍तेक्‍म हना,

हितोपदेस 3:16

मेको आ ग्‍युरा गुइमी शुश ब्रोंइतीक नाक्‍त बाक्‍नीम। आ पेरा गुइमी शोंप नु मान ततीके बाक्‍ब।

हितोपदेस 3:2

मारदे हना मेकोमी इ कली शुश बर्स ब्रोंइतीक नु थम रिम्‍शो बाक्‍चा गेनीस।

हितोपदेस 4:10

आं तौ, इ नोफा दाइश्‍शा, आं लोव़ नेंशा, ब्रावो। मो पाप्‍तीवी हना, गे शुश ब्रोंइ‍नेवे। हितोपदेस ३:२

हितोपदेस 9:11

मारदे हना आं पतीकेमी गे शुश नाक्‍ती ब्रोंइनेवे। इ ब्रोंइतीक शुश बर्स तेम्‍चा पुंइसीनेवे।

यसैया 65:20

का निक्‍शी नाक्‍त ला ब्रोंइब आल मेकेर मबाक्‍नीम। मिनु मेकेर सुइ यो खूशो दुम्‍चा क्‍येङा ङोंइती मबेक्‍नीम। सहे का बर्स ब्रोंइशा बेक्‍ब कली ठिटा देंनीम। मिनु सहे का बर्स मगाप्‍थु, बेक्‍ब मुर कली ‘सराप रशो मुर का बाक्‍त’ देंनीम। जकरिया ८:४

ब्‍यवस्‍था 11:9

मोपा गे परमप्रभु यावेमी इन किकी पिपी नु आन चच युइ, इन कली, गेशो रागीम शुश ब्रोंइशा बाक्‍चा ताइनीनी। मेको रागीम शुश दूध नु खुदो बाक्‍ब। प्रस्‍थान ३:१७

ब्‍यवस्‍था 4:40

मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।

ब्‍यवस्‍था 5:16

परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्‍त ब्रोंइशा बाक्‍नीनी।

ब्‍यवस्‍था 6:2

गेपुकी मबेक्‍नी सम्‍म परमप्रभु यावे, इन परमप्रभु कली मान पा हिंचा माल्‍नीनी। गो इन कली माइश्‍शो परमप्रभु आ फुल्‍लुम मुशा ब्रेक्‍शो लोव़ नु आ शेंशो नेल्‍ले थुंम वोइक्‍चा माल्‍नीनी। गे, इन तौ नु इन चच युइ नेल्‍लेमी होस पा टिचा माल्‍नीमी। मो पाइतीनी हना, शुश नाक्‍त ब्रोंइनीनी।

प्रकाश 20:6

मिनु सु सु ङोंइती बेक्‍शो रे सेंसीनीमी, मेको ग्‍येरशो नु परमप्रभु यावे आ योव़शो मुरपुकी बाक्‍नीम। मेको लेंशा मबेक्‍नीम। मेकोपुकीमी लेंशा बेक्‍चा मताइनीम। परमप्रभु यावे नु ख्रीस्‍त आस ङोंइती बाक्‍नीमी। मिनु हजार का बर्स सम्‍म ख्रीस्‍त नु सासन पाइनीम।