ब्‍यवस्‍था 11:2 - Sunuwar Bible

² मिनु परमप्रभु यावे, इन परमप्रभुमी इन आल आन ङोंइती मारेइ यो छक लाक्‍चा ङा गेय नु सजाइ मकोंइद। तन्‍न मेकोमी दोपा आ ठेयब पतीकेमी शुश सक्ति पाइश्‍शो नु ठेयब बोल पतीकेमी इन कली इजीप्‍त रागी रे ग्रुंइशो, गे नेल्‍लेम तशा तुइश्‍शा मिम्‍चा माल्‍नीनी। ब्‍यवस्‍था ४:३६

ब्‍यवस्‍था 11:2 ပူးပေါင်းရင်းမြစ်များ

भजन संग्रह 136:12

मेकोमी आ ठेयब सक्तिमी मेको आन कली ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब।

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

हितोपदेस 22:19

गे परमप्रभु यावे कली थमा सुतो, दे मुलाक्‍ती गो इ कली एको लोव़ शेंताक्‍ङ।

यसैया 53:5

तन्‍न मेको आंइ हेंथे पतीके आ पर्बम तुप्‍शा गार सेल्‍चा पुंइसाक्‍व। आंइ मरिम्‍शो पशो आ पर्बम साइक्‍चा पुंइसाक्‍व। आंइ कली पाप रे प्रोंइ‍चा कली सजाइ ताप्‍तु। मेको कली तुप्‍शो गारमी गोपुकी सातक। रोमी ४:२५; १पत्रुस २:२४

प्रेरित 26:22

खेदा पा शुश श्‍येत गेयीमीनु, परमप्रभु यावेमी श्‍येत फाल्‍तीक सक्ति गेती। मोपतीके गो ठेयब थुं पा इन ङोंइती राप्‍शा, ठेयब मुर आइक्‍च मुर नेल्‍ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७

ब्‍यवस्‍था 29:10

मिनु गे नेल्‍ल परमप्रभु यावे, इन परमप्रभु आ ङोंइती राप्‍शो बाक्‍नीनी। इन थर थर ङा ठेयब मुरपुकी, इन खाल्‍पापुकी, ससान पाइबपुकी नु इस्राएली नेल्‍ल,

ब्‍यवस्‍था 3:24

“परमप्रभु, परमप्रभु यावे, गे इन गेय पाइब कली इन ठेयब पतीके नु सक्ति कोंइचा गोइतीनी। मिनु स्‍वर्ग नु रागीम बाक्‍ब तेको प्रभु इन खोदेंशो पा ठेयब पतीके नु सक्ति पाइश्‍शो गेय पने चाप्‍बा ङा?

ब्‍यवस्‍था 4:34

मिनु तेको देवी देवतामी इन कली खोदेंशो पा शुश रागी आन दाते रे आंम मुर सेल्‍चा कली योव़शो बाक्‍बा? मुर आन कली नाक्‍शा, चिनु कोंइ‍शा, छक लाक्‍चा ङा गेय पा, मेको आन पर्बम लडाइ पा, शुश हिंचा ङा सक्तिमी, परमप्रभु यावे, इन परमप्रभुमी इन कली इजीप्‍त रागी रे ग्रुंइशो गे ताइतीनी। ब्‍यवस्‍था ७:१९; ब्‍यवस्‍था २९:२

ब्‍यवस्‍था 5:24

मिनु गेपुकीमी “परमप्रभु यावे, इं परमप्रभुमी इं कली आ ठेयब पतीके नु आ छेङछेङ कोंइताक्‍व। मिनु गोपुकीमी मेको आ सेंदा मी आ दाते रे नेंतक। मुलाक्‍त मार ताइतक देंशा हना, परमप्रभुमी मुर नु लोव़ पाइब। मो हना यो मुर मबेक्‍म, दे ताइतक। ब्‍यवस्‍था ४:१२-१३,३३

ब्‍यवस्‍था 7:19

गेपुकीमी परमप्रभु यावे, इन परमप्रभुमी आ ठेयब नाक्‍तीक, आ पशो चिन्‍ड नु छक लाक्‍चा ङा गेय, आ शुश सक्ति पाइश्‍शो नु ठेयब बोल पतीकेमी इन कली ग्रुंइताक्‍व। गे आंमा तशो बाक्‍नीनी। मिनु परमप्रभु यावे, इन परमप्रभुमी इन हिंशो जात जात ङा मुर नेल्‍ल आन कली इजीप्‍ती आन कली खोदेंशो पाइब। ब्‍यवस्‍था ४:३४; ब्‍यवस्‍था २९:२

ब्‍यवस्‍था 8:19

मिनु गे परमप्रभु यावे, इन परमप्रभु कली प्रेंशा, देवी देवता आन नोले खोइक्‍तीनी, मेको आन कली पूजा पाइतीनी नु मेको आन ङोंइती बाप्‍तीनी हना, गो इन कली ‘गेपुकी थमा पा साइक्‍चा पुंइसीनीनी’ दे मुलाक्‍ती लोव़ का पाइनुङ।

ब्‍यवस्‍था 9:26

मिनु गो परमप्रभु यावे कली ‘परमप्रभु, इन मुर आन कली मक्‍याम्‍दीन। गे मेको आन कली प्रोंइशा इन शुश सक्ति पाइश्‍शोमी इजीप्‍त रागी रे ग्रुंइताक्‍नी।

यहोसु 24:31

इस्राएलीपुकीमी यहोसु आ ब्रोंइतीक नाक्‍त सम्‍म परमप्रभु यावे कली ठेयब सेल्‍तेक्‍म। मिनु परमप्रभु यावेमी पशो नेल्‍ल तशा तुइक्‍ब खाल्‍पापुकी बाक्‍मा सम्‍म मेकोपुकीमी परमप्रभु यावे कली ठेयब सेल्‍तेक्‍म। न्‍यायाधीस २:७