ब्‍यवस्‍था 11:14 - Sunuwar Bible

¹⁴ मेना परमप्रभु यावेमी इन कली ‘गो इन रू कली गारचा ङा रेउ गेनुङ। ङोंइती नु नोले ङा रेउ ठीक पा गेनुङ। मोपा इन अन्‍न, इन अङगुर नु तेल रवा आन फल खुप्‍ने चाप्‍नीनी।

ब्‍यवस्‍था 11:14 ပူးပေါင်းရင်းမြစ်များ

यसैया 30:23

मिनु परमप्रभुमी इन शोक्‍शो रू कली रेउ यिपाइश्‍शा, अन्‍न सिप्‍पाइक्‍ब। मिनु अन्‍न ग्रेल्‍शा, शुश जचा ताइनीनी। मेना इन बी ब्‍यफ ठेयब दिंममी जोइनीम।

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

येरमीया 5:24

मेकोपुकीमी ‘गोपुकी परमप्रभु यावे, इं परमप्रभु कली मान पा हिंय। मेकोमी माल्‍ची ना रेउ गेब। मेकोम बर्खा नु हिंउद ङा रेउ गेब। मिनु अन्‍न रिक्‍शा खुप्‍ची ना ङा नाक्‍ती गेब’ मदेंम” देंत। ब्‍यवस्‍था ११:१४

इजीकीएल 34:26

गो मेको आन कली नु आं डांडा आ एर ओंथ नेल्‍ल ङा रागी कली अरु आन कली आसीक गेब सेल्‍नुङमी। गो रेउ यिची ना मेको आन कली रेउ यिपाइक्‍नुङ। मेको रेउ आसीक खोदेंशो पा यीब। लेवी २६:४

योएल 2:19

मिनु परमप्रभु यावेमी आ मुर आन कली मिम्‍शा “गो इन कली अन्‍न, अङगुर शांबु नु तेल सोइक्‍नन्‍नी। मिनु गे रूनीनी। मिनु गो इन कली रागी रागी ङा मुर आन दातेमी गेनायो शुक्‍शी पाइक्‍तीक दुम्‍चा मगेनन्‍नी। योएल २६:२७

लेवी 26:3

गेपुकीमी आं फुल्‍लुम मुशा ब्रेक्‍शो लोव़ टिशा पाइतीनी हना,

लेवी 26:4

गो रेउ यिची ना रेउ यिपाइक्‍नुङ। मिनु इन रूम शुश अन्‍न ग्रेल्‍नीम। मिनु रवाम शुश फल फुल सित्‍नीम।

मलाकी 3:11

मिनु “गो इन रू ङा बाली नाली खतम मसेल्‍चा ङा पा माले आन कली हुइक्‍नुङमी। इन रूम बाक्‍शो अङगुर सिश्‍शा ग्रेल्‍नीम” दे मुर नेल्‍ल आन परमप्रभु यावेमी देंत। योएल १:४

प्रेरित 14:17

आन दला दाक्‍स पा बाक्‍तेक्‍म हना यो, परमप्रभुमी मेको आन कली तुइक्‍पांइसीन सीन बाक्‍त। दोपा तुइक्‍पांइसीन सीन बाक्‍त देंशा हना, रेउ यिपा मार मार वापा इन कली जाक्‍दीत्‍चा ङा पा जचा नु फेक्‍चा गेशा, ग्‍येरशा बाक्‍चा गेशो बाक्‍त” देंसा बाक्‍त।

ब्‍यवस्‍था 28:12

मिनु परमप्रभु यावेमी नेल्‍ल सरीङ ङा शोंप वोइक्‍तीक रोक्‍शा, इन रू कली माल्‍ची ना रेउ यिपाइक्‍ब। मिनु गे मार मार पाइनीनी, मेको कली आसीक गेब। मिनु गेपुकीमी शुश रागी रागी ङा मुर आन कली जेर गेनीनी, गे चहिं सुइ आन जेर मताक्‍नीनी। ब्‍यवस्‍था १५:६

याकूब 5:7

मिनु आं दाक्‍शो लोक्‍बपुकी, नेनीने, रूमी गेय पाइब मुरुमी मेको आ ख्रुम्‍शो बाली नाली मीब, दे आ थुं नाइश्‍शा, हिंउद नु बर्खा रिम्‍शो खोदेंशो पा प्रभु आ जाक्‍चा रिम्‍दीन। लूका २१:१९; हिब्रू १०:३६