ब्‍यवस्‍था 10:18 - Sunuwar Bible

¹⁸ मेकोमी रोम रोइक्‍च नु वोंइश बेक्‍शो मीश मुर आन कली ठीक निसाफ पाइब। मेकोमी अर्को रागी ङा मुर आन कली दाक्‍ब। मिनु मेको आन कली जचा फेक्‍चा गेब।

ब्‍यवस्‍था 10:18 ပူးပေါင်းရင်းမြစ်များ

२ इतिहास 19:7

परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्‍ब निसाफ पाइब बाक्‍ब” देंमाक्‍त। प्रस्‍थान १८:२१; ब्‍यवस्‍था १०:१७; रोमी २:३१

भजन संग्रह 10:18

गे रोम रोइक्‍च नु दिप्‍चा पुंइसीशो मुर आन पर्बम ठीक निसाफ पाइनीनी। मो दुम्‍मेनु, मुरपुकीमी अरु आन कली लेंशा श्‍येत मगेनीम।

भजन संग्रह 103:6

परमप्रभु यावेमी दिप्‍चा पुंइसीशो नेल्‍ल आन कली वारच पा ठीक निसाफ पाइब।

भजन संग्रह 145:9

परमप्रभु यावे नेल्‍ल आन कली रिम्‍शो पाइब बाक्‍ब। मिनु आ सेल्‍शो नेल्‍ल आन कली शिशी पाइब।

भजन संग्रह 146:9

मिनु परमप्रभु यावेमी अर्को रागी ङा मुर आन कली कोव़ब। मेकोमी वोंइश बेक्‍शो मीश मुर नु रोम रोइक्‍च आन कली यो कोव़ब। तन्‍न आ अरेशो मटीब आन मिम्‍शो दुम्‍चा मगेब। प्रस्‍थान २२:२०-२१

भजन संग्रह 68:5

परमप्रभु आ बाक्‍तीकेमी बाक्‍शा, रोम रोइक्‍च आन आफ बाक्‍ब। वोंइश बेक्‍शो मीश मुर आन कली वारच पाइब यो बाक्‍ब। भजन संग्रह १०:१४

भजन संग्रह 68:6

परमप्रभुमी आ का ला बाक्‍शो मुर कली बाक्‍तीक खिं गेब। मेकोमी चोक्‍सीशो आन कली प्रोंइशा रिम्‍शो सेल्‍ब। तन्‍न मटीबपुकी चहिं नांम दुप्‍शा सोव़शो रागीम बाक्‍चा माल्‍नीम।

प्रस्‍थान 22:20

सुमी देवी देवता कली पूजा पाइबा, मेको मुर थमा पा साइक्‍चा पुंइसीब। परमप्रभु यावे कली ला चढ़ेचा माल्‍ब। प्रस्‍थान २०:३-५; ब्‍यवस्‍था १३:७-१९; ब्‍यवस्‍था १७:२-७

प्रस्‍थान 22:21

अर्को रागी ङा मुर आन कली श्‍येत मगेचा, मदिप्‍चा। मारदे हना गे यो इजीप्‍त रागीमी अर्को रागी ङा मुर दुम्‍शा बाक्‍तीनी। लेवी १९:३३-३४; ब्‍यवस्‍था १०:१८,१९

प्रस्‍थान 22:22

आ वोंइश बेक्‍शो मीश मुर नु रोम रोइक्‍च आन कली श्‍येत मगेचा। ब्‍यवस्‍था २७:१९; यसैया १:१७; जकरिया ७:१०

प्रस्‍थान 22:23

गेपुकीमी श्‍येत गेतीनी हना, मेकोपुकीमी आं कली लोव़ पाम्‍तेक्‍म हना, गो थमा पा आन पुंइशो गेनुङ।

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

येरमीया 49:11

इ रोम रोइक्‍च आन कली प्रोंइशा वोतो। गो मेको आन कली कोव़नुङमी। मिनु वोंइश बेक्‍शो मीश मुरपुकीमी यो आं कली थमा सुइक्‍चा तामेक्‍ल” देंत।

होसे 14:3

अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।

लेवी 25:35

मिनु इन इस्राएली लोक्‍ब का शुश प्रुङग दुम्‍शा, पने जने मचाप्‍तु हना, गेपुकीमी मेको कली अर्को रागी ङा मुर खोदेंशो पा वारच पचा माल्‍नीनी। मिनु मेको गेपुकी नु बाक्‍ने चबल।

गन्‍ती 10:32

गे गोपुकी नु गाक्‍तीनी हना, परमप्रभु यावेमी आंइ कली मार मार रिम्‍शो पाइबा, गो मेको खोदेंशो पा इन कली पाइनीकी” देंत।

मत्ती 5:45

मो पाइतीनी हना, इन स्‍वर्ग ङा आफ आ तमी तौ नकी, दे कोंइनीनी। स्‍वर्गम बाक्‍ब आफोमी रिम्‍शो मरिम्‍शो पाइब नेल्‍ल आन कली नां दाप्‍पाइक्‍ब। नेल्‍ल आन कली रेउ यिपाइक्‍ब। एफिसी ५:१

प्रेरित 14:17

आन दला दाक्‍स पा बाक्‍तेक्‍म हना यो, परमप्रभुमी मेको आन कली तुइक्‍पांइसीन सीन बाक्‍त। दोपा तुइक्‍पांइसीन सीन बाक्‍त देंशा हना, रेउ यिपा मार मार वापा इन कली जाक्‍दीत्‍चा ङा पा जचा नु फेक्‍चा गेशा, ग्‍येरशा बाक्‍चा गेशो बाक्‍त” देंसा बाक्‍त।

ब्‍यवस्‍था 27:19

मिनु “सु मुरुमी अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली ठीक निसाफ मपाइबा, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २२:२०-२१