ब्‍यवस्‍था 10:14 - Sunuwar Bible

¹⁴ मिनु नेनीन, स्‍वर्ग नु सरीङ नु रागी नु मेकेर बाक्‍ब मारेइ मारेइ नेल्‍ल परमप्रभु यावे, इन परमप्रभु केन बाक्‍ब।

ब्‍यवस्‍था 10:14 ပူးပေါင်းရင်းမြစ်များ

उत्पत्ती 14:19

मिनु मेकोमी अब्राम कली आसीक गेशा “सरीङ नु रागी सेल्‍ब नेल्‍ल क्‍येङा ठेयब परमप्रभु आ आसीक इ कली रल।

उत्पत्ती 14:22

मिनु अब्राममी सोदोम ङा पिप कली “गो आं गुइ परमप्रभु यावे, नेल्‍ल क्‍येङा ठेयब सरीङ नु रागी सेल्‍ब परमप्रभु गे पोक्‍शा कसम जाता।

१ राजा 8:27

मेकोमी “मार, थमा पा परमप्रभु रागीम बाक्‍बा ङा? कोव़ङीन, इर ङा ठेयब सरीङम ला यो गे मरिक्‍नीनी हना, एको आं सेल्‍शो खिंम दोपा रिक्‍नीनी ङा? यसैया ६६:१; प्रेरित १७:२४

२ इतिहास 6:18

मिनु मार, परमप्रभु थमा पा मुर नु रागीम बाक्‍बा ङा? सरीङ नु स्‍वर्गम इन कली मरिक्‍ब हना, इन कली सेल्‍शो खिंम इन कली दोपा रिक्‍बा ङा? १इतिहास २:५

नेहेम्‍याह 9:6

मिनु एज्रामी “गे का ला परमप्रभु यावे बाक्‍नीनी। गे सरीङ सेल्‍तीनी। स्‍वर्ग नु मेकेर बाक्‍ब नेल्‍ल सेल्‍तीनी। गे रागी नु मेकेर ङा मारेइ मारेइ, समुन्‍द्र नु मेकेर ङा मारेइ मारेइ आन कली सेल्‍तीनी। मिनु मेको नेल्‍ल कली ब्रोंइचा गेतीनी। मिनु स्‍वर्ग ङा गेय पाइबपुकीमी इन कली ठेयब सेल्‍नीम।

अय्‍युब 41:11

गो आं कली लडाइ तोशा, सु ब्रोंइशा बाक्‍ने चाप्‍बा ङा? सरीङ आगा ङा मारेइ मारेइ आं केन नम।

भजन संग्रह 115:16

स्‍वर्ग परमप्रभु यावे केन बाक्‍ब। तन्‍न रागी चहिं मुर आन कली गेशो बाक्‍ब।

भजन संग्रह 148:4

नेल्‍ल क्‍येङा इर सरीङ नु मेको आ तार बाक्‍ब ब्‍वाक्‍कु नेल्‍लेमी मेको कली ठेयब सेलीन।

भजन संग्रह 24:1

रागी नेल्‍ल, मेकेर ङा मारेइ मारेइ नु मेकेर ङा ब्रोंइशा बाक्‍ब नेल्‍ल परमप्रभु यावे केन बाक्‍नीम। यूहन्‍ना १:११; १कोरिन्‍थी १०:२६

भजन संग्रह 50:12

गो शोव़लु बाक्‍शो नङ हना यो, इन कली मदेंङ वा। मारदे हना रागी नु रागीम बाक्‍शो मारेइ मारेइ आं केन नम।

भजन संग्रह 68:33

परमप्रभु ङोंइती रे स्‍वर्गम बाक्‍ब। मेको आ सेंदा बुंबु पशो खोदेंशो सक्ति पाइश्‍शो बाक्‍ब।

प्रस्‍थान 19:5

गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६

प्रस्‍थान 9:29

मिनु मोसामी “गो सहर रे लशा, इन पर्बम आं गुइ पोक्‍शा, परमप्रभु यावे कली पुंइनुङ। नोले बुंबु पचा नु मुप्‍स यिचा नाइक्‍ब। मिनु गे रागी नेल्‍ल परमप्रभु यावे केन बाक्‍ब, दे तुइक्‍नीनी। प्रस्‍थान ७:५

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

प्रेरित 17:24

सरीङ रागीमी मार मार बाक्‍मा मेको नेल्‍ल परमप्रभुमी सेल्‍शो नम। मोपतीके सरीङ रागी सेल्‍ब परमप्रभु मुरुमी सेल्‍शो थान मन्‍दीरमी मबाक्‍ब। १कोरिन्‍थी ८:२७

१ कोरिन्‍थी 10:26

रागी नु रागीमी मार मार बाक्‍मा, मेको नेल्‍ल प्रभु के बाक्‍ब दे रुपीने। भजन संग्रह २४:१

१ कोरिन्‍थी 10:28

गे नु काथा बाक्‍शा जाइबपुकीमी “एको चढ़ेशो बाक्‍ब” दे तुइक्‍पाइक्‍तेक्‍म हना, मेको मुर आ पर्बम नु थुं ग्‍येरसीशो दुम्‍चा आ पर्बम मेको मजने मब्‍वने। १कोरिन्‍थी ८:७

२ कोरिन्‍थी 12:2

गो ख्रीस्‍त आ मुर का कली तुइक्‍नुङ। १४ बर्स ङोंइती मेको स्‍वर्गम लाइक्‍चा पुंइसाक्‍व। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब।

ब्‍यवस्‍था 10:13

दोपा दाक्‍चा नु गेय पचा देंशा हना, गो मुलाक्‍ती इन कली देंशो परमप्रभु यावे आ शेंशो नु आ फुल्‍लुम मुशा ब्रेक्‍शो लोव़ पचा माल्‍नीनी। मेको इन कली थम रिम्‍शो दुम्‍ब।

ब्‍यवस्‍था 33:26

मिनु “येशुरुन आ परमप्रभु खोदेंशो सुइ मबाक्‍ब। मेको इ कली वारच पाइक्‍चा कली स्‍वर्ग रे पीब। मेको सरीङ मेर रे मान पचा पुंइसीशा पीब। येशुरुन याकूब-इस्राएल कली मान पतीक नें बाक्‍ब। आ अर्थ ठीक पाइब बाक्‍ब। ब्‍यवस्‍था ३२:१५