ब्‍यवस्‍था 1:44 - Sunuwar Bible

⁴⁴ मिनु मेको डांडाम बाक्‍ब एमोरीपुकीमी गेपुकी नु लडाइ पाम्‍तेक्‍म। मिनु मेकोपुकीमी सुरब आन हुल खोदेंशो पा इन कली खेदा पाम्‍तेक्‍म। मिनु सेइर नु होरमा सम्‍म खेदा पा इन कली फ्रुम्‍तेक्‍म। गन्‍ती १४:४५

ब्‍यवस्‍था 1:44 ပူးပေါင်းရင်းမြစ်များ

भजन संग्रह 118:12

मेकोपुकीमी आं कली सुरबुम खोदेंशो पा गिल्‍तीमी। मेकोपुकी चूम ब्रशो मी खोदेंशो पा ब्राम्‍तेक्‍म। तन्‍न गो परमप्रभु यावे आ नेंमी मेको आन कली खतम पोक्‍ताक्‍मी।

यसैया 7:18

मेको नाक्‍ती परमप्रभु यावेमी इजीप्‍त ङा नील खोला ङा चुरमु नु अस्‍सुर रागी ङा सुरब आन कली लाप पा ब्रेप्‍ब।

गन्‍ती 14:45

मिनु मेको पहाडम बाक्‍ब अमालेक आ मुर नु कनानीपुकी उइ तोइश्‍शा, मेको आन कली साइक्‍ना साइक्‍न होरमा सम्‍म खेदा पाम्‍तेक्‍म। गन्‍ती २१:३; ब्यवस्‍था १:४४

गन्‍ती 21:3

मिनु परमप्रभु यावेमी इस्राएली आन पुंइशो लोव़ नेंशा, मेको कनानी आन कली मेको आन गुइमी गेप्‍तु। मिनु इस्राएलीपुकीम मेकोपुकी नु मेको आन सहर नेल्‍ल खतम पोक्‍तेक्‍म। मोपतीके मेको रागी आ नें होरमा वोइक्‍तेक्‍म। होरमा हिब्रू लोव़मी खतम दुम्‍तीके देंसीब। गन्‍ती १४:१४,४५; ब्‍यवस्‍था १:४४

ब्‍यवस्‍था 28:25

मिनु परमप्रभु यावेमी इन कली इन जोरी सत्रु आन ङोंइती ब्रुपाइक्‍ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्‍चा माल्‍नीनी। मिनु राज्‍य राज्‍य ङा मुर नेल्‍ल आन ङोंइती ग्रांग्रा दिशो दुम्‍नीनी।

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७

यहोसु 7:5

मिनु ऐ ङा मुरपुकीमी ३६ जना इस्राएली आन कली साइक्‍तेक्‍म। मेकोपुकीमी सहर ङा ठेयब लाप्‍चो रे शेबारीम ङा लुक्‍च लतीक लां सम्‍म खेदा पा, मेको आन कली साइक्‍तेक्‍म। मिनु इस्राएली आन थुं लुक्‍च लशा, शुश हिंतेक्‍म।