ब्‍यवस्‍था 1:30 - Sunuwar Bible

³⁰ इन ङोंइती गाक्‍ब, परमप्रभु यावे, इन परमप्रभुमी इन पा ङा लडाइ पाइब। दोपा इजीप्‍त रागीमी इन ङोंइती मार मार पवा, मोपा पाइब।

ब्‍यवस्‍था 1:30 ပူးပေါင်းရင်းမြစ်များ

२ इतिहास 32:8

मेको नु शुश मुर ला बाक्‍नीम। तन्‍न गोपुकी नु परमप्रभु यावे, इं परमप्रभु बाक्‍ब। मेकोमी इं कली वारच पा इं पा ङा लडाइ पाइब” दे यहूदा ङा पिप हिज्‍कीयाहमी मुर आन थुं बारपदा बाक्‍त। येरमीया १७:५-६

नेहेम्‍याह 4:14

मिनु गो मेको आन कली हिंशो तशा “महिनीन। नेल्‍ल क्‍येङा ठेयब नु मान पा हिंचा माल्‍शो परमप्रभु कली मिम्‍तीन। मिनु आंम लोक्‍ब, तमी तौ, मीश नु आंम खिं आ पर्बम लडाइ पने” दे ठेयब मुरपुकी, सासन पाइबपुकी नु मुर नेल्‍ल आन कली माइक्‍ता‍मी। नेहेम्‍याह १:५

नेहेम्‍याह 4:20

तेकेर रे तुराही ग्री‍शो नेंनीनी, मेकेर रीब पा बुक्‍कीन। आंइ परमप्रभुमी आंइ पर्बम लडाइ पाइब” दे माइक्‍ता‍मी। प्रस्‍थान १४:१४

भजन संग्रह 46:11

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

प्रस्‍थान 10:21

मिनु परमप्रभु यावेमी मोसा कली “इ गुइ सरीङ गे पोक्‍को। मो पवीनु, इजीप्‍त रागीम हिंचा ङा पा छिङछिङ दुम्‍ब” दे माइक्‍तु।

प्रस्‍थान 14:14

इन पचा ङा लडाइ परमप्रभु यावेमी पाइब। गे थुं नाइश्‍शा बाक्‍कीन” दे माइक्‍तीमी। ब्‍यवस्‍था १:३०; २इतिहास २०:१५,२९; यसैया ५१:९

प्रस्‍थान 14:25

आन बग्‍गी ङा गुगील पुइश्‍शा गेतीके, गाक्‍ने मचबेम। मिनु इजीप्‍त ङा मुरपुकीमी “इस्राएली रे प्रोक्‍य, परमप्रभु यावेमी मेको आन कली वारच पशा, इजीप्‍त ङा मुरपुकी नु लडाइ पाइब” देंमा बाक्‍त।

प्रस्‍थान 19:4

‘गो इजीप्‍त ङा मुर आन कली मार मार पङा, मेको ताइतीनी। ककाकुली आ फ्रां तार कुरशो खोदेंशो पा इन कली आं नेक्‍था वोइक्‍तन्‍नी। ब्‍यवस्‍था ३२:११

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

रोमी 8:37

मो दुम्‍त हना यो, मारेइ पने मचाप्‍नीम, मारदे हना येसु ख्रीस्‍तमी इं कली दाक्‍शा, गेनायो मप्रोंइब। मोपतीके सिक्‍सी पा ग्रानय। १यूहन्‍ना ५:४

ब्‍यवस्‍था 1:29

मिनु गो इन कली हिंशा, ख्रिंख्रि मपने। मेको आन कली तशा महिनीन। प्रस्‍थान १४:१४-२५; यहोसु १०:१४

ब्‍यवस्‍था 11:3

मिनु इजीप्‍त रागी नु आ पिप फाराओ नु मेको आ मुर नेल्‍ल आन कली कोंइशो चिन्‍ड नु आ पशो गे नेल्‍ले तशो तुइश्‍शो बाक्‍नीनी।

ब्‍यवस्‍था 29:2

मोसामी इस्राएली नेल्‍ल आन कली ब्रेश्‍शा “परमप्रभु यावेमी इजीप्‍तमी फाराओ नु मेको आ गेय पाइब नेल्‍ल नु आ रागी कली पशो गेपुकीमी नेल्‍ल तशो बाक्‍नीनी। प्रस्‍थान १९:४

ब्‍यवस्‍था 3:22

मेको आन क्‍येङा महिनीन। मारदे हना परमप्रभु यावे, इन परमप्रभुमी इन पा ङा लडाइ पाइब” दे माइक्‍ता। ब्‍यवस्‍था १:२९-३०

ब्‍यवस्‍था 31:3

परमप्रभु यावे, इन परमप्रभु इन ङोंइती यर्दन शोक्‍शा, आइक्‍ची हांबु लाइब। मेकोमी इन ङोंइती मेको रागी रागी ङा मुर आन कली क्‍याम्‍ब। मिनु गेपुकीमी मेको आन कली खेरने चाप्‍‍नीनी। मिनु परमप्रभु यावेमी देंशो खोदेंशो पा यहोसु इन ङोंइती शोक्‍ब। ब्‍यवस्‍था ३:२२

ब्‍यवस्‍था 34:11

मिनु परमप्रभु यावेमी मेको कली इजीप्‍त रागीमी चिन्‍ड नु छक लाक्‍चा ङा गेय पथ सोइक्‍ताक्‍व। मोदेंशो मुल सम्‍म सुइम मपावो मोसामी फाराओ, आ गेय पाइब नु रागी ङा मुर नेल्‍ल आन ङोंइती कोंइताक्‍व।

ब्‍यवस्‍था 4:34

मिनु तेको देवी देवतामी इन कली खोदेंशो पा शुश रागी आन दाते रे आंम मुर सेल्‍चा कली योव़शो बाक्‍बा? मुर आन कली नाक्‍शा, चिनु कोंइ‍शा, छक लाक्‍चा ङा गेय पा, मेको आन पर्बम लडाइ पा, शुश हिंचा ङा सक्तिमी, परमप्रभु यावे, इन परमप्रभुमी इन कली इजीप्‍त रागी रे ग्रुंइशो गे ताइतीनी। ब्‍यवस्‍था ७:१९; ब्‍यवस्‍था २९:२

ब्‍यवस्‍था 7:18

मेको आन क्‍येङा महिनीन। परमप्रभु यावे, इन परमप्रभुमी फाराओ नु इजीप्‍त रागी ङा मुर नेल्‍ल कली मार मार पवा, मेको मिम्‍तीन।

यहोसु 10:14

मोदेंशो ङोंइती नु नोले गेनायो मदुम्‍शो बाक्‍त। मारदे हना परमप्रभु यावेमी मुर आ लोव़ नेंशा, इस्राएली आन पर्बम लडाइ पाप्‍तु।

यहोसु 10:42

मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।

यहोसु 23:3

परमप्रभु यावे, इन परमप्रभुमी मेको रागी रागी ङा मुर आन कली गे इन पर्बम मार मार पवा, गेपुकीमी मेको नेल्‍ल ताइतीनी। परमप्रभु यावे, इन परमप्रभुमी इन पचा ङा लडाइ आंमान पाप्‍तु।