ब्‍यवस्‍था 1:3 - Sunuwar Bible

³ मिनु परमप्रभु यावेमी मोसा कली मार मार शेंदा, मेको मोसामी ४० बर्स नु ११ महिना ङा ङोंइती ङा नाक्‍तीमी मेको इस्राएली नेल्‍ल आन कली शेंताक्‍व। गन्‍ती ३३:३८

ब्‍यवस्‍था 1:3 ပူးပေါင်းရင်းမြစ်များ

लेवी 27:34

मिनु सीनै डांडामी परमप्रभु यावेमी इस्राएली आन कली मोसा रे पा शेंशो लोव़ एको बाक्‍नीम। लेवी ७:३८; लेवी २५:१; २६:४६

गन्‍ती 1:1

इस्राएलीपुकी इजीप्‍त रे जाक्‍मा आ बर्स निक्‍शी, महिना निक्‍शी ङा ङोंइती ङा नाक्‍त परमप्रभु यावेमी सीनै ङा रागीमी बाक्‍शो ग्रुम्‍तीक ताम्‍बुमी मोसा कली लोव़ पाप्‍तु। प्रस्‍थान ४०:१७

गन्‍ती 20:1

मिनु ङोंइती ङा महिनाम इस्राएली नेल्‍ले जीन ङा गोरशो रागीम जाक्‍तेक्‍म। मिनु कादेशमी बाक्‍तीक सेल्‍शा बाक्‍तेक्‍म। मिनु मिरयाम मेक उइ बेक्‍त। मिनु मेक उइ थिम्‍तेक्‍म। गन्‍ती १३:२१; गन्‍ती १२:१५

गन्‍ती 33:38

मिनु परमप्रभु यावे आ देंशो खोदेंशो पा, चढ़ेब हारून होर डांडा ङोइश्‍शा लत। मिनु मेकेर बेक्‍त। मेना इस्राएली इजीप्‍त रागी रे ग्रूशो ४० बर्स ५ महिना ङा ङोंइती ङा नाक्‍ती बाक्‍त।

यहोसु 4:19

मिनु इस्राएलीपुकी ङोंइती ङा महिना ङा १० नाक्‍तीमी यर्दन रे ग्रूतेक्‍म। मिनु यरीको आ पूर्ब गे गिल्‍गाल माइक्‍तीकेमी बास बाक्‍तीक सेल्‍साक्‍म। यहोसु ५:९-१०