ब्‍यवस्‍था 1:2 - Sunuwar Bible

² होरेब रे पा कादेश-बारनेआ सम्‍म, सेइर ङा लां रे लचा कली ११ नाक्‍त माल्‍ब।

ब्‍यवस्‍था 1:2 ပူးပေါင်းရင်းမြစ်များ

उत्पत्ती 32:3

मिनु याकूबमी आ लोक्‍ब एसाव ग्रुम्‍चा कली आ ङोंइती मुरपुकी एदोम ङा सेइर रागी सोइक्‍ता बाक्‍त। उत्‍पत्ती ३६:८

प्रस्‍थान 17:6

गो होरेब माइश्‍शो डांडा आ नेक्‍था सेरथे फुल्‍लु तार इ ङोंइती बाक्‍नुङ। मिनु गे मेको सेरथे फुल्‍लु तुप्‍चा माल्‍नेवे। मिनु, सेरथे फुल्‍लु रे ब्‍वाक्‍कु यीब। मिनु मुरपुकीम तूने चाप्‍नीम” देंत। मिनु इस्राएली आन खाल्‍पा आन ङोंइती मोसाम मो पाप्‍तु। गन्‍ती २०:११; १कोरिन्‍थी १०:४

प्रस्‍थान 3:1

मेना मोसा आ शिउ आ क्‍यारश भेडा योव़थ ल‍त। आ शिउ रूएल आ नें यित्रो यो बाक्‍माक्‍त। यित्रो चहिं मिदयान रागी ङा नाक्‍सो का बाक्‍माक्‍त। मोसामी क्‍यारश भेडा आन कली गोरशो रागी ङा नां पेरतीके गे योव़तु। मोपा योव़ना योव़न, होरेब माइश्‍शो परमप्रभु आ डांडा आ नेक्‍था जाक्‍दीत्‍‍त। प्रेरित ७:३०-३४

लेवी 2:14

परमप्रभु यावे कली ङोंइती मीशो अन्‍न चढ़ेचा थुं पाइतीनी हना, इन ङोंइती मीशो नक बाला आन अन्‍न मीम क्रोइश्‍शा चढ़ेन। ब्‍यवस्‍था २६:२-११

लेवी 9:23

मिनु मोसा नु हारून ग्रुम्‍तीक ताम्‍बु आगा ओव़ताक्‍स। मिनु ग्रूशा मुर आन कली आसीक गेम्‍ताक्‍स। मिनु परमप्रभु यावे आ छेङछेङ मुर नेल्‍लेमी ताम्‍तेक्‍म। प्रस्‍थान १६:१०; प्रस्‍थान ४०:३४

गन्‍ती 13:26

मिनु लेश्‍शा, मोसा, हारून नु इस्राएली नेल्‍ल आन बाक्‍तीके, पारान ङा गोरशो रागी कादेशमी जाक्‍तेक्‍म। मिनु मेको क्‍यारी पाइबपुकीमी मोसा, हारून नु मुर नेल्‍ल आन कली आन तशो शेंताक्‍मे। मिनु मेको रागी ङा फल फुल कोंइताक्‍मे। गन्‍ती २०:१; उत्‍पत्ती १६:१४; उत्‍पत्ती २०:१; ब्‍यवस्‍था १:१९,४६; यहोसु १४:६-७

गन्‍ती 32:8

गो इन आफ आन कली कादेश-बारनेआ रे एको रागी क्‍यारी पथ सोइक्‍तुनु, मेकोपुकीमी यो इन खोदेंशो पशो बाक्‍तेक्‍म। गन्‍ती १३:-

ब्‍यवस्‍था 1:19

मिनु नोले परमप्रभु यावे, इं परमप्रभुमी दें‍शो खोदेंशो पा गोपुकी होरेब डांडा रे पा एमोरी आन बाक्‍तीक पहाड लाइतक। गोपुकी एको हिंचा ङा ठेयब गोरशो रागी लकानु, गे मेको नेल्‍ल तुइक्‍नीनी। मोपा गो कादेश-बारनेआम जाक्‍तक। गन्‍ती २०:१

ब्‍यवस्‍था 1:44

मिनु मेको डांडाम बाक्‍ब एमोरीपुकीमी गेपुकी नु लडाइ पाम्‍तेक्‍म। मिनु मेकोपुकीमी सुरब आन हुल खोदेंशो पा इन कली खेदा पाम्‍तेक्‍म। मिनु सेइर नु होरमा सम्‍म खेदा पा इन कली फ्रुम्‍तेक्‍म। गन्‍ती १४:४५

ब्‍यवस्‍था 2:1

मिनु परमप्रभु यावेमी आं कली देंशो खोदेंशो पा गोपुकी गोरशो रागी लल समुन्‍द्र गे लाइतक। मिनु शुश नाक्‍त सम्‍म सेइर डांडा हिरना हिरन बाक्‍तक। गन्‍ती २१:४

ब्‍यवस्‍था 2:4

गे मुर आन कली मुल गे सेइरम बाक्‍ब, इन लोक्‍बपुकी एसाव आ चच युइ आन रागी लाइनीनी। मेकोपुकी इन कली तशा हिंनीम। मिनु गेपुकी होस पचा माल्‍नीनी। गन्‍ती २०:१४

ब्‍यवस्‍था 2:8

मिनु गो, सेइरम बाक्‍ब एसाव आ चच युइ, आंइ लोक्‍ब आन बाक्‍तीक दिंम ङा अराबाह ङा लां रे पा एलाथ नु एस्‍योन-गेबेर रे मगाक्‍थु, गो मोआब ङा गोरशो रागी गे लाइतक।

ब्‍यवस्‍था 9:23

मिनु परमप्रभु यावेमी गे कादेश-बारनेआ रे लशा, इन कली ‘मेकेर लने। मिनु इन कली गेशो रागी इन के सेलीन’ दे सोइक्‍ताक्‍व। मिनु गेपुकीमी परमप्रभु यावे, इन परमप्रभु आ अरेशो मबित्‍थु, गन गन पा मेको कली थमा मसुइक्‍नी। मेको आ लोव़ यो मटिनी। गन्‍ती १३:२,३१; गन्‍ती १४:१-४

यहोसु 14:6

मिनु यहूदा आ थर ङा वोंइश मुरपुकी यहोसु बाक्‍तीक गिल्‍गालमी जाक्‍तेक्‍म। मिनु केनीज्‍जी यपुन्‍ने आ तौ कालेबमी मेको कली “परमप्रभु यावेमी कादेश-बारनेआमी आं नु इन पर्बमी परमप्रभु आ मुर मोसा कली देंशो लोव़ तुइक्‍नीनी। गन्‍ती १४:२४; ब्‍यवस्‍था १:३६