ब्‍यवस्‍था 1:17 - Sunuwar Bible

¹⁷ निसाफ पनीनु, मुर आन कुल मकोव़ङीन। गेपुकीमी आइक्‍च नु ठेयब मुर, नेल्‍ल आन लोव़ नेनीन। सुइ कली महिनीन। मारदे हना निसाफ परमप्रभु आ गुइमी बाक्‍ब। इन मचाप्‍शो निसाफ चहिं गो नेंनुङ। मेको कली आं बाक्‍तीक चाक्‍कीन’ दे माइक्‍ताक्‍मी। ब्‍यवस्‍था १६:१९; २इतिहास १९:६-७; प्रस्‍थान २१:६

ब्‍यवस्‍था 1:17 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

२ सामुएल 14:14

गो नेल्‍ल बेक्‍चा माल्‍नय। गो खपीम क्‍युप्‍शा हुइक्‍ने मचाप्‍चा ङा ब्‍वाक्‍कु खोदेंशो बाक्‍नय। तन्‍न परमप्रभुमी मुर कली मखेरब। मेकोमी आ ङोंइती चाक्‍चा कली मिम्‍ना मिम्‍न बाक्‍ब। इजीकीएल १८:२३

२ इतिहास 19:5

मेकोमी यहूदा ङा बोल्‍यो सहर नेल्‍लेमी निसाफ पाइबपुकी वोदा बाक्‍त।

२ इतिहास 19:6

मिनु मेकोमी मेको निसाफ पाइब आन कली “गेपुकीम मार पाइनीनी, मेको मिम्‍तीन। गेपुकीम निसाफ नेंपाइक्‍नीनु, मुर आन कली ममाइ तन्‍न परमप्रभु यावे आ ङोंइती निसाफ पाइनीनी। गे निसाफ पची ना मेको गे नु बाक्‍ब। ब्‍यवस्‍था १:१७

अय्‍युब 31:34

मारदे हना गो हुलपुकीम मार देंनीमी, दे हिंती। मिनु खिं खिं ङा आन शुक्‍शी पतीक रे शुश हिंती। मोपतीके गो सिक्‍सी पा बाक्‍‍ती। गो खिं रे मग्रूङ।

भजन संग्रह 82:2

मेकोमी “गे गेना सम्‍म ठीक निसाफ मपाइनीनी? गे गेना सम्‍म परमप्रभु यावे आ अरेशो मटीब आन कुल कोव़नीनी?ठेयब सेंदा पा। ब्‍यवस्‍था १:१७

प्रस्‍थान 18:18

गे शेम्‍सीनेवे। गे नु बाक्‍ब मुरपुकी यो शेम्‍सीनीम। एको गेय इ मचाप्‍चा ङा बाक्‍ब। गे ला पने मचाप्‍नेवे। गन्‍ती ११:१४; ब्‍यवस्‍था १:९

प्रस्‍थान 18:22

मेको कोव़ब मुरपुकीमी नाक्‍त किंत किंत ङा निसाफ पामेक्‍ल। ठेयब मुददा चहिं इ ङोंइती चाक्‍गमेक्‍ल। आइक्‍च मुददा आंमा गारपदमेक्‍ल। मो पाप्‍तीवी हना, इ कली रिम्‍शो दुम्‍ब। मिनु मेको कोव़बपुकीमी इ गेय नु श्‍येत योक्‍शा पाइनीम।

प्रस्‍थान 18:26

मेको मुरपुकीमी मुर आन कली निसाफ पची ना, निसाफ पाइनीम। मिनु ठेयब मुददा बाक्‍त हना, मोसा कली ब्रेत्‍ताक्‍म। आइक्‍च मुददा चहिं आंमा निसाफ पाम्‍तेक्‍म।

हितोपदेस 18:5

दोस ताइब आ कुल कोव़शा, दोस मताइब कली दूली सेल्‍चा, ठीक निसाफ ममाइ। ब्‍यवस्‍था १:१७

हितोपदेस 24:23

एको लोव़ जोक्‍ब तुइक्‍ब मुर आन देंशो बाक्‍ब। निसाफ पतीकेमी कुल कोव़मुचा मरिम्‍शो बाक्‍‍ब। लेवी १९:१५

हितोपदेस 28:21

कुल कोव़मुचा मरिम्‍शो बाक्‍ब। तन्‍न मुरुमी आइक्‍च शोब्‍ले तचा कली मरिम्‍शो पाइनीमी कों। हितोपदेस १८:५; ब्‍यवस्‍था १:१७

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

लेवी 19:15

गे जोल पाइब सांकछी मदुमीन। ठेयब मुर बाक्‍त हना यो, आइक्‍च मुर बाक्‍त हना यो, मुर आन कुल मकोव़थु, ठीक निसाफ पने। प्रस्‍थान २३:३,६; ब्‍यवस्‍था १६:१९,२०

मलाकी 2:9

परमप्रभुमी “मोपतीके गो इन कली मुर नेल्‍ल आन ङोंइती आइक्‍च नु महिक्‍सीशो सेल्‍ता। मारदे हना गेपुकीमी आं लां प्रोंइतीनी। आं शेंशो लोव़ मटिथु, कुल कोव़मुशा हुकुम पाइतीनी” देंत।

मत्ती 22:16

मिनु आन शेंसीब नु हेरोद आ वारच आन कली येसु आ बाक्‍तीके ओं माइक्‍थ सोइक्‍तीमी बाक्‍त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्‍नीक। यूहन्‍ना ३:२

मर्कूस 12:14

मिनु मेको सोइश्‍शोपुकी जाक्‍शा, येसु कली “शेंब, गे थमा पाइब ननी। मुर आन कुल मकोव़थु सुइ तशा महिंथु, परमप्रभु यावे आ लोव़ थमा पा शेंनीनी, दे तुइक्‍नीकी। सिजर सरकार कली तिरो थाप्‍चान माल्‍ब देय मथाप्‍थु यो दुम्‍बा?

लूका 20:21

मिनु मिलो शिलो पा “शेंब, गे रिम्‍शो शेंनीनी। सुइ कली तशा महिंथु, मुर आन कुल मकोव़थु, परमप्रभु यावे आ लोव़ थमा पा शेंनीनी। मुल लोव़ का शेंदीकी,

रोमी 2:11

मारदे हना परमप्रभु यावेमी मुर आन कली आइक्‍च जात, ठेयब जात मतिल्‍थु ठीक निसाफ पाइब। २इतिहास १९:७; प्रेरित १०:३४; कलस्‍सी ३:२५; १पत्रुस १:१७

एफिसी 6:9

गे होव़पपुकी, इन वाइलीम वाइल आन कली प्रभुम पशो खोदेंशो पा पने। हिंच कोंइचा प्रोनीन। मारदे हना मेको आन के नु इन के प्रभु स्‍वर्गमी बाक्‍ब। मिनु प्रभुमी मुर नेल्‍ल आन कली उइक्‍थ मिम्‍ब।

ब्‍यवस्‍था 10:17

मारदे हना परमप्रभु यावे, इन परमप्रभु देवी देवता आन परमप्रभु बाक्‍ब। मेको प्रभु आन प्रभु बाक्‍ब। मेको नेल्‍ल क्‍येङा ठेयब, सक्ति पाइश्‍शो नु हिंचा ङा परमप्रभु बाक्‍ब। मेकोमी सुइ आन कुल मकोव़ब। मेकोमी घूस मताक्‍ब।

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३

ब्‍यवस्‍था 24:17

मिनु अर्को रागी ङा मुर नु रोम रोइक्‍च आन कली निसाफ दूली मपने। मिनु वोंइश बेक्‍शो मीश मुर आन फेक्‍तीक वा जाकटी मवोतीन।

ब्‍यवस्‍था 25:1

मिनु मोसामी “वोंइश मुर निक्‍शी जिम्‍ताक्‍स हना, मुददा कोम्‍मुइनीस। मिनु निसाफ पाइबमी का कली रिम्‍शो नु का कली मरिम्‍शो देंब। प्रस्‍थान २३:७

कलस्‍सी 3:25

मरिम्‍शो पाइबपुकीम मरिम्‍शो पतीके कुल मकोव़थु निसाफ पचा पुंइसीनीम। रोमी २:११

१ थिस्‍सलोनिकी 2:4

परमप्रभु यावेमी आंइ कली ग्‍येरपाइक्‍ब लोव़ शेंचा, दे शेंब सेल्‍तीकी। मोपतीके गोपुकी मुर आन दाक्‍शो लोव़ मशेंथु, परमप्रभु यावे आ दाक्‍शो लोव़ शेंशा गाक्‍तक। मेकोमी आंइ थुं कली नाक्‍शा कोव़ब। गलाती १:१०

याकूब 2:9

तन्‍न गेपुकीमी थमा सुइक्‍ब का कली ठेयब सेल्‍शा, अरु आन कली आइक्‍च सेल्‍तीनी हना, गे पाप पाइनीनी। मिनु परमप्रभु यावे आ अरेशो लोव़ मटीब दुम्‍नीनी। ब्‍यवस्‍था १:१७

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४

१ सामुएल 2:25

मुरुमी मुर आन कली पाप पाप्‍तु हना, परमप्रभुम निसाफ पाइब। तन्‍न मुरुमी परमप्रभु यावे कली पाप पाप्‍तु हना, सुम गारपाइक्‍ने चाप्‍बा ङा” देंमाक्‍त। मेको लोव़ नेल्‍ल नेंताक्‍स हना यो, मेको निक्‍शीमी आस आफ आ लोव़ मटिम्‍से बाक्‍त। मारदे हना परमप्रभु यावेम मेको निक्‍शी आस कली साइक्‍चा माल्‍शो बाक्‍माक्‍त। अय्‍युब १६:२०-२१