ब्‍यवस्‍था 1:11 - Sunuwar Bible

¹¹ परमप्रभु यावे, इन किकी पिपी आन परमप्रभुमी इन कली का का पा हजार क्‍येङा शुश सेलल। आ देंशो खोदेंशो पा इन कली आसीक गेवल।

ब्‍यवस्‍था 1:11 ပူးပေါင်းရင်းမြစ်များ

उत्पत्ती 15:5

मिनु मेकोमी अब्राम कली ताम्‍बु रे ग्रुंइशा “सरीङ गे कोव़ङो, सोरुल आन कली हिक्‍को। मेको हिक्‍ने चाप्‍नेवे? गिश बाक्‍मा, इ चच युइ यो मिश दुम्‍नीम” देंमाक्‍त। उत्‍पत्ती २२:१७; प्रस्‍थान ३२:१३; ब्‍यवस्‍था १:१०; हिब्रू ११:१२

उत्पत्ती 22:17

मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२

उत्पत्ती 26:4

इ चच युइ आन कली सरीङ ङा सोरुल खोदेंशो पा शुश सेल्‍नुङ। मेको आन कली एको रागी नेल्‍ल गेनुङ। मिनु इ चच युइ आन पर्बम रागी रागी ङा मुर नेल्‍ल आसीक ताइनीम।

उत्पत्ती 49:25

इ आफ आ परमप्रभुमी इ कली वारच पाइब। नेल्‍ल क्‍येङा सक्ति पाइश्‍शो परमप्रभुमी इ कली सरीङ रे नु खप रे आसीक गेब। शुश आल थिचा ङा आसीक यो गेवल। ब्‍यवस्‍था २८:३-६; ब्‍यवस्‍था ३३:१३

२ सामुएल 24:3

तन्‍न योआबम पिप कली “परमप्रभु यावे, इन परमप्रभुम मुर आन कली सहे का खेयप हिक्‍शो क्‍येङा यो शुश सेलल। मेको तचा ङा पा इन ब्रोंइची ना दुम्‍ल। तन्‍न मारदे आं प्रभु पिप मोदेंशो पचा माल्‍नी?” दे हिल्‍लो पवा बाक्‍त।

१ इतिहास 21:3

तन्‍न योआबमी “परमप्रभु यावेमी आ मुर आन कली एको क्‍येङा यो सहे खेयप हिक्‍शो खोइ सोशा बोशा शुश सेलल। मेकोपुकी आं पिप इन गेय पाइब मुर मदुम्‍नीमी ङा? गे मारदे मो पचा माल्‍नीनी? गे मारदे इस्राएली आन कली दोस चाक्‍नीनी?” देंमाक्‍त। प्रस्‍थान ३०:१२

भजन संग्रह 115:14

परमप्रभु यावेमी इन कली नु इन आल आन कली सोशा बोशा दुम्‍पदल।

प्रस्‍थान 32:13

इन गेय पाइब अब्राहाम, इसहाक नु याकूब मिम्‍तीने। मेको आन पर्बम इन नेंमी ‘गो इन कली सरीङ ङा सोरुल खोदेंशो पा शुश सेल्‍नुङ। आं देंशो रागी इन चच युइ आन कली गेनुङमी। मिनु एको रागी गेना हना यो मेको आन के दुम्‍ब’ दे कसम जाइतीनी” दें‍त। उत्‍पत्ती १५:५; उत्‍पत्ती २२:१६-१७; उत्‍पत्ती २६:४

इजीकीएल 16:7

मिनु गे कोल्‍शा ठेयब दुम्‍ते। मिनु इ कुचु कोल्‍शा इ चां लाइश्‍शो दुम्‍त। तन्‍न गे वा मफेक्‍शो शिश्रा बाक्‍ते।

गन्‍ती 22:12

मिनु परमप्रभुमी बालाम कली “गे एकोपुकी नु मलावो। गे मेको मुर आन कली सराप चीले मपाइक्‍मी। मारदे हना मेकोपुकी आसीक रशो बाक्‍नीम” देंत।

गन्‍ती 6:27

मेकोपुकीमी मोदेंशो लोव़ पा, आं नें इस्राएली आन तार वोइक्‍चा माल्‍नीम। मिनु गो मेको आन कली आसीक गेनुङमी” दे मोसा कली देंत।

ब्‍यवस्‍था 1:10

मिनु परमप्रभु यावे, इन परमप्रभुमी इन कली शुश सेल्‍शा, गे मुल सरीङ ङा सोरुल खोदेंशो पा शुश दुम्‍शो बाक्‍नीनी। ब्‍यवस्‍था १०:२२; उत्‍पत्ती १५:५

ब्‍यवस्‍था 1:12

दोपा गो का ला इन श्‍येत तशा, इन जिशो खेशो नेल्‍ल गारपाइक्‍ने चाप्‍नुङा ङा?

ब्‍यवस्‍था 1:8

मिनु लेंशा परमप्रभु यावेमी ‘कोव़ङीन, मेको रागी इन ङोंइती बाक्‍ब। मेकेर ओव़शा, मेको रागी आंम के सेलीन। मारदे हना गो मेको रागी इन किकी पिपी अब्राहाम, इसहाक, याकूब नु आन चच युइ आन कली गेनुङ’ दे कसम जाता” देंत। उत्‍पत्ती १२:७; गन्‍ती ११:१४

ब्‍यवस्‍था 10:22

इन किकी पिपी इजीप्‍त रागी लमानु, ७० जना मुर ला लशो बाक्‍तेक्‍म। मिनु मुल परमप्रभु यावे, इन परमप्रभुमी इन कली सरीङ ङा सोरुल खोदेंशो पा शुश सेल्‍तु। उत्‍पत्ती ४६:२७; ब्‍यवस्‍था १:१०

ब्‍यवस्‍था 28:62

मिनु गेपुकी ङोंइती सरीङ ङा सोरुल खोदेंशो पा शुश बाक्‍तीनी। मिनु नोले इच्‍का ला लीनीनी। मारदे हना गेपुकीमी परमप्रभु यावे, इन परमप्रभु आ देंशो मटिनी।