दानीएल 9:7 - Sunuwar Bible

⁷ परमप्रभु, गे ठीक पाइब बाक्‍नीनी। गो चहिं मुने दोक्‍शो बाक्‍नीकी। मुलाक्‍ती यहूदा ङा मुर, यरूसलेममी बाक्‍ब, इस्राएली नेल्‍ल आन नेक्‍था नु ङोन रागीम खेरचा पुंइसीशो मुर नेल्‍ल इन कली प्रोंइशो आ पर्बम दोस ताइब दुम्‍तेक्‍म।

दानीएल 9:7 ပူးပေါင်းရင်းမြစ်များ

एज्रा 9:13

गोपुकीमी आंइ मरिम्‍शो पतीके नु आंइ ठेयब दोस आ पर्बम श्‍येत जशो बाक्‍तक। मो हना यो आंइ परमप्रभुमी आंइ तचा माल्‍शो क्‍येङा इच्‍का ला सजाइ गेतीनी। मिनु आंइ कली ब्रोंइचा गेतीनी।

एज्रा 9:15

परमप्रभु यावे, इस्राएली आन परमप्रभु गे ठीक पाइब बाक्‍नीनी। मुल गो इच्‍का खोइ लीशो बाक्‍नीक। गो आंइ मरिम्‍शो पतीकेमी इन ङोंइती बाक्‍नीकी। मो हना यो गो इन ङोंइती पिया पोक्‍ने मचाप्‍नीकी” देंती।

नेहेम्‍याह 9:33

आंइ कली दुम्‍तीके, गे ठीक पशो बाक्‍नीनी। मारदे हना गे आंइ कली रिम्‍शो पाइतीनी। गोपुकीमी चहिं इन कली थम मरिम्‍शो पाइतक। दानीएल ९:५,७

भजन संग्रह 119:137

परमप्रभु यावे, गे रिम्‍शो पाइब बाक्‍नीनी। मिनु इन पशो निसाफ ठीक बाक्‍नीम।

भजन संग्रह 44:15

गो नाक्‍त किंत किंत मुने दोक्‍नुङ। आं मुनेमी आं कुल सुम्‍सीशो बाक्‍नुङ।

भजन संग्रह 51:14

परमप्रभु, गे आं कली पाप रे प्रोंइब परमप्रभु बाक्‍नीनी। आं हुश ख्राक्‍श पोक्‍शो पाप रे प्रोंइयीनी। मिनु गो इन प्रोंइतीके आ पर्बम कुम्‍सो पाइनुङ।

भजन संग्रह 51:4

गो इन ङोंइती ला पाप पाता। इन ङोंइती इन मदाक्‍शो पाता। गे आं कली निसाफ पा, ठीक पाइब बाक्‍नीनी। आं कली निसाफ पा सजाइ गेतीनी, गे मेको आ पर्बम दोस मताइब बाक्‍नीनी।

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 45:16

मूर्ति सेल्‍ब नेल्‍ल मुने दोक्‍शा, कालेम आन कुल राव किक्‍शा लाइनीम। यसैया ४४:९-११

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

येरमीया 23:6

मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४

येरमीया 24:9

गो मेको आन कली रागी ङा राज्‍य नेल्‍लेमी शुश हिंचा ङा नु काइ मरिम्‍शो सेल्‍नुङ। मेको आन कली शिशी मताइब, शुक्‍शी लोव़ नु सराप पाइक्‍चा पुंइसीब सेल्‍नुङमी। मेको आन कली खेरशो रागी नेल्‍लेम मोदेंशो पाइनुङमी। १राजा ९:७

येरमीया 3:25

मुल गो इं मुनेम ग्रुम्‍य। मिनु इं दोस त‍तीकेमी इं कली सुमल। मारदे हना गो परमप्रभु यावे, इं परमप्रभु कली पाप पाइतय। इं किकी पिपी नु गो इं ठिटा ठिटी रेन मुल सम्‍म परमप्रभु यावे, इं परमप्रभु आ देंशो मटिशो बाक्‍तय” देंतेक्‍म। येरमीया १४:७,२०

येरमीया 32:32

मेको इस्राएल नु यहूदा ङा मुरपुकीमी आं कली गाइक्‍पाइक्‍चा कली आन मरिम्‍शो पशो आन पर्बम पाइनुङ। मेको आन पिप, आन सरकार ङा गेय पाइब, आन चढ़ेब, आं लोव़ पाइबपुकी, यहूदा ङा मुरपुकी नु यरूसलेममी बाक्‍बपुकी नेल्‍लेम मोदेंशो पाम्‍तेक्‍म।

येरमीया 33:16

मेको नाक्‍ती यहूदा श्‍येत रे प्रोंइचा पुंइसीब। मिनु यरूसलेम मारेइ मदुम्‍थु बाक्‍ब। मिनु मेको आ नें आंइ कली ठीक सेल्‍ब परमप्रभु यावे” देंनीम। ब्‍यवस्‍था ३३:२८

येरमीया 4:17

मेकोपुकी रू खाल पाइक्‍बपुकी खोदेंशो पा, एर ओंथ नेल्‍ल हिरशा बाक्‍शो बाक्‍नीम। मारदे हना मेकेर ङा मुरपुकी आं कली काइ मटीब बाक्‍नीम” दे परमप्रभु यावेमी देंत। येरमीया १:१५; येरमीया ६:३

येरमीया 7:19

मिनु मार, मेकोपुकीमी आं कली गाइक्‍पाइक्‍चा कली मो पशो मनमी ङा? मिनु मार, मेकोपुकीमी श्‍येत जचा कली मो पशो मन‍मी ङा?” देंत

इजीकीएल 16:63

मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२

इजीकीएल 36:31

मेना गे इन मरिम्‍शो पशो गेय नु मरिम्‍शो पशो आ पर्बम मिम्‍नीनी। मिनु गे इन मरिम्‍शो पशो नु मूर्ति पूजा पतीके आन आन पर्बम आंमान ग्रांग्रा दीसीनीनी। इजीकीएल २०:४३

इजीकीएल 5:10

थमा पा, इ दातेमी आम आफोम आन आल आन कली ब्‍वाइनीम। मिनु आलम यो आन आंम आफ आन कली ब्‍वाइनीम। गो इ कली सजाइ गेनन। मिनु इ लीशो मुर आन कली फशेम एर ओंथ बेरपाइक्‍नुङमी। ब्‍यवस्‍था २८:५३-५५

इजीकीएल 6:12

मेको ङोन बाक्‍बपुकी मुर बेक्‍तीक रोइम बेक्‍नीम। मिनु मेको आन नेक्‍था बाक्‍बपुकी तरवारम साइक्‍चा पुंइसीनीम। मिनु लीशो प्रोंइचा पुंइसीशोपुकी अन्‍कालम बेक्‍नीम। मोपा गो आं गाइश्‍शो मेको आन तार मोइक्‍नुङ।

दानीएल 9:14

मोपतीके परमप्रभु यावेमी आंइ कली गेतीक, मेको ठेयब श्‍येत तेक्‍तु। थमा पा परमप्रभु यावे, आंइ परमप्रभु आ पशो नेल्‍ल ठीक बाक्‍ब। मारदे हना गोपुकीमी आ देंशो मपक।

दानीएल 9:18

आं परमप्रभु इन नोफा दाइश्‍शा नेनीन। मिनु आंइ कली दुम्‍शो श्‍येत नु इन नेंम सेल्‍शो सहर यरूसलेम कली कोव़ङीन। आंइ ठीक पतीके आ पर्बम ममाइ, तन्‍न इन शुश शिशी पतीके आ पर्बम पुंइनीकी।

दानीएल 9:8

परमप्रभु यावे, आंइ पिपपुकी, आंइ ठेयब मुरपुकी, आंइ किकी पिपी नु गो नेल्‍लेमी इन ङोंइती पाप पाइ‍तक। एज्रा ९:७; यसैया ४३:२७

आमोस 9:9

परमप्रभु यावेमी “गो मार हुकुम पाइनुङमी देंशा हना, इस्राएल आ खिं ङा मुर आन कली जात नेल्‍ल ङा मुर आन दातेमी ग्‍योलोमी मार मार क्राप्‍शो खोदेंशो पा, क्राप्‍नुङमी। मिनु इम्‍चीली फुल्‍लु का यो खपीम मदोक्‍ब।

रोमी 6:21

इन पशो मिम्‍शा, मुल यो मुने पाइनीनी। मारदे हना इन मरिम्‍शो पशो बेक्‍पाइक्‍ब बाक्‍त, दे तुइक्‍ताक्‍नी। रोमी ८:६,१३

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

ब्‍यवस्‍था 4:27

मिनु परमप्रभु यावेमी इन कली जात जात ङा मुर आन दातेमी ब्रपाइक्‍ब। मिनु परमप्रभु यावेमी इन कली कोंइशो रागी रागी आन दातेमी इच्‍का ला लीनीनी।