दानीएल 9:3 - Sunuwar Bible

³ मिनु गो माइजा बाक्‍शा, अरन्‍डी फेक्‍शा नु पुलु मोंइसीशा परमप्रभु, आं होव़प कली लोव़ पा पुंइशा, मार लोव़ लेप्‍बा, दे रिम्‍शा बाक्‍ती।

दानीएल 9:3 ပူးပေါင်းရင်းမြစ်များ

२ सामुएल 12:16

मोपतीके दाऊदम मेको आल आ पर्बम परमप्रभु कली पुना बाक्‍त। मेको मारेइ मजथु खिंङगा लशा खपीम गोल्‍शा नां सोंइदा बाक्‍त।

एज्रा 10:6

मिनु नोले एज्रा परमप्रभु आ खिं आ ङोंइती रे बोक्‍शा, एल्‍याशीब आ तौ येहो-हानान आ कोठाम लत। मिनु मेकोमी शोब्‍ले मजव ब्‍वाक्‍कु यो मतूङ। मारदे हना ग्‍याइश्‍शा लाइक्‍चा पुंइसीब आन मटितीके आ पर्बम सुर्ता पना पन बाक्‍त।

एज्रा 8:21

मिनु गो अहावा खोलाम बाक्‍कानु, गो मुर आन कली “परमप्रभु कली पुंइचा कली गो माइजा बाक्‍चा माल्नय” देंती। “परमप्रभु आ ङोंइती आंइ दाक्‍शो मपथु, आंइ कली, आंइ आल आन कली नु आंइ शोंप कली लांम रिम्‍शो दुम्‍ल” दे परमप्रभु कली पुंइत‍क।

एज्रा 9:5

मिनु नाक्‍दो ङा चढ़ेतीक दुम्‍मेनु, आं खाक्‍शो वा फेक्‍शा, गो पोक्‍च थेक्‍शा, आं गुइ परमप्रभु यावे, आं परमप्रभु गे दिंशा

नेहेम्‍याह 9:1

मिनु मेको महिना ङा २४ नाक्‍त नोले इस्राएलीपुकी माइजा बाक्‍शा, अरन्‍डी फेक्‍शा नु आन पियामी फुरक देप्‍शा खुम्‍साक्‍म।

एस्‍तर 4:16

“सुसा सहरमी लशा, यहूदी नेल्‍ल आन कली आं पर्बम माइजा बाक्‍चा कली पुक्‍कीन। नाक्‍त सां नु नाक्‍दो सां सम्‍म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्‍नीकी। मिनु में नोले ऐन कानुनमी मगेशो बाक्‍त हना यो, गो पिप आ बाक्‍तीकेम लाइनुङ। गो खतम दुम्‍ती हना, यो दुम्‍ङल” दे लोव़ सोइक्‍ताक्‍व।

अय्‍युब 42:6

मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।

भजन संग्रह 35:13

मेकोपुकी रोइ पामेनु, गो अरन्‍डी फेक्‍शा, माइजा बाक्‍शा, सुर्ता पाता। गो बाप्‍शा मेको आन पर्बम परमप्रभु कली पुंइता। अय्‍युब ३१:२९

यसैया 22:12

मेको नाक्‍ती परमप्रभु, मुर नेल्‍ल आन परमप्रभु यावेमी ङाक्‍चा, रोंका पचा, चां ख्रोइक्‍चा नु अरन्‍डी फेक्‍पाइक्‍चा कली इन कली ब्रेत्‍ताक्‍व। आमोस ८:१०

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

इजीकीएल 36:37

मिनु परमप्रभु, परमप्रभु यावेमी “गो इस्राएल आ खिं ङा मुर आन पुंइशो नेंशा, मेको आन मुर आन कली क्‍यारश भेडा खोदेंशो पा शुश सेल्‍नुङमी। मीका २:१२

दानीएल 6:10

मिनु दानीएलमी पिप दारामी मोपा ब्रेक्‍शा छाप थोक्‍शा ग्रुंइशो तुइश्‍शा, यरूसलेम गे कोव़शा सेल्‍शो खिं आ तला तारी लशा, पोक्‍च थेक्‍शा आ परमप्रभु कली प्रार्थना पाप्‍तु। मोपा नाक्‍त किंत किंत सां खेयप पार्थना पाप्‍तु। मिनु ङोंइती खोदेंशो पा परमप्रभु कली ठेयब सेल्‍‍तु। १रजा ८:४८

दानीएल 9:2

मिनु पिप दारा आ सासन पशो ङोंइती ङा बर्समी गो, दानीएलमी परमप्रभु यावेमी आ लोव़ पाइब येरमीया कली ब्रेक्‍पाइश्‍शो लोव़ ङा किताब पढेशा, यरूसलेम खतम दुम्‍चा कली ७० बर्स ली‍नीम, दे रुप्‍ता। येरमीया २५:११-१२; येरमीया २९:१०

दानीएल 9:20

मिनु गो मो देंशा परमप्रभु यावे, आं परमप्रभु आ ङोंइती लोव़ पना पन, प्रार्थना पा, आं पाप नु आं मुर इस्राएली आन पशो पाप नेल्‍ल शोव़शा, आं परमप्रभु आ डांडा, आ मुर आन पर्बम पुंइना पुंइन, बाक्‍ङानु,

दानीएल 9:4

मिनु गो परमप्रभु यावे, आं परमप्रभु कली लोव़ पा, गो मार मार मरिम्‍शो पङा, मेको नेल्‍ल शोव़शा “परमप्रभु, गे ठेयब नु हिंचा ङा परमप्रभु बाक्‍नीनी। गे इन कली दाक्‍ब नु इन शेंशो लोव़ टीब आन कली गेना हना यो दाक्‍नीनी। मिनु इन कबल मप्रोंइनीनी। येरमीया १४:७; ब्‍यवस्‍था ७:९; नेहेम्‍याह १:५

योएल 1:13

चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।

योएल 2:12

परमप्रभु यावेमी “इन थुं नेल्‍लेमी आं गे ले‍तीन। गे माइजा बाक्‍शा, ङाक्‍शा नु रोंका पा आं गे ले‍तीन। इजीकीएल ३३:११

योना 3:5

मिनु मेको नेंशा निनवे ङा मुरपुकीमी परमप्रभु आ लोव़ थमा बाक्‍ब, दे थमा सुदमे बाक्‍त। मेकोपुकीमी “निनवे सहर ङा आइक्‍च नु ठेयब मुर आन मरिम्‍शो पतीके रे लेत्‍तेक्‍म, दे कोंइचा कली नेल्‍ल माइजा बाक्‍शा, अरन्‍डी फेक्‍सीन” दे नेल्‍ल आन कली नेंपदमे बाक्‍त। मत्ती १२:४१; योएल १:१४

मत्ती 17:21

ओदेंशो वोल खेरचा कली चहिं बर्त बाक्‍शा, प्रार्थना पा ला ग्रुंइने चाम्‍सीब” दे माइक्‍तीमी।

लूका 2:37

मिनु आ वोंइश बेक्‍म नोले शुश बर्स ब्रोंइशा, ८४ बर्स दुम्‍माक्‍त। मेकोमी परमप्रभु यावे आ खिं मप्रोंइथु, नाक्‍दो नाक्‍ती मेकेर माइजा बाक्‍शा प्रार्थना पा, परमप्रभु यावे कली ठेयब सेल्‍ना सेल्‍न बाक्‍बाक्‍माक्‍त। १तिमोथी ५:५

प्रेरित 10:30

मिनु कोरनेलीयसमी “गाबेर नाक्‍त आं खिंमी ३ बजे ङा प्रार्थना पना पन बाक्‍ङानु, जील्‍माक्‍श देंशो वा फेक्‍सीशो मुर का फो ग्रूशा, आं ङोंइती राप्‍शो ताता।