दानीएल 9:27 - Sunuwar Bible

²⁷ मेकोमी हप्‍ता का सम्‍म शुश मुर नु कबल पाइब। मिनु आधा हप्‍तामी चढ़ेतीक नेल्‍ल तेक्‍ब। मिनु मेकोमी चढ़ेतीक आ पा ङा शुश ग्रांग्रा दिचा ङा गेय पाइब। मेको कली खतम सेल्‍तीक लोव़ मग्रूम सम्‍म मोदेंशो पाइ‍ब” देंत। दानीएल ८:११; दानीएल ११:३१; दानीएल १२:११; मत्ती २४:१५; यसैया १०:२२-२३

दानीएल 9:27 ပူးပေါင်းရင်းမြစ်များ

यसैया 28:15

मिनु गेपुकीमी “गोपुकीमी बेक्‍पाइक्‍ब नु कबल पमुशो बाक्‍नीकी। बेक्‍शो मुर आन बाक्‍तीके नु सल्‍ला पाइतक। ठेयब श्‍येत जाक्‍त हना यो, आंइ कली मारेइ मदुम्‍ब। मारदे हना जोल पतीके नु गारशा ख्रुइश्‍शो बाक्‍नीकी। दूली पतीकेमी फाम्‍सीशो बाक्‍नीकी” देंतीनी।

यसैया 28:22

शुक्‍शी लोव़ मपने। मो पाइतीनी हना इन कली फ्रेंशो डोरी खांइसीब। मारदे हना परमप्रभु, मुर नेल्‍ल आन परमप्रभु यावेमी “रागी नेल्‍ल खतम सेल्‍नुङ” देंशो नेंता। यसैया १०:२२-२३

यसैया 42:6

मेकोमी “गो, परमप्रभु यावे नङ। गो इ कली आं ठीक पतीकेमी ब्रेत्‍ताक्‍न। गो इ गुइ ग्‍याइश्‍शा, इ कली कोव़शा बाक्‍नुङ। गो मुर आन पा ङा इ कली आं कबल खाप्‍ब सेल्‍तन। रागी रागी ङा मुर आन कली छेङछेङ दुम्‍पाइक्‍चा कली सोइक्‍ताक्‍न। यसैया ४९:६,८

यसैया 53:11

मेको आ श्‍येत जशो रे मेकोमी छेङछेङ ताइब। मेको आ तुइक्‍तीकेमी शुश मुर आन कली ठीक पतीके तुइक्पाइक्‍ब। मेकोमी आन मरिम्‍शो पशो कुरब। १कोरिन्‍थी १:३०; यूहन्‍ना १:२९

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

येरमीया 7:30

परमप्रभु यावेम “यहूदा ङा मुरपुकीम आं ङोंइती मरिम्‍शो पशो बाक्‍नीम। मेकोपुकीमी आं नेंम सेल्‍शो खिंम आन ग्रांग्रा दिशो थोव़क वोइक्‍तेक्‍म। मोपा आं खिं ग्रांग्रा दिशो दुम्‍त। येरमीया ३४:३२; २राजा २१:४-५

दानीएल 11:31

मिनु मेको पिप आ सोइश्‍शो लडाइ पाइबपुकीमी परमप्रभु यावे आ खिं नु दरवार कली ग्रांग्रा दिशो सेल्‍नीम। मिनु मेकोपुकीमी नाक्‍त किंत किंत चोशा चढ़ेतीक गेय तेक्‍नीम। मिनु मेकेर ग्रांग्रा दिचा ङा मार मार थोव़क वोइक्‍नीम। दानीएल ९:२७

दानीएल 11:36

पिपमी मार दाक्‍बा, मेको पाइब। मिनु मेकोमी ‘देवी देवता नेल्‍ल आन क्‍येङा ठेयब नङ’ देंब। मिनु परमप्रभु नेल्‍ल आन क्‍येङा ठेयब परमप्रभु आ पर्बम गेनायो मनेंसीशो मरिम्‍शो लोव़ पाइब। मेको आ नोले ङा नाक्‍त मजाक्‍म सम्‍म आ माल्‍शो ताइब। परमप्रभुमी मेको कली सजाइ मगेवा सम्‍म मोदेंशो दुम्‍‍ब। मारदे हना परमप्रभुमी मार पचा मिम्‍बा, मेको पाइब। २थिस्‍सलोनिकी २:४; दानीएल ७:८,२५; प्रकाश १३:५-६

दानीएल 12:11

मिनु नाक्‍त किंत किंत ङा चोशा चढ़ेतीक चढ़ेचा नाइक्‍तमे नोले नु ग्रांग्रा दि‍शो थोव़क चढ़ेमे सम्‍म हजार का, सहे निक्‍शी ९० नाक्‍त दुम्‍नीम। दानीएल ९:२७

दानीएल 7:25

मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७

दानीएल 8:13

मिनु नोले गो स्‍वर्गम बाक्‍ब कामी लोव़ पशो नेंता। मिनु अरु स्‍वर्गम बाक्‍बमी मेको कली “नाक्‍त किंत किंत ङा चोशा चढ़ेतीक रोइक्‍तीके, आ मरिम्‍शो पतीकेमी परमप्रभु आ खिं श्‍येत्‍थ नु खतम सेल्‍तीक नु परमप्रभु आ लडाइ पाइब आन कली खोइलीमी दिप्‍शा, कोंइतीके गेना नुप्‍‍बा?” दे हिल्‍लो पशो नेंता।

होसे 3:4

मारदे हना इस्राएलीपुकी शुश नाक्‍त सम्‍म पिप नु सासन पाइब मबाक्‍थु, बाक्‍चा माल्‍नीम। मेकोपुकीमी चढ़ेचा कली मिम्‍तीक फुल्‍लु, एफोद माइश्‍शो चढ़ेब आ पांइतीक वा नु आन खिं ङा मूर्ति यो मताइनीम। २इतिहास १५:३

गन्‍ती 7:62

मिनु १० शेकेल ङा धूपम ब्रीशो सुन के आइक्‍च बोस का,

मत्ती 24:15

परमप्रभु यावे आ खिं ग्रांग्रा सेल्‍नीम, दे परमप्रभु यावे आ लोव़ पाइब दानीएलमी ब्रेक्‍शो लोव़ थमा दुम्‍शो तनीनु ‘पढेबपुकीमी रुप्‍मेक्‍ल’ दानीएल ९:२७, दानीएल ११:३१

मत्ती 26:28

एको आं हुश बाक्‍ब। आं हुशेमी परमप्रभु यावे आ नक कबल खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; येरमीया ३१:३१; हिब्रू ९:१५-१६

मत्ती 27:51

मिनु बेक्‍म चोटी मार दुम्‍माक्‍त देंशा हना, परमप्रभु यावे आ खिं ङा आगा ङा कोठामी बारेशो वा इर रे उइ सम्‍म उइक्‍थ पा जेर गाक्‍माक्‍त। ख्रिनु कुशा, प्रस्‍थान २६:३१-३३; २इतिहास ३:१४

मर्कूस 13:14

परमप्रभु यावे आ खिं गेनायो मदुम्‍चा ङा पा बिथोलो दुम्‍मेनु, मेको मुल पढ़ेबपुकीमी रुप्‍मेक्‍ल, यहूदीया रागीम बाक्‍बपुकी डांडा ग्‍येत्‍थ प्रोक्‍मल। दानीएल ९:२७; दानीएल ११:३१; दानीएल ११:३१

लूका 21:20

यरूसलेम सहर आ एर ओंथ लडाइ पाइबपुकीमी पुम्‍शो ताइतीनी हना ‘मुल सहर खतम दुम्‍ची नाक्‍त जाक्‍माक्‍त’ दे तुइक्‍तीन।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

रोमी 11:26

योव़सीचा पुंइसीशो अर्को रागी ङा मुरपुकीमी थमा सुदमे ङा मेरे इस्राएली नेल्‍लेमी रुप्‍शा, थमा सुइश्‍शा, ब्रोंइचा ताइनीम। “सियोनमी पाप रे प्रोंइब का ग्रूब। मेकोमी याकूब कली आ मरिम्‍शो पतीके रे प्रोंइब। मत्ती २९:३९; भजन संग्रह १४:७

रोमी 5:15

आदम आ मटिशो परमप्रभु यावे आ शिशी पशो खोदेंशो ममाइ। मुर का आ मटितीकेम मुर नेल्‍ल कली बेक्‍ब सेल्‍तीमी। मेको क्‍येङा परमप्रभु यावे नु मुर का दुम्‍शो येसु ख्रीस्‍त आस गेशो शिशी ठेयब बाक्‍ब।

रोमी 5:19

परमप्रभु यावे आ देंशो मटीव मुर का आ पतीके दोपा पापी शुश दुम्मा, मोपा परमप्रभु यावे आ देंशो टीब कामी चहिं शुश मुर आन पाप क्‍याम्‍शा, ठीक सेल्‍तीमी। रोमी ३:२६; यसैया ५३:११

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४