दानीएल 9:20 - Sunuwar Bible

²⁰ मिनु गो मो देंशा परमप्रभु यावे, आं परमप्रभु आ ङोंइती लोव़ पना पन, प्रार्थना पा, आं पाप नु आं मुर इस्राएली आन पशो पाप नेल्‍ल शोव़शा, आं परमप्रभु आ डांडा, आ मुर आन पर्बम पुंइना पुंइन, बाक्‍ङानु,

दानीएल 9:20 ပူးပေါင်းရင်းမြစ်များ

एज्रा 10:1

एज्रा परमप्रभु आ खिं आ ङोंइती गु बाप्‍शा, आन मरिम्‍शो पशो नेल्‍ल शोव़शा, ङाक्‍ना ङाक्‍न बाक्‍शो बाक्‍त। मिनु ठेयब हुल का इस्राएली वोंइश मुर, मीश मुर नु आलपुकी एज्रा आ एर ओंथ बुक्‍तेक्‍म। मिनु मेको यो शुश ङाक्‍तेक्‍म।

नेहेम्‍याह 1:6

गो, इन वाइल, इस्राएली आन पर्बम नाक्‍दो नाक्‍त पुंइनुङ। आं पुंइशो लोव़ नेंचा कली गे इन नोफा दाइक्‍तीन। मिनु आं गे कोव़ङीन। गो, इस्राएली नु आं आफ आ खिं ङा मुर नेल्‍लेमी इन ङोंइती मरिम्‍शो पाइतक। मिनु गो यो पाप पाता।

भजन संग्रह 145:18

परमप्रभु यावे आ कली पुंइब नेल्‍ल आन नेक्‍था बाक्‍ब। सु सुमी मेको कली थमा पा पुंइनीमी, मेको आन नेक्‍था बाक्‍ब।

भजन संग्रह 32:5

मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।

उपदेसक 7:20

थमा पा रागीमी मारेइ मारेइ ठीक पाइब नु गेनायो पाप मपाइब सुइ मबाक्‍नीम। भजन संग्रह १४:३

यसैया 56:7

मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७

यसैया 58:9

मेना गे पुंइनीनी। मिनु परमप्रभु यावेमी लोव़ लेप्‍ब। मिनु गे ‘वारच पने’ दे थोइनीनी। मिनु मेकोमी ‘गो एके बाक्‍ती’ देंब। गे इन दाते रे मरिम्‍शो पतीक जुवा ताइक्‍ताक्‍नी हना, ब्रेप्‍चो पोक्‍शा, मरिम्‍शो लोव़ पचा प्रोंइतीनी हना, रिम्‍शो दुम्‍ब। यसैया ३०:१९

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

यसैया 65:24

मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९

दानीएल 10:12

मिनु मेकोमी आं कली “दानीएल, महिंनो, गे रुप्‍चा माल्‍शा ङोंइती ङा नाक्‍ती रे इ परमप्रभु आ ङोंइती आंम कली ब्रेम्‍शो सेल्‍साक्‍वे, इ पुंइशो नेंतीके गो एक जाक्‍ती।

दानीएल 10:2

मेना गो, दानीएल, हप्‍ता सां सम्‍म रोंका पाता।

दानीएल 11:45

मिनु मेकोमी ठेयब समुन्‍द्र नु नेल्‍ल क्‍येङा दारशो परमप्रभु आ सहर ङा डांडा आस दातेमी आ बाक्‍तीक ताम्‍बु की‍ब। मो पाप्‍तु हना यो, मेको बेक्‍ब। सुइमी मेको कली वारच मपाइनीम” दे स्‍वर्ग ङा गेय पाइबम देंत।

दानीएल 9:16

परमप्रभु, इन ठीक पतीकेमी इन सहर यरूसलेम नु इन योव़शो डांडा आ पर्बम मगाइक्‍तीन, मचुरीन। आंइ पशो पाप नु आंइ किकी पिप आन मरिम्‍शो पशो आ पर्बम यरूसलेम नु इन योव़शो मुर आन नेक्‍था बाक्‍ब मुर रे पा शुक्‍शी पाइक्‍चा पुंइसीब दुम्‍तेक्‍म।

जकरिया 8:3

परमप्रभु यावेमी “गो सियोनमी जाक्‍शा, यरूसलेम आ दातेमी बाक्‍नुङ। मिनु यरूसलेम थमा सुइक्‍चा पुंइसीब सहर दुम्‍ब। मिनु मुर नेल्‍ल आन परमप्रभु यावे आ डांडा आंम आ बाक्‍तीक डांडा दुम्‍ब” देंत। जकरिया १:१६; यसैया १:२१,२६; भजन संग्रह २:६

प्रेरित 4:31

मोदेंशो प्रार्थना पने थुम्‍मे चोटीन ख्रिनु कुशो खोदेंशो पा आन बुक्‍शा बाक्‍तीके एर ओंथ नेल्‍ल हिम्‍से बाक्‍त। मिनु नेल्‍ले परमप्रभु यावे आ सोक्‍तीम प्रिंचा पुंइसमा बाक्‍त। मिनु महिंथु ठेयब थुं पा परमप्रभु आ लोव़ शेंना शेंन गाक्‍बाक्‍मा बाक्‍त।

रोमी 3:23

मारदे हना नेल्‍लेमी पाप पाम्‍तेक्‍म। मोपतीके परमप्रभु यावे आ छेङछेङम जाक्‍दीन्‍ने मचाप्‍नीम। उत्‍पत्ती ८:२१

याकूब 3:2

गो नेल्‍लेमी शुश गल्‍ती पाइनय। सुमी लोव़ पवानु, काइ गल्‍ती मपाइबा, मेकोमी रांम मपचा ङा गेय यो मपाइब। मेको मुर थम रिम्‍शो बाक्‍ब।

प्रकाश 21:10

मेकोमी आं कली परमप्रभु यावे आ सोक्‍तीमी बाक्‍शा, ठेयब डांडा तार लाइक्‍ती। मिनु मेकेर आं कली परमप्रभु यावे आ बाक्‍तीके रे यिना यिन पाइश्‍शो परमप्रभु यावे आ योव़शो यरूसलेम माइश्‍शो सहर कोंइताक्‍यी।

प्रकाश 21:2

परमप्रभु यावे आ सहर नक यरूसलेम माइश्‍शो परमप्रभु यावे आ बाक्‍तीके रे यिना यिन पाइश्‍शो ताता। मेको सहर ग्‍युम्‍ले कली ग्रुम्‍चशो ग्‍युम्‍ली खोदेंशो दुम्‍शा, ग्‍योम्‍सीशा यिशो बाक्‍त। गलाती ४:२६; हिब्रू १२:२२; प्रकाश १९:७-८