दानीएल 9:11 - Sunuwar Bible

¹¹ इस्राएली नेल्‍लेमी इन क्‍येङा ङोन लशा, इन अरेशो मटिथु, इन देंशो मपामे। मोपतीके गो इन गेय पाइब मोसामी ब्रेक्‍शो इन अरेशो लोव़मी सराप नु कसम आंइ तारी मोइक्‍चा पुंइसीशो बाक्‍नीक। मारदे हना गोपुकीमी इन कली पाप पाइतक। लेवी २६:१४-३९; ब्‍यवस्‍था २८:१५-६८

दानीएल 9:11 ပူးပေါင်းရင်းမြစ်များ

२ राजा 18:12

मारदे हना मेकोपुकीमी परमप्रभु यावे, आन परमप्रभु आ देंशो मटिथु, आ कबल पशो हेंथे पशो बाक्‍मा बाक्‍त। परमप्रभु यावे आ गेय पाइब मोसामी शेंशो लोव़ मनेंशो नु मटिशो बाक्‍मा बाक्‍त।

२ राजा 22:16

मेकोमी ‘यहूदा ङा पिपम मेको कागजम पढेशो श्‍येत ङा लोव़, गो मेको श्‍येत यहूदा नु मेकेर बाक्‍ब मुर आन कली थमा पा गेनुङ।

यसैया 1:3

ब्‍यफोमी आ होव़प कली तुइक्‍ब। गधामी आ होव़प आ शुंगु तुइक्‍ब। तन्‍न इस्राएल ङा मुर मतुइक्‍ब बाक्‍नीम। आं मुर मरुप्‍ब बाक्‍नीम।

यसैया 43:28

मोपतीके गो आं खिंम चढ़ेब आन कली ‘गेय पचा मदुम्‍ब’ सेल्‍तामी। गो याकूब कली खतम सेल्‍ता। मिनु इस्राएल शुक्‍शी पाइक्‍चा पुंइसीब सेल्‍ता” दे परमप्रभुमी देंत।

येरमीया 16:11

मिनु गे मेको आन कली ‘इन किकी पिपीमी आं कली प्रोंइशा, देवी देवता आन नोले खोइश्‍शा, मेको आन कली पूजा पा ठेयब सेल्‍तेक्‍म। मोपा आं कली प्रोंइशा आं अरेशो मपामे।

येरमीया 2:29

गेपुकीम मारदे आं कली गन गन पाइनीनी? गे नेल्‍ल आं कली काइ मटीब दुम्‍शो बाक्‍नीनी।

येरमीया 30:14

इ वारच नेल्‍लेम इ कली प्रेंने थुम्‍तेक्‍म। मेकोपुकीमी इ कली गेनायो ममिम्‍नीम। गो इ ठेयब दोस तशो नु इ शुश पाप आ पर्बम पतीके जोरी सत्रुम खोदेंशो पा तुप्‍तन। मिनु शिशी मपाइक्‍बम खोदेंशो पा गो इ कली सजाइ गेतन।

येरमीया 32:23

मिनु मेकोपुकी ओव़शा, मेको रागी आन के सेल्‍‍तेक्‍म। तन्‍न मेकोपुकीमी इन देंशो, इन अरेशो नु मार पचा माल्‍बा शेंशो मबिस्‍सम। गे मेको आन कली पन देंशा शेंशो लोव़ मेकोपुकीमी मटीमे। मोपतीके गे एको ठेयब श्‍‍येत नेल्‍ल मेको आन तार चाक्‍तीनी।

येरमीया 40:3

मुल परमप्रभु यावेम एको रागी क्‍याम्‍ताक्‍व। मिनु मेकोमी आ देंशो खोदेंशो पाप्‍तु। मारदे हना गेपुकीम परमप्रभु यावे कली पाप पाइतीनी। मिनु मेको आ देंशो मटिनी। मोपतीके इन कली ओदेंशो दुम्‍त।

येरमीया 44:22

परमप्रभु यावेम इन मरिम्‍शो पशो नु इन पशो ग्रांग्रा दिशो गेय तशा फाल्‍ने मचब। मोपतीके इन रागी श्‍येत्‍थ नु मुर मबाक्‍तीके दुम्‍त। सराप चीले रशा, मुर मबाक्‍शो रागी दुम्‍त। मेको मुल सम्‍म मोदेंशोन बाक्‍ब।

येरमीया 44:23

इन चोशा चढ़ेतीके, इन परमप्रभु यावे कली पाप पशो, आ देंशो मटिशो नु आ अरेशो, आ फुल्‍लुम मुशा ब्रेक्‍शो लोव़ नु आ शेंशो मटितीके इन कली ठेयब श्‍येत दुम्‍त। मेको आ पर्बम श्‍येत जाइ‍‍नीनी” दे माइक्‍तीमी।

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

येरमीया 9:26

गो इजीप्‍त, यहूदा, एदोम, अम्‍मोन, मोआब नु गोरशो रागीम बाक्‍ब, आन चां एर ओंथ ख्रोइक्‍ब मुर नेल्‍ल आन कली ग्रुम्‍नुङ। मारदे हना मेको नेल्‍ल ख्रोइक्‍तीक चि‍नु मख्रोइश्‍शो बाक्‍नीम। मिनु इस्राएल आ खिं ङा मुर नेल्‍ल यो आन थुंम ख्रोइक्‍तीक चिनु मख्रोइश्‍शो बाक्‍नीम” देंत। लेवी १९:२७; येरमीया ४:४; लेवी २६:४१; ब्‍यवस्‍था ३०:६

दानीएल 9:13

मोसामी इन अरेशो लोव़म ‘मेको कली मटीब श्‍येत जाइनीम’ दे ब्रेक्‍शो खोदेंशो पा, मेको श्‍येत नेल्‍ल आंइ कली दुम्‍त। मिनु गोपुकीमी परमप्रभु यावे, आंइ परमप्रभु कली ‘इन थमा लोव़ कली रुप्‍तीक थुं गेकी’ दे मपुंइक। मिनु आंइ मरिम्‍शो पशो मप्रोंइक। इन कली दाक्‍शा मप्रोंइतीके ममिम्‍तक।

दानीएल 9:5

गोपुकीमी पाप पशा, मरिम्‍शो पाइतक। मिनु इन अरेशो मटिथु नु इन कली गन गन पा, इन शेंशो नु निसाफ पतीके लोव़ प्रोंइतक।

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।

जकरिया 7:12

मेकोपुकीमी परमप्रभु यावे आ अरेशो नु आ लोव़ मनेंचा ङा पा आन थुं खकटा सेल्‍तेक्‍म। ङोंइती मुर नेल्‍ल आन परमप्रभु यावेमी आ सोक्‍त रे पा आ अरेशो लोव़ नु मुर आन कली पतीक लोव़ पथ आ लोव़ पाइब आन कली सोइश्‍शो बाक्‍त। मोपतीके मुर नेल्‍ल आन परमप्रभु यावे शुश गाइश्‍शो बाक्‍ब। यसैया ४८:४

जकरिया 8:13

यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्‍तीनी। दोपा गेपुकी सराप रनी, मोपा आसीक ताइब दुम्‍नीनी। महिनीन, बोल्‍यो दुमीन” देंत। उत्‍पत्ती १२:२

ब्‍यवस्‍था 8:20

मिनु परमप्रभु यावेमी इन ङोंइती रागी रागी ङा मुर आन कली खतम सेल्‍शो खोदेंशो पा, गेपुकीमी आ लोव़ मनेंथु, मटीतीनी हना, परमप्रभु यावे, इन परमप्रभुमी इन कली यो खतम सेल्‍ब” देंत।