दानीएल 8:24 - Sunuwar Bible

²⁴ मेको शुश बोल्‍यो दुम्‍ब। मिनु मेकोमी मारेइ मारेइ खतम पोक्‍ब। आ पतीक मारेइ मारेइमी ग्राब। मिनु मेकोमी सक्ति पाइश्‍शो मुर नु थमा सुइक्‍ब आन कली खतम पोक्‍ब।

दानीएल 8:24 ပူးပေါင်းရင်းမြစ်များ

भजन संग्रह 37:35

गो परमप्रभु आ अरेशो मटीब लेबानोन ङा ठेयब रवा खोदेंशो दुम्‍शो ताता। १सामुएल ३५:२-३८; इजीकीएल ३१:३-१४

दानीएल 11:23

मिनु मेकोमी लोव़ गारपाइश्‍शा दुशा बाक्‍शो देखु पा, जोल पाइब। मिनु आ मुर का निक्‍शी ला बाक्‍तेक्‍म हना यो, मेको सक्ति पाइश्‍शो दुम्‍ब।

दानीएल 12:7

मिनु मेको आइक्‍ची हांबु बाक्‍ब बुश सुती वा फेक्‍शोमी आ गुइ निम्‍फा सरीङ गे पोक्‍तु। मिनु गेना हना यो ब्रोंइशा बाक्‍ब आ नें थिशा कसम जशो नेंता। मिनु मेकोमी “एको पाला का बाक्‍शो ना, पाला निक्‍शी बाक्‍शो ना नु आधा पाला बाक्‍शो ना कली दुम्‍ब। मिनु परमप्रभु यावे आ मुर आन कली श्‍येत जची ना नु्म्‍मेनु, मेको देंशो लोव़ नेल्‍ल गा‍प्‍ब” दे गेना हना यो ब्रोंइशा बाक्‍ब आ नेंमी कसम जाप्‍तु। दानीएल ७:२५; प्रकाश १०:५-६

दानीएल 7:25

मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७

दानीएल 8:10

मिनु मेको कोल्‍शा, स्‍वर्ग ङा लडाइ पाइब आन हुल बाक्‍तीक सम्‍म जाक्‍दीश्‍शा, लडाइ पाइब का निक्‍शी नु सोरुल का निक्‍शी आन कली तोक्‍शा खोइलीमी दिम्‍ताक्‍व।

दानीएल 8:11

मेकोमी लडाइ पाइब आन नेल्‍ल क्‍येङा ठेयब कली यो ठेयब लेश्‍शो लोव़ पा, नाक्‍त किंत किंत ङा चोशा चढ़ेतीक रोइश्‍शा, परमप्रभु यावे आ बाक्‍तीके खिं प्रेश्‍शा गेप्‍तु। दानीएल ९:२७

दानीएल 8:12

मिनु आ परमप्रभु कली काइ मटितीकेमी नाक्‍त किंत किंत ङा चढे़तीक मचढ़ेचा ङा पा गेय पाइब वोइक्‍तु। मिनु मेकोमी थमा पा शेंतीक कली खतम पोक्‍शा, आ मरिम्‍शो पतीक चहिं बारना बारन लपाइक्‍तु।

दानीएल 8:23

मिनु मेको आन सासन पतीक अधिकार नुप्‍ची ना मेको आन मरिम्‍शो पतीकेम ब्रीतीके खकटा थुं पाइश्‍शो, शुश मरिम्‍शो पाइब पिप का जाक्‍ब। दानीएल ११:२१

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 17:17

मारदे मोदेंशो पाइनीम देंशा हना, परमप्रभु यावेमी आ देंशो थमा दुम्‍पाइक्‍चा कली मेको आन थुं का दुम्‍पाइक्‍तीमी। मिनु मोपा मेको १० जना पिपमी राज्‍य नु सक्ति ठेयब जन्‍तु कली गेनीम। परमप्रभु यावे आ लोव़ खाप्‍चा कली मोदेंशो दुम्‍ब।

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३