दानीएल 8:23 - Sunuwar Bible23 मिनु मेको आन सासन पतीक अधिकार नुप्ची ना मेको आन मरिम्शो पतीकेम ब्रीतीके खकटा थुं पाइश्शो, शुश मरिम्शो पाइब पिप का जाक्ब। दानीएल ११:२१ အခန်းကိုကြည့်ပါ။ |
दानीएल 8:23
23 ပူးပေါင်းရင်းမြစ်များ
शुश नाक्त नोले लडाइ पचा कली इन कली ब्रेत्नीम। गेपुकीम लडाइम श्येत्थ दुम्शा लेंशा सेल्शो रागी कली लडाइ तोइनीनी। मेको मुर शुश रागी रे खुप्शा, इस्राएल ङा पहाडम चाक्शो बाक्नीम। मेकेर शुश बर्स रे मुर मबाक्म। मेकोपुकी रागी रागी रे चाक्शो बाक्तेक्म। मिनु मुल मेको नेल्ल मारेइ मदुम्थु रिम्शो पा बाक्शो बाक्नीम।
मिनु सुइमी मारेइ मतुइक्थु, मेको नेल्ल क्येङा शोंप पाइश्शो रागी लशा, लडाइ तोइब। मेकोम आ किकी पिपीपुकीम गेनायो मपशो गेय पाइब। आ नोले खोइक्ब आन कली आ रोइश्शो शोंप नु रू योव़शा गेब। मेकोमी अरु गारो हिरशो सहर आन कली दोपा ग्राचा, दे मिम्शा बाक्ब। तन्न मोदेंशो मिम्शो नाक्त का निक्शी कली ला दुम्ब।
मिनु गो मेको ग्रोव़ आन कली रिम्शो पा कोव़ङुनु, मेको आन दातेमी अर्को आइक्च ग्रोव़ का ग्रूशो ताता। मेको आइक्च ग्रोव़ कली बाक्तीक गेचा कली ङोंइती ङा ग्रोव़ सां आन शाक्श सुन्दा एत्तेक्म। मेको नक ग्रूशो ग्रोव़मी मिक्च बाक्तेक्म। मेको मुर आ मिक्च खोदेंशो बाक्तेक्म। मिनु मेको के ठेयब लेश्शा लोव़ पाइब शोव़ का बाक्त। दानीएल ११:३६
मोपा मेकोपुकी लडाइ पामेनु, मेको ठेयब जन्तु नु जोल पा परमप्रभु यावे आ लोव़ पखु पाइब आस कली ग्याइक्ताक्म। परमप्रभु यावे आ लोव़ पखु पाइब चहिं ठेयब जन्तु नु बाक्शा, छक लाक्चा ङा गेय पाइब बाक्त। मोपा मेको ठेयब जन्तु नु आ मूर्ति कली पूजा पाइब नु आ चिन्ड वोइक्ब आन कली मरिम्शो लां शेंशा खोइक्पदा बाक्त। मिनु मेको निक्शी सेसीन गन्धक नु ठेयब मी ब्रतीकेमी हुम्चा पुंइसाक्स। प्रकाश १३:११-१७; २थिस्सलोनिकी २:८
ကြော်ငြာတွေ