दानीएल 8:2 - Sunuwar Bible

² मिनु मेको कोंइतीकेमी गो एलाम रागी ङा सुसा माइश्‍शो ठेयब सहर ङा उलाइ खोला आ नेक्‍था बाक्‍शो बाक्‍ती।

दानीएल 8:2 ပူးပေါင်းရင်းမြစ်များ

उत्पत्ती 10:22

शेम आ तौ चच युइ सु सु बाक्‍मा बाक्‍त देंशा हना, एलाम, अश्‍शुर, अरपक्‍शाद, लूद नु अराम बाक्‍मा बाक्‍त।

उत्पत्ती 14:1

मिनु शिनार ङा पिप अम्राफेल, एल्‍लासार ङा पिप अरयोक, एलाम ङा पिप केदोर-लाओमेर नु गोयीम रागी ङा पिप तिदालम सासन पामे ना, यहोसु १२:२३

नेहेम्‍याह 1:1

एको हाकाल्‍याह आ तौ नेहेम्‍याह आ लोव़ बाक्‍ब। २० बर्स ङा किस्‍लेव महिनामी गो सुसा ङा दरवारम बाक्‍ती।

एस्‍तर 1:2

मेना मेको पिप अहासूरसमी आ राज्‍य ङा सुसा दरवारमी आ ठेयब नित्‍तीकेमी निश्‍शा सासन पाप्‍तु।

एस्‍तर 2:8

मिनु पिप आ ग्रुंइशो ब्रेक्‍स नेंन्‍मे नोले, शुश मीश आल आन कली सुसा दरवारमी चाक्‍तेक्‍म। मिनु एस्‍तर कली यो अरु मीश आल नु काथा मीश मुर कोव़ब हेगे कली जिम्‍मा गेम्‍तेक्‍म।

एस्‍तर 3:15

पिपम मेको लोव़ चोव़थ लाइक्‍ब आन कली रीब रीब पा सोइक्‍ताक्‍व। मिनु सुसा दरवारमी यो मेको लोव़ ब्रपाइक्‍तेक्‍म। मो पामे नोले पिप नु हामान तूचा कली निस्‍साक्‍स। तन्‍न सुसा सहरम चहिं खाल बाल बोक्‍त।

एस्‍तर 7:6

मिनु एस्‍तरमी “मेको श्‍येत गेब, मरिम्‍शो मुर एको हामान बाक्‍ब” देंत। मिनु हामान पिप नु पिपीम आ ङोंइती हिंशा, सेंदा का यो ग्रुंइने मचब।

एस्‍तर 8:15

मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।

एस्‍तर 9:11

मिनु मेको नाक्‍त सुसा दरवारमी गिश मुर आन कली सदमे, मेको पिप कली शोव़तेक्‍म।

एस्‍तर 9:15

मिनु सुसा सहरम बाक्‍शो यहूदीपुकी अदार महिना ङा १४ नाक्‍तीमी लेंशा बुक्‍तेक्‍म। मिनु सुसा सहरमी ३ सहे मुर साइक्‍तेक्‍म। तन्‍न मेको आन शोंप नु आन थेरशो रू मारेइ मरोइक्‍तेम।

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 21:2

गो हिंचा ङा लोव़ का नेंता। श्‍येत गेबपुकीम श्‍येत ला गेनीम। खतम पोक्‍‍बपुकीमी खतम ला पोक्‍नीमी। एलाम, गे कुवो। गे लशा, मादी रागी ङा मुर पुम्‍दीने। गो मेको आन हुक‍यी पचा तेक्‍नुङ” देंत।

येरमीया 25:25

जिम्री ङा पिप, एलाम ङा पिप नु मादी ङा पिप नेल्‍ल आन कली,

इजीकीएल 1:1

मिनु ३० बर्स ङा ४ महिना ङा ५ नाक्‍ती ग्‍याइश्‍शा लाइक्‍चा पुंइसीशोपुकी नु गो केबार खोला आ नेक्‍था बाक्‍शो नङ। मिनु मेना सरीङ रोक्‍साक्‍व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३

इजीकीएल 32:24

एलाम मेकेर बाक्‍ब। आ लडाइ पाइब नेल्‍ल आ तुरस आ एर ओंथ बाक्‍नीम। मेको नेल्‍ल तरवारम क्‍योरशा साइक्‍चा पुंइसीशो बाक्‍नीम। मेकोपुकी ख्रोइक्‍तीक चिनु मख्रोइक्‍थु, उइ बेक्‍शो मुर आन बाक्‍तीक लाम्‍तेक्‍म। मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म। मेकोपुकी बेक्‍शो मुर आन बाक्‍तीकेम लशो खोदेंशो पा मुने दोक्‍नीम। येरमीया ४९:३७

दानीएल 10:4

मिनु ङोंइती ङा महिना ङा २४ नाक्‍त टाइग्रीस माइश्‍शो ठेयब खोला आ नेक्‍था राप्‍शो बाक्‍ती।

दानीएल 7:15

मिनु गो, दानीएल, मेको कोंइतीके तशा, आं थुं लुक्‍च लत। मिनु गो हिंती।

दानीएल 7:2

मिनु दानीएलमी गो, दानीएल, इप्‍शा ङोमु पा, कोंइतीक का ताता, सरीङ पूर्ब, पच्‍छिम, उत्तर, दक्‍खिन रे फश पा ठेयब समुन्‍द्र कली छाल पोक्‍पाइश्‍शो ताता।

दानीएल 8:1

मिनु बेल-शजर पिप दुम्‍शो बर्स सां जाक्‍दीमेनु, गो, दानीएलमी लेंशा कोंइतीके ताता। दानीएल ७:१

दानीएल 8:3

मिनु गो कोव़शा बाक्‍ङानु, ग्रोव़ निक्‍शी पाइश्‍शो सांड का ताता। मेको आ ग्रोव़ निम्‍फा दुइश्‍शो बाक्‍ताक्‍स। का चहिं अर्को क्‍येङा दुइश्‍शो बाक्‍त। मेको दुइश्‍शो ग्रोव़ नोले ग्रूशो बाक्‍त।

गन्‍ती 12:6

मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।

हिब्रू 1:1

साइ नेसी परमप्रभु यावेमी आ लोव़ पाइब आन कली मार मार पपाइश्‍शा नु कोंइशा, इं किकी पिपी नु लोव़ पाइबाक्‍माक्‍त।

प्रकाश 9:17

मिनु मेको शारा नु शारा ङोइक्‍बपुकी दोदेंशो तातामी देंशा हना, मेको शारा ङोइक्‍ब आन कुचुमी पीतल के फेक्‍तीके फेक्‍शो तातामी। मेको फेक्‍तीके मी खोदेंशो लल गिम गिम नु हौ ताता। मेको शारा आन पिया गुप्‍स आ पिया खोदेंशो ताता। मिनु आन शोव़ रे मी, कुन नु गन्‍धक ग्रूत।