दानीएल 8:15 - Sunuwar Bible

¹⁵ गो, दानीएलमी, एको कोंइतीके रे मार रुम्‍सीबा, दे तुइक्‍चा माल्‍ता। मिनु वोंइश मुर खोदेंशो का आं ङोंइती ग्रूशा, दोक राप्‍शो ताता।

दानीएल 8:15 ပူးပေါင်းရင်းမြစ်များ

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

दानीएल 10:16

मो दुम्‍मेनु, मुर खोदेंशो काम आं शोव़ थिप्‍तु। मिनु गो लोव़ पने चाप्‍ता। मिनु गो आं ङोंइती राप्‍शा बाक्‍ब कली “आं प्रभु, एको कोंइतीके आ पर्बम खाइक्‍ती। मिनु आं के मारेइ बोल मली। यसैया ६:७; येरमीया १:९

दानीएल 10:18

मिनु मेको मुर खोदेंशोमी आं कली लेंशा थिशा, बोल्‍यो सेल्‍ती। दानीएल ८:१८

दानीएल 10:5

मिनु गो इर गे कोव़ङुनु, सुती वा फेक्‍शो मुर का ताता। मेकोमी थम रिम्‍शो ओफीर ङा सुन के किप्‍शुर किप्‍शो बाक्‍त। दानीएल ८:१५; दानीएल १२:६; इजीकीएल ९:२; प्रकाश १:१३-१५

दानीएल 12:8

गो मेको लोव़ नेंता, तन्‍न मरुबु। मोपतीके गो “आं प्रभु, एको नेल्‍ल रे मार दुम्‍बा?” दे हिल्‍लो पाता।

दानीएल 7:13

मिनु नोले गो नाक्‍दो ङा कोंइतीकेमी मुर खोदेंशो का ताता। मेको गोस्‍सुम गिल्‍सी‍शा पिना पिन पशो ताता। मिनु मेको कली शुश बर्स दुम्‍शो का आ ङोंइती राप्‍पाइश्‍शो ताता। लूका २१:२७; प्रकाश १:१३; प्रकाश १४:१४

दानीएल 7:28

मेको आं ङोमु तशो आ लोव़ बाक्‍ब। गो दानीएल, एको मिम्‍शा थाम्‍पा हिंती। मिनु आं कुल क्‍येर दुम्‍त। मिनु गो एको लोव़ नेल्‍ल आं थुंम वोइक्‍ता। दानीएल ८:१८; दानीएल १०:८,१६-१८

दानीएल 8:1

मिनु बेल-शजर पिप दुम्‍शो बर्स सां जाक्‍दीमेनु, गो, दानीएलमी लेंशा कोंइतीके ताता। दानीएल ७:१

दानीएल 8:19

मिनु मेकोमी “गो इ कली नोले ङा गाइक्‍तीक नाक्‍ती मार दुम्‍बा, तुइक्‍पाइक्‍नन। मारदे हना एको कोंइतीके नेल्‍ल क्‍येङा नोले ङा नाक्‍त कली बाक्‍ब।

जकरिया 1:9

मिनु गो नु लोव़ पाइब, परमप्रभु यावे आ स्‍वर्ग ङा गेय पाइब कली ‘आं प्रभु, मेको मार कली नमी?’ दे हिल्‍लो पा‍ता। मिनु मेकोमी ‘एको मार कली नमी, दे गो इ कली कोंइनन’ देंत।

मत्ती 13:36

मिनु येसु मुर आन कली प्रोंइशा, खिं लेत्‍त। मिनु आ शेंसीबपुकीमी “रूमी वाशो सुवा आ कथा आ अर्थ शेंदीकी” देंतेक्‍म।

मत्ती 24:15

परमप्रभु यावे आ खिं ग्रांग्रा सेल्‍नीम, दे परमप्रभु यावे आ लोव़ पाइब दानीएलमी ब्रेक्‍शो लोव़ थमा दुम्‍शो तनीनु ‘पढेबपुकीमी रुप्‍मेक्‍ल’ दानीएल ९:२७, दानीएल ११:३१

मत्ती 24:30

मिनु सरीङमी रागीम जरमेशो आ चिन्‍ड तांइसीब। मिनु नेल्‍ल जात ङा मुरपुकी ङाक्‍नीम। रागीम जरमेशो कली गोस्‍स तारी बाक्‍शा, सक्ति नु ठेयब छेङछेङमी यिशो ताइनीम। प्रकाश १:७; मत्ती २६:६४; दानीएल ७:१३-१४; प्रकाश १९:११-१३

मर्कूस 13:14

परमप्रभु यावे आ खिं गेनायो मदुम्‍चा ङा पा बिथोलो दुम्‍मेनु, मेको मुल पढ़ेबपुकीमी रुप्‍मेक्‍ल, यहूदीया रागीम बाक्‍बपुकी डांडा ग्‍येत्‍थ प्रोक्‍मल। दानीएल ९:२७; दानीएल ११:३१; दानीएल ११:३१

मर्कूस 4:12

मारदे हना आन मिक्‍चीमी कोव़नीम, तन्‍न मताइनीम। आन नोफामी नेंनीम तन्‍न मरुप्‍‍नीम। कोव़शा रुप्‍‍तेक्‍म हना, आन थुं लेश्‍शा, आन पाप क्‍याम्‍चा ताम वा” देंमाक्‍त। यसैया ६:९-१०

यहोसु 5:14

मिनु मेकोमी “ममाइ, गो परमप्रभु यावे आ फौज आन कली चलेब नङ। मोपतीके जाक्‍ती” देंत। मिनु यहोसुमी गु बाप्‍शा सेउ पशा “आं प्रभु, गो इन गेय पाइब नङ। आं कली मार लोव़ पाइनीनी?” दे हिल्‍लो पाप्‍तु।

प्रकाश 1:13

मेको ७ ओटा दियारी आन दातेमी मुर का बाक्‍शो खोदेंशो ताता। मेको मुर दोदेंशो तांइसाक्‍व देंशा हना, खोइली सम्‍म लाइश्‍शो वा फेक्‍शो नु सुन के किप्‍तीके कुचुमी किप्‍शो बाक्‍त। प्रकाश २:१; दानीएल ७:१३

प्रकाश 13:18

मेको जन्‍तु आ नें आ हिक्‍तीक चिन्‍ड आ अर्थ मार बाक्‍मे, दे तुइक्‍चा कली जोक्‍ब तुइक्‍ब थुं माल्‍ब। जोक्‍ब मुरुमी जन्‍तु आ हिक्‍तीक चिन्‍ड तुइक्‍ब, मारदे हना मेको मुर आ हिक्‍तीक नु गारब। मेको हिक्‍तीक चहिं ६ सहे ६६ बाक्‍ब। प्रकाश १५:२