दानीएल 8:13 - Sunuwar Bible13 मिनु नोले गो स्वर्गम बाक्ब कामी लोव़ पशो नेंता। मिनु अरु स्वर्गम बाक्बमी मेको कली “नाक्त किंत किंत ङा चोशा चढ़ेतीक रोइक्तीके, आ मरिम्शो पतीकेमी परमप्रभु आ खिं श्येत्थ नु खतम सेल्तीक नु परमप्रभु आ लडाइ पाइब आन कली खोइलीमी दिप्शा, कोंइतीके गेना नुप्बा?” दे हिल्लो पशो नेंता। အခန်းကိုကြည့်ပါ။ |
दानीएल 8:13
38 ပူးပေါင်းရင်းမြစ်များ
मारदे हना आंइ कली आल का थिशो बाक्ब। तौ का गेशो बाक्ब। मेको आंइ कली रिम्शो पा सासन पाइब दुम्ब। मेको आ नें मार बाक्ब देंशा हना, छक लाक्चा ङा गेय पाइब, जोक्तीक तुइक्तीक अर्ती गेब, सक्ति पाइश्शो परमप्रभु, गेना हना यो बाक्ब आफ नु थुं नाइश्शा बाक्चा गेब पिप बाक्ब। यसैया २२:२२; मीका ५:१; मीका ४:३
हजुर, पिप, गे स्वर्ग ङा कोव़ब यिशो ताइतीनी। मिनु मेकोमी ‘एको रवा कली तिमीन। खतम पोक्कीन। तन्न मेको आ ठुटा नु शाक्श खपीम लीचा माल्नीम। मेको फलाम नु कांसा के पातामी फ्रेंशा, खपीमी लीचा माल्नीनी। मिनु नाक्दो यिशो सीतमी जिश्शा बाक्ल। मिनु मेको जन्तुपुकी नु बाक्ल। ७ बर्स मलाक्गा सम्म मोदेंशो दुम्चा माल्ब’ देंत।
मिनु परमप्रभु यावे आ तौ कली खोइलीम दिम्ब, शुश सजाइ गेशा साइक्चा पुंइसाक्म, दे तुइक्नय। ङोंइती आंम कली पाको सेल्शो नक कबल ङा हुश आ पर्बम शुक्शी पा “हुश नेल्ल कांइचीक बाक्ब, मार अर्को लोव़ बाक्बा ङा?” देंनीम। परमप्रभु यावे आ सोक्ती आ पर्बम यो शुक्शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५
मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्त। इन कली दोपा शेंदमे बाक्त देंशा हना, परमप्रभु यावेमी आ सोक्त स्वर्ग रे सोइश्शो बाक्त। मेको आ पतीकेमी शेंबपुकीमी इन कली ग्येरपाइक्ब लोव़ शेंताक्म। परमप्रभु यावे आ स्वर्ग ङा गेय पाइबपुकीम यो मेको तचा तुइक्चा दाक्नीम। एफिसी ३:१०
ကြော်ငြာတွေ